Рубрыкі Старонкі газеты
Веб-архіў Пералік нумароў
Grodnensis Каталіцкі партал
|
ГРОДНА
Пятніца,
27 верасня 2024 года |
артыкулы рубрыкі "Слова рэдактара" >> |
 |
Просім дасылаць пытанні на адрас:
230025 г. Гродна, вул К. Маркса, 4. e-mail: slowo.grodnensis@gmail.com |
Папаўненне ў ордэне францысканцаў
Актуальна - З жыцця Касцёла
кс. Юрый Марціновіч
06 снежня 2020
|
Ва ўспамін Ахвяравання Найсвяцейшай Панны Марыі ў Ордэне Братоў Меншых Канвентуальных склаў вечныя манаскія абяцанні бр. Віктар Марыя Мялешка OFMConv. Урачыстасць адбылася падчас св. Імшы ў францысканскім касцёле Маці Божай Анёльскай у Гродне.Манаскія абяцанні жыць у чыстасці, убостве і паслухмянасці бр. Віктар прынёс у прысутнасці а. Антонія Пажэцкага OFMConv, дэлегата правінцыяльнай дэлегатуры ў Беларусі, што належыць да правінцыі Маці Божай Беззаганнай у Варшаве (Польшча). Святар моцаю ўдзеленай яму ўлады абяцаў бр. Віктару жыццё вечнае, калі той стрымае складзеныя шлюбы. †
Паўсюдны Касцёл (5)
Актуальна - Варта ведаць
На падставе інтэрнэт-крыніц
06 снежня 2020
|
☞ Польшча. Папам Францішкам заснавана Ольштын-Гданьская епархія візантыйска-ўкраінскага абраду. Для яе былі аддзелены некаторыя тэрыторыі ПшэмысльскаВаршаўскай архіепархіі і Вроцлаўска-Гданьскай епархіі. Першым біскупам прызначаны а. Аркадзь Траханоўскі. Новая епархія займае 90 075 км², налічвае 43 парафіі і душпастырскія цэнтры. Катэдрай вызначана царква Пакрова Прасвятой Багародзіцы ў Ольштыне. †
Мы павінны несці цяжар адзін аднаго, праяўляць узаемную падтрымку і салідарнасць
Актуальна - Пастырскае Слова
Каталіцкія Біскупы Беларусі
06 снежня 2020
|
Канферэнцыя Каталіцкіх Біскупаў у Беларусі скіравала да вернікаў і людзей добрай волі зварот у сувязі з напружанай сітуацыяй у краіне.Наша Бацькаўшчына Беларусь ужо чацвёрты месяц знаходзіцца ў нябачаным дагэтуль грамадска-палітычным крызісе, які, на жаль, паглыбляецца. Насілле не спыняецца, надалей праліваецца кроў, грамадства падзелена. Гэта не прадвяшчае шчаслівай будучыні, бо, як казаў Хрыстос, дом, падзелены сам у сабе, не выстаіць (параўн. Мц 12, 25). Цяжка паверыць, што такое адбываецца ў нашай міралюбнай краіне, вядомай сваёй талерантнасцю і згодай паміж людзьмі розных веравызнанняў і нацыянальнасцей. †
Чытаць цалкам: Мы павінны несці цяжар адзін аднаго, праяўляць узаемную падтрымку і салідарнасць
Пачуць смак урачыстасці
Літургія - Хрысціянскія традыцыі
Кл. Андрэй Юхнiк
06 снежня 2020
|
Вось мы ўжо і пераступілі парог Адвэнту. Кожны чалавек успрымае і перажывае гэты перыяд па-рознаму. Для кагосьці ён асацыіруецца з нейкім цяжарам, які трэба пранесці на сваіх плячах на працягу чатырох тыдняў, а хтосьці ўжо вырашыў, якую пастанову бярэ на Адвэнт. Хтосьці любіць яго, а хтосьці чакае, каб хутчэй скончыўся…У дзяцінстве мне не падабаўся гэты час. Але паступова я ўсё больш і больш пачаў разумець сэнс Адвэнту і яго значэнне. Зацікавіўся адпаведнай тэмай на катэхезах, шукаў інфармацыю аб традыцыях перажывання гэтага перыяду ў інтэрнэце. З кожным годам Адвэнт станавіўся для мяне ўсё больш любімым часам, якога ўжо пачынаў чакаць пасля ўрачыстасці Усіх Святых. †
Пазбаўляемся ад празмернага і неабдуманага спажывання
Роздум - Экалагічная цнота
Алена Майсюк
06 снежня 2020
|
Як шмат цывілізацыя стварыла рэчаў! Імкненне зарабіць на сквапнасці і неўмеркаванасці ў ежы і піцці неўсвядомленага чалавека прыводзіць да разбурэння нашага адзінага на ўсіх дома – планеты Зямля. Што можам зрабіць, захаваўшы ў сабе цноту памяркоўнасці і беражлівасці, а разам з тым, усё, што нас акружае?Нуль адходаў (Zero Waste)
Мэта ідэі “Нуль адходаў” – скараціць аб’ём смецця, які трапляе на звалкі і заводы для спальвання смецця. †
Мэта ідэі “Нуль адходаў” – скараціць аб’ём смецця, які трапляе на звалкі і заводы для спальвання смецця. †
Чытаць цалкам: Пазбаўляемся ад празмернага і неабдуманага спажывання
Чаму нельга біць дзіця?
Роздум - Дапамагчы добрай радай
кс. Павел Салабуда
06 снежня 2020
|
Напэўна, большасць бацькоў скажуць, што маленькі пляскач “не нашкодзіць” дзіцяці, а наадварот, дапаможа ў выхаванні. Знойдуцца нават тыя, хто ўпэўнены, што дзіця часам заслугоўвае папругі. Некаторыя дарослыя, тлумачачы свае “правільныя” паводзіны, гавораць, што ўдарылі з любоўю.
Безумоўна, не ўсім спадабаецца мой адказ, бо хтосьці падкрэсліць, што святар не ведае, што значыць выхоўваць дзяцей кожны дзень, што “бацькі нас білі, і мы выраслі добрымі людзьмі” і да т. п. Так, згодны, што сённяшняе малодшае пакаленне значна адрозніваецца ад пакалення, якое было, напрыклад, 10-20 гадоў таму. Аднак адказ адназначны – біць дзяцей нельга ні пры якіх абставінах і ніякім чынам. Нельга забывацца, што біццё (нават лёгкі пляскач) з’яўляецца насіллем, а гвалт заўсёды спараджае гвалт. †
Безумоўна, не ўсім спадабаецца мой адказ, бо хтосьці падкрэсліць, што святар не ведае, што значыць выхоўваць дзяцей кожны дзень, што “бацькі нас білі, і мы выраслі добрымі людзьмі” і да т. п. Так, згодны, што сённяшняе малодшае пакаленне значна адрозніваецца ад пакалення, якое было, напрыклад, 10-20 гадоў таму. Аднак адказ адназначны – біць дзяцей нельга ні пры якіх абставінах і ніякім чынам. Нельга забывацца, што біццё (нават лёгкі пляскач) з’яўляецца насіллем, а гвалт заўсёды спараджае гвалт. †
Найлепшы банк – мець усё ў Бога
Роздум - На шляху да святасці
С. Зоя Дамброўская
06 снежня 2020
|
Калі я чую слова “ўбоства”, у галаве ўзнікаюць два вобразы.
Адзін з іх – гэта такое ўбоства, калі чалавек мае ўсё ў Бога і спадзяецца на Яго. Калі нават у самай вялікай патрэбе ён не губляе душэўнага супакою і ўнутранай радасці, калі здольны дзяліцца з іншымі, хаця сам мае вельмі мала. Тады я бачу ўсмешлівыя твары сапраўды бедных людзей – у розных краінах Афрыкі, Азіі, у Індыі, Сальвадоры, у малюсенькіх вёсках Сібіры, ва ўсіх тых месцах, дзе ў людзей няма самага неабходнага. І ў той жа час нейкім незразумелым чынам яны застаюцца спакойнымі, шчаслівымі, радаснымі і здольнымі гэтай радасцю дзяліцца. †
Адзін з іх – гэта такое ўбоства, калі чалавек мае ўсё ў Бога і спадзяецца на Яго. Калі нават у самай вялікай патрэбе ён не губляе душэўнага супакою і ўнутранай радасці, калі здольны дзяліцца з іншымі, хаця сам мае вельмі мала. Тады я бачу ўсмешлівыя твары сапраўды бедных людзей – у розных краінах Афрыкі, Азіі, у Індыі, Сальвадоры, у малюсенькіх вёсках Сібіры, ва ўсіх тых месцах, дзе ў людзей няма самага неабходнага. І ў той жа час нейкім незразумелым чынам яны застаюцца спакойнымі, шчаслівымі, радаснымі і здольнымі гэтай радасцю дзяліцца. †
У чым розніца паміж бояззю Божай як дарам Святога Духа і страхам перад Богам?
Зваротная сувязь - Задай пытанне
ave-maria.by
06 снежня 2020
|
Апостал Павел, згодна з біблейскай традыцыяй, атаясамлівае цноту боязі Божай з дарам набожнасці. Ён сцвярджае: тым, што найбольш развівае набожнасць і боязь Божую, з’яўляецца вернасць чыстаму сумленню (параўн. 1 Цім 1, 5–18; 4, 2). Таксама і клопат пра збаўленне патрабуе руплівасці, поўнай “боязі і трымцення”, дзякуючы чаму Бог станецца ў нас “здзяйсняльнікам і жадання, і дзеяння” (параўн. Флп 2, 12–13).У сувязі з магчымай негатыўнай інтэрпрэтацыяй дару боязі Божай, асобна выдзяляем і адрозніваем адмоўную паставу, якую называем “страхам Божым”. Страх з’яўляецца перажываннем стану нежадання таго, што можа здарыцца, і ўспрымаецца як зло. †
Чытаць цалкам: У чым розніца паміж бояззю Божай як дарам Святога Духа і страхам перад Богам?
Скарбы маёй сям’і
Роздум - На шляху да святасці
Алена Стрыга
06 снежня 2020
|
Божае Нараджэнне ў нашай сям’і з’яўляецца, напэўна, самым чаканым з усіх свят. Традыцый з ім звязана нямала. Большасць з іх перадаюцца з пакалення ў пакаленне.
Рыхтавацца да свята пачынаем загадзя. У пачатку снежня распачынаецца Адвэнт – г. зв. час чакання, які трывае да Вігіліі. У гэты перыяд мы ўсёй сям’ёй удзельнічаем у Раратах. Памятаю, як дзяўчынкай я вельмі любіла Рараты, якія асаблівым чынам хвалявалі сэрца чароўным хараством і таямніцай чакання нечага велічнага. З якім творчым запалам я рыхтавала кожны год ліхтарыкі, упрыгожвала іх малюнкамі! А цяпер назіраю, як мае дзеці робяць гэтаксама, і разумею, што змагла перадаць ім кавалачак свайго маленькага шчасця. Асаблівым чынам адбываюцца прыгатаванні ў хаце. †
З каталіцкіх СМІ Беларусі (7)
Актуальна - Прэса
Рэдакцыя
06 снежня 2020
|
Інтэрнэт-парталКасцёла ў Беларусі
Біскуп Антоній Дзям’янка нанава блаславіў адбудаваны касцёл у Воўчыне (Пінская дыяцэзія).
Асвячэнне старадаўняй святыні пад тытулам Найсвяцейшай Тройцы, Адведзінаў Найсвяцейшай Панны Марыі і св. Станіслава, біскупа і мучаніка, здзейсніў 21 ліпеня 1743 года біскуп Луцкі і Брэсцкі Францішак Антоній Кабельскі. Пазней касцёл шмат разоў разбураўся і перабудоўваўся. Апошнія аднаўленчыя працы трывалі з 2009 года.
Пробашч парафіі кс. Андрэй Бародзіч ад імя мясцовых вернікаў падзякаваў біскупу за ўрачыстае бласлаўленне касцёла і за дапамогу ў заканчэнні рамонтных прац. †
За яго выбар адказнасць і на мне
Актуальна - Інтэрв'ю
Ангеліна Марцішэўская
22 лістапада 2020
|
Н
а 79-ым пленарным пасяджэнні Канферэнцыі Каталіцкіх Біскупаў у Беларусі прынята рашэнне распачаць ініцыятыву “Духоўная падтрымка святарскіх і манаскіх пакліканняў у Беларусі”. Яна стартуе 22 лістапада, ва ўрачыстасць Пана Нашага Езуса Хрыста, Валадара Сусвету.
а 79-ым пленарным пасяджэнні Канферэнцыі Каталіцкіх Біскупаў у Беларусі прынята рашэнне распачаць ініцыятыву “Духоўная падтрымка святарскіх і манаскіх пакліканняў у Беларусі”. Яна стартуе 22 лістапада, ва ўрачыстасць Пана Нашага Езуса Хрыста, Валадара Сусвету.Пра неабходнасць малітоўнай падтрымкі святарскіх і манаскіх пакліканняў у інтэрв’ю для “Слова Жыцця” распавядае біскуп Аляксандр Яшэўскі SDB, адказны за фармацыю семінарыстаў і святароў пры Канферэнцыі Каталіцкіх Біскупаў у Беларусі. †
Толькі Езус надае сэнс усяму
Літургія - Хрысціянскія традыцыі
кс. Юрый Марціновіч
22 лістапада 2020
|
Хрыстос можа надаць новы сэнс нашаму жыццю, але пры ўмове, што не пойдзем за логікай свету і яго “цароў”.У апошнюю нядзелю літургічнага года мы традыцыйна вяртаемся да вобраза цара. Углядаемся ў Езуса Хрыста, які аб’яўляецца як Валадар усяго сусвету. Такой была мэта Яго місіі, якую атрымаў ад свайго Айца. †
Наступныя артыкулы...
Старонка 37 з 300:
Літургічны каляндар
 | |
Адзначаем
імяніны: | |
Да канца года засталося дзён: 96 | |
Чакаем Вашай падтрымкі
Дарагія Чытачы!Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.
