ГРОДНА
Чацвер,
18 красавіка
2024 года
 

Святы Мікалай і чаравічкі

Хвіліна творчасці

6 снежня ка­толікі ўша­ноў­ваюць памяць святога Мікалая, заступніка ван­дроў­цаў і дзяцей.
З гістарычных хронік пра зямное жыццё святога Мікалая вядома мала. Ён нарадзіўся на тэрыторыі сучаснай Турцыі прыкладна ў 270 годзе, а памёр 6 снежня 346 года. З маладых гадоў Мікалай прысвяціў сябе служэнню Богу, быў біскупам. Падчас ганенняў на хрысціян Мікалай быў у турэмным зняволенні, але нягледзячы на гэта працягваў прапаведаваць хрысціянства. Пасля прыходу да ўлады імператара Канстанціна, калі пераслед хрысціян спыніўся, Мікалай ізноў стаў кіраваць сваёй паствай.
Пра добрыя справы святога Мікалая складзены паданні, якія перадаюцца з пакалення ў пакаленне. Яны апавядаюць пра тое, як святы Мікалай дапамагаў бедным і абяздоленым, а дзецям таемна кідаў манеткі і цацкі ў выстаўленыя за дзверы чаравічкі.
У Х стагоддзі ў Кёльнскім саборы ў дзень памяці святога Мікалая (6 снежня) вучням царкоўнапрыходскай школы сталі раздаваць ласункі. А пазней у Германіі дзеці сталі вывешваць у хатах чаравічкі, каб святы Мікалай паклаў туды падарункі. Гэтая традыцыя хутка распаўсюдзілася па ўсёй Еўропе.
Праўда, падарункі ў гэты дзень атрымліваюць толькі паслухмяныя дзеці.
Прапануем зрабіць чара­вічак з паперы. Хто ведае, можа менавіта ў ім у Дзень святога Мікалая апынуцца цукеркі.

Актуальны нумар

 

Каляндар 2022

Каляндар
«Слова Жыцця»
на 2022 год

Літургічны каляндар

 
white
Адзначаем імяніны:
Да канца года засталося дзён:  258

Чакаем Вашай падтрымкі

skarbonkaДарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.