Адкрыццё каталіцкага парталу Гродзенскай дыяцэзіі

Гродзенская дыяцэзія адкрыла новы варыянт інтэрнэтнай старонкі, якая поўнасцю пачне сваю працу ў палове верасня. Па адрасе WWW.GRODNENSIS.BY мы знойдзем новы змест, новыя раздзелы, фотагалерэі, мультымедыйныя матэрыялы, актуальныя навіны – усё гэта будзе па-беларуску і па-польску. Старонка няспынна пашыраецца і, напэўна, прыемна здзівіць многімі цікавымі ідэямі тых, хто карыстаецца інтэрнэтам.

Падчас урачыстасці асвячэння ксёндз Павел Салабуда, дырэктар парталу, падкрэсліў, што трэба выкарыстоўваць дасягненні сучаснасці, каб паказаць прысутнасць Касцёла ў свеце. Духоўнасць, што прапагандуецца з дапамогай інтэрнэту, дае шмат новых магчымасцяў сустрэчы з Богам. Выходзячы з навукай Касцёла да ўсіх тых, хто карыстаецца інтэрнэтам, мы хочам таксама такім спосабам сказаць кожнаму чалавеку добрай волі, што Бог яго любіць. †

Біскуп Аляксандар Кашкевіч,кіруючы агульнай малітвай, падкрэсліў, што ў будучым годзе Гродзенская дыяцэзія будзе адзначаць сваё 20-ці годдзе. Таму адкрыццё каталіцкага парталу – гэтую вялікую і прыгожую справа - можна прызнаць уступам да юбілейных святкаванняў. Біскуп пажадаў усім працаўнікам каталіцкага парталу плённай працы на інтэрнэтнай ніве для абвяшчэння Божага Валадарства. Пастыр дыяцэзіі падкрэсліў, што прысутнасць гродзенскага Касцёла ў новых мас-медыях неабходна, каб стварыць процівагу злу.
    Мы спадзяёмся, што колькасць тых, хто наведвае нашую інтэрнэтную старонку, будзе пашырацца з кожным днём. Усё больш людзей у Беларусі пачынае карыстацца інтэрнэтам, таму няхай прысутнічае ў ім Божае слова.
   У найбліжэйшы час мы плануем:
-    сістэматычныя навіны з дыяцэзіі,
-    сустрэчы з цікавымі людзьмі,
-    чаты, блогі і каталіцкія форумы,
-    інтэрнэтнае радыё,
-    іншыя цікавыя праекты, звязаныя з жыццём Касцёла на Гродзеншчыне.