Патрэбны наш давер Богу

 |  кс. Антоні Грэмза  |  На шляху да святасці
Дарагая моладзь! Хлопча і дзяўчына!
Я цешуся, што вы запланавалі правесці жнівень на XXVI Сусветных днях моладзі ў Іспаніі. Колькасць планаваных удзельнікаў з Гродзенскай дыяцэзіі складае ўжо звыш 250 чалавек, а з усёй Беларусі – каля 500.
Напэўна, кожны паставіў сабе пытанні: “Ці варта?”, “Ці аплаціцца?” (Гэта ж будзе каштаваць мне і маім бацькам), “Што з гэтага застанецца?” Гэта нармальна, што ў вас паўстаюць такія і аналагічныя пытанні. Сёння наша мысленне арыентавана на падлікі і прадбачанне. Аднак я скажу вам, што ў дарозе на Сусветныя дні моладзі патрэбны наш давер Богу, што ўсё будзе добра, я атрымаю намнога больш уражанняў, чым спадзяваўся.
Добра, калі ў рамках падрыхтоўкі да Сусветных дзён моладзі вы са сваімі душпастырамі моліцеся за шчаслівае падарожжа і добры плён Сусветных дзён моладзі ў Іспаніі. Варта задумацца над сэнсам падрыхтоўчай малітвы, каб зразумець, што ўсё знаходзіцца ў кампетэнцыі Бога.
Падчас арганізацыі сустрэчы на сусветным узроўні нас можа чакаць шмат сюрпрызаў і перашкод. Яны з’яўляюцца доказам таго, што добрая і трывалая ініцыятыва варта нашых намаганняў і самаадданасці. Ад аднаго біскупа, адказнага за падрыхтоўку моладзі да Сусветных дзён моладзі ў Іспаніі, я пачуў словы перасцярогі, што сёння душпастыры і моладзь вельмі шмат увагі надаюць умовам, а не веры і даверу да Бога. Падчас супольнай падрыхтоўкі, дарагая моладзь, паразважайце разам, як трэба выразіць наш давер Хрысту падчас падрыхтоўкі і правядзення Сусветных дзён моладзі. Няхай кожнага суправаджае вера ў тое, што Божы клопат – вышэй за ўмовы!!!
#
Пры выкарыстанні матэрыялаў сайта газеты "Слова Жыцця" актыўная індэксуемая і прамая гіперспасылка на крыніцу абавязковая.
Слова Жыцця:  інфармацыйна–рэлігійная газета Гродзенскай дыяцэзіі; Год заснавання 1997.
Заснавальнік: Гродзенская Рыма–Каталіцкая Дыяцэзія; Выдаўца: Курыя Гродзенскай Дыяцэзіі;
Адрас: Гродна 230025, вул. К. Маркса, 4, тэл. (+375) 152 75-64-38; e-mail: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.
Галоўны рэдактар кс. Юрый Марціновіч. Тэхнічны рэдактар Юрый Лавыш
Веб-версія: Аляксандр Лавыш, Андрэй Міскевіч

© All rights reserved.
Admining, migration, project and design site - Andrei Miskevich /Jan_Dax/
Back to Top