Папа Бэнэдыкт XVI

    Трывайце ў абвяшчэнні сведчання людскіх і хрысціянскіх вартасцей, так моцна ўкаранёных у веры і ў гісторыі гэтай зямлі і яе насельніцтва. Не бойцеся жыць у веры і абвяшчаць яе сведчанне ў розных слаях насельніцтва, у розных сітуацыях чалавечага жыцця. У вас ёсць усе прычыны для таго, каб паказаць, што вы моцныя, поўныя даверу і адважныя, у тым ліку, дзякуючы святлу веры і сіле любові.

    Фрагмент гаміліі падчас св. Імшы на поўдні Італіі, 09.10.2011 †

 
 Абп Мечыслаў Макрыцкі
   Святы Айцец (рэд. бл. Ян Павел II) ніколі не шкадаваў часу на малітву. Можна сказаць, што яго жыццё было малітвай. З яе ён пачынаў свой дзень. Яшчэ да ранішняга туалету, лежачы крыжам у сваім пакоі, ён адгаворваў частку Ружанца. Потым ішоў у капліцу на разважанне і малітву перад св. Імшой. Ён цэлы дзень трываў у засяроджанні, у сталай сувязі з Богам. Кожную хвіліну ён выкарыстоўваў для малітвы. Калі ён ішоў ці ехаў на аўдыенцыю, ён заўсёды маўчаў, не можна было яму перашкаджаць, размаўляць з ім, бо мы ведалі, што ён моліцца.
   

    Фрагмент інтэрв’ю для КАІ, 09.10.2011

 

---

  Бп Пётр Лібера
   Папа (рэд. бл. Ян Павел II) быў містыкам. Малітва была яго жыццём, ён дыхаў малітвай, яго сэрца білася згодна з рытмам малітвы, малітва была найважнейшай часткай яго жыцця. Калі яму прапанавалі абмежаваць час для малітвы, ён адказаў: “Не, гэта трымае мяне”. Ян Павел II – гэта сапраўдны чалавек малітвы, “homo Dei” – сапраўдны Божы чалавек. Ён становіцца прыкладам і настаўнікам малітвы. Ён на асабістым прыкладзе вучыць, што трэба верыць, дзейнічаць, і, нарэшце, маліцца. Малітва заўсёды мае перавагу.

    Паводле КАІ, фрагмент гаміліі, 09.10.2011