ГРОДНА
Серада,
26 студзеня
2022 года
 

Толькі для дарослых!

Дзіцячы куточак

Для вопытных, уплывовых, ашчадных, заспакоеных, самазадаволеных, непахісных, няўмольных, заклапочаных, умудроных, рэалістаў, рацыянальных, беспамылковых... Для дарослых, якія думаюць адно, гавораць другое, а робяць трэцяе. Для дарослых, якія жывуць так, як быццам пішуць чарнавік, а паўнацэннае жыццё пачнецца ў іх толькі “заўтра”. Для дарослых, якія развучыліся быць шчаслівымі, развучыліся бачыць праўдзівае становішча рэчаў і падмянілі сапраўдныя каштоўнасці пустымі лічбамі на паперках.
“Дарослыя вельмі любяць лічбы. Калі расказваеш ім, што ў цябе з'явіўся новы сябар, яны ніколі не спытаюць аб самым галоўным. Яны ніколі не скажуць: “А які ў яго голас? У якія гульні ён любіць гуляць? Ці ловіць ён матылькоў?” Яны спытаюць: “Колькі яму гадоў? Колькі ў яго братоў? Колькі ён важыць? Колькі зарабляе яго бацька?” І пасля гэтага ўяўляюць, што пазналі чалавека. Калі гаворыш дарослым: “Я бачыў прыгожую хату з ружовай цэглы, вакол яе цвітуць чырвоныя ружы, а на страсе – галубы”, – яны ніяк не могуць уявіць сабе гэтую хату. Ім трэба сказаць: “Я бачыў хату за сто тысяч франкаў”, - і тады яны ўсклікнуць: “Якая прыгажосць!” ... “Сапраўды, дзіўны народ гэтыя дарослыя!»
А. дэ Сэнт-Экзюперы “Маленькі прынц”
Быць самім сабою – гэта прывілей дзяцінства. Дзеці не спрабуюць быць кімсьці, яны такія, якія ёсць. Яны не робяць з сябе паважаных, разумных. Калі ім весела – яны шчыра смяюцца, плачуць, калі ім крыўдна або балюча; калі яны галодныя, то адразу гавораць пра гэта. Яны не ўтойваюць свае пачуцці, не захоўваюць субардынацыю, не схіляюцца перад чынамі, таму што ім усё роўна. Ці не гэта - свабода? Дзеці - гэта самы шчыры, сумленны і непасрэдны народ. Яны не ведаюць, што такое комплексы, страхі, няўпэўненасць. Іх успрыманне свету вольнае, аўтаномнае і чыстае, як яны самі.
    Дзеці павінны быць вельмі паблажлівыя да дарослых. Дарослыя ніколі нічога не разумеюць самі, а дзецям вельмі нудна без канца ім усё тлумачыць. Таму дзеці часцей маўчаць, але калі яны гавораць, то іх вуснамі гаворыць праўда… Прыслухаемся?


  •   “Развод - гэта пахаванне сям'і”. Вольга, 4 клас
  •   “Радасць - гэта калі нюхаеш бэз”. Аліна, 3 гады.
  •   “Я не хачу ў свет дарослых - там усё няпраўда” Андрэй, 4 клас
  •   “Калі жадаеш навучыцца любіць яшчэ лепш, то трэба пачаць - з такога сябра, якога ты цярпець не можаш”. Вераніка, 6 гадоў
  •   “Калі цябе хтосьці кахае, ён своеасабліва прамаўляе тваё імя. Твайму імені ўтульна ў яго на язычку” Антуан, 4 гады.
  •   “Калі ты не любіш, то ні ў якім разе не павінен гаварыць: “Я люблю цябе”. Але калі любіш, то павінен гаварыць пра гэта ўвесь час, а людзі - забываюць”. Джэсіка, 8 гадоў
  •   “Жадаю жыць на Зямлі, якую стварыў Ты, а не людзі”. Віктар, 3 клас
  •   “Божа, зрабі так, каб на Зямлі зламалася ўся зброя” Кастусь, 4 клас
  •   “Божа, можна, я буду Табе часам сніцца?” Марыя, 4 гады
  •   “У некаторых людзей на сэрцах - аканіцы” Вольга, 3 клас
  •   “Божа, у Цябе атрымаліся кветкі лепш, чым чалавек” Галя, 4 клас
  •   “Божа, я напісаў вершы і саромеюся іх паказваць каму-небудзь. Я не паказваў іх нікому, але Табе, Божа, я пакажу. Вось яны:
  •    Дарослыя плачуць слязьмі.
       Дарослыя плачуць вачыма.
       Маленькія плачуць сэрцам,
       Маленькія плачуць жыццём.
       Але калі дарослы плача, як маленькі,
       Значыць, ён сапраўды плача”. Марк, 4 клас

Актуальны нумар

 

Каляндар 2022

Каляндар
«Слова Жыцця»
на 2022 год

Літургічны каляндар

 
white
Адзначаем імяніны:
Да канца года засталося дзён:  340

Чакаем Вашай падтрымкі

skarbonkaДарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.