Асноўнае экуменічнае набажэнства нашай дыяцэзіі адбылося 24 студзеня ў гродзенскай катэдры. На супольным набажэнстве прысутнічалі прадстаўнікі рыма- і грэка-каталіцкага Касцёла, праваслаўнай і лютэранскай Цэркваў. Аб адзінстве хрысціян гродзенскія вернікі разам з усім светам маліліся на працягу тыдня: ад 18 да 25 студзеня.

Асноўнае экуменічнае набажэнства нашай дыяцэзіі адбылося 24 студзеня ў гродзенскай катэдры. На супольным набажэнстве прысутнічалі прадстаўнікі рыма- і грэка-каталіцкага Касцёла, праваслаўнай і лютэранскай Цэркваў. Аб адзінстве хрысціян гродзенскія вернікі разам з усім светам маліліся на працягу тыдня: ад 18 да 25 студзеня.
   Набажэнства распачалося ўрачыстай працэсіяй з крыжом, кадзілам і Евангеллем як сімвалам жывога сапраўднага Езуса Хрыста сярод вернікаў. †

“Ідзіце ў супакоі Хрыста”
    Кс. Ірэнэуш Бакаларчык, 2/2012
  
    Рассыланне вернікаў у рымскай літургіі спачатку мела форму звычайнай абвесткі, што Эўхарыстыя падышла да канца і літургічная сустрэча скончылася. У рымскай старажытнасці быў распаўсюджаны звычай заканчваць сустрэчу формулай “missa”. Хрысціяне запазычылі гэты тэрмін, надаючы яму рэлігійнае значэнне, у якім формула развітання гучала наступным чынам: “Ite, missa еst” – “Ідзіце ў супакоі Хрыста” (паводле сучаснага перакладу). Аўтар матэрыялу распавядае пра гісторыю ўжывання гэтай формулы падчас св. Імшы. †

ЯК ДЗЕЙНІЧАЕ ГАМЕАПАТЫЯ?
   Як жа ўздзейнічаюць на чалавека гамеапатычныя прэпараты? Адны прыхільнікі гэтай “нетрадыцыйнай медыцыны” распавядаюць толькі пра фізічнае ўздзеянне гамеасродкаў, іншыя ж – наадварот, падкрэсліваюць толькі духоўнае (энергетычнае) іх уздзеянне. Прыхільнікі фізічнага ўздзеяння гамеапатычных прэпаратаў сцвярджаюць, што хвораму належыць падабраць мінімальную дозу такога сродку, каторы ў вялікай дозе выклікаў бы сімптомы, якія на дадзены момант адзначаюцца ў хворага. Гамеапатычны “лек” з мінімальнай дозай такога сродку павінен актывізаваць імунітэт арганізма, каб перамагчы хваробу. Гэты метад лячэння гамеапаты параўноўваюць з вядомым нам спосабам лячэння праз прышчэпкі, які выкарыстоўваецца ў традыцыйнай медыцыне. Як прыклад, яны прыводзяць вядомае прышчэпліванне супраць грыпу. У той жа час, крытыкі гамеапатыі даказваюць, што гамеапатычны метад не мае нічога агульнага з навуковай медыцынай. Яны прыводзяць прыклад, што для вылячэння ныркавага каменя гамеапаты прапаноўваюць выпіць раствор з... ныркавым каменем. Гэтыя парадоксы звязаны з тым, што гамеапаты ўзводзяць метад лячэння падобнага падобным да абсалютнага. †

Хвала Хрысту!
    Віншую чытачоў рубрыкі “На скрыжаванні” з нагоды першай гадавіны яе існавання. Ужо роўна год, як на старонках газеты “Слова Жыцця” з’яўляецца наша рубрыка для моладзі. Давайце падвядзём вынікі.
   За ўвесь час мы разам з Вамі мелі магчымасць пазнаёміцца з адзінаццаццю святымі асобамі, даведацца аб іх жыцці і шляху да святасці. Мы разважалі над адзінаццаццю актуальнымі пытаннямі: каханне, прызначэнне, магчымасці, час, мова… Адзінаццаць разоў мы вызначалі для сябе справу і мэту месяца. Мы размаўлялі на “добрай” мове, запаўнялі ўнутраную пустэчу, дзяліліся сваёй любоўю і выпраўлялі свае памылкі. Нас чакаў цікавы свет хрысціянскай літаратуры. Мы разважалі над радкамі Бібліі і слухалі добрыя песні.
   З Богам!

  ВЫКАЗВАННЕ З БІБЛІІ: “Госпаду Богу твайму пакланяйся і Яму аднаму служы” (Мц 4, 10).
   Бог адзін. І толькі. Але Яго непрыкметна могуць засланіць многія людзі і нават рэчы. Каб гэтага не адбылося, вельмі важна аналізаваць усе свае дзеянні, караць сябе за нейкія промахі і памылкі, пасля чаго сумленне, безумоўна, будзе крычаць удвая гучней. І сэрца ад любові да свайго адзінага Бога будзе біцца ўдвая хутчэй. †

Іўе з’яўляецца шматкультурным і шматнацыянальным горадам. Тут разам жывуць палякі, беларусы, рускія, татары і іншыя нацыянальнасці. Сярод іх ёсць вернікі каталіцкага, праваслаўнага веравызнання, а таксама прадстаўнікі ісламу і іншых рэлігій. Так сталася, што канцэрт калядак быў арганізаваны ў межах Тыдня малітвы за адзінства хрысціян. Як адзначылі арганізатары, гэты фестываль, які адбываецца ў такім асаблівым месцы, як Іўе, можа таксама спрычыніцца да адзінства хрысціян. Людзі розных культур і веравызнанняў у гэты дзень спявалі на хвалу Бога.
   Нядзеля 22 студзеня на­доўга застанецца ў памяці ўсіх вернікаў дэканата Іўе. У гэты дзень тут адбыўся IХ Фестываль калядак “Gloria in excelsis Deo”, арганізаваны кс. Янам Гавецкім і парафіянамі. У Іўе прыехалі прадстаўнікі ўсіх парафій дэканата. Спачатку фестываль арганізоўваўся толькі для жыхароў мястэчка і ваколіц, а сёлета гэта была ўжо другая дэканальная сустрэча дзяцей і моладзі, ахвотных падзяліцца сваім спевам калядак. У гэты нядзельны вечар на сцэне мясцовага Дома культуры можна было сустрэць удзельнікаў рознага ўзросту; салістаў, калектывы і гурты, якія прыехалі са сваімі катэхетамі, настаўнікамі музыкі, святарамі і манаскімі сёстрамі. †

Адзін чалавек пасадзіў ружу, рупліва даглядаў яе, паліваў. Але перш, чым яна зацвіла, ён асцярожна агледзеў яе.
    Чалавек убачыў бутон, які павінен быў хутка распусціцца, а таксама ён заўважыў на сцябле шыпы і падумаў: “Як з расліны з мноствам калючых шыпоў можа вырасці прыгожая кветка?”
    Засмучаны гэтай думкай, ён перастаў паліваць ружу, і кветка загінула, так і не паспеўшы зацвісці.
    А ці ведаем мы, што дзесьці ўнутры кожнай душы ёсць такая Ружа. Ці памятаем, кім мы з’яўляемся? Па чыім вобразе і падабенстве былі створаны? Гэты вобраз упісаны ў нашае сэрца з самага нараджэння. Якасці, якія робяць нас падобнымі да нашага Творцы, растуць унутры нас сярод шыпоў, якімі з’яўляюцца нашыя памылкі. Многія глядзяць на сябе і бачаць толькі гэтыя шыпы. †

“Вось кажу вам таямніцу: не усе мы памром, але ўсе будзем пераменены, адразу, імгненна, на гук апошняй трубы. Бо затрубіць, і паўстануць памерлыя незнішчальнымі, і мы будзем пераменены. Бо трэба, каб тое, што знішчальнае, прыадзелася ў незнішчальнасць, і смяротнае прыадзелася ў несмяротнасць. А калі ўжо гэтае знішчальнае прыадзенецца ў незнішчальнасць, і смяротнае гэтае прыадзенецца ў несмяротнасць, тады збудуцца напісаныя словы: «Паглынулася смерць перамогаю. Смерць, дзе твая перамога? Смерць, дзе тваё джала?». Джала смерці – грэх, а сіла граху – закон. Богу ж падзяка за тое, што даў нам перамогу праз Госпада нашага Езуса Хрыста. Дзеля таго, браты мае ўлюбёныя, будзьце стойкімі і непахіснымі, заўсёды рупліва занятыя справай Госпада, ведаючы, што праца ваша не будзе дарэмнай перад Госпадам”.
(1 Кар 15, 51-58) (экуменічны пераклад) †

Дэканат Масты

Вёска Пяскі вядома з XVII ст. як уладанне Сапегаў, пры якіх у 1682 г. (або ў 1782 г.) і быў пабудаваны касцёл. Апошні драўляны касцёл быў пабудаваны тут у 1857 г. (або ў 1877 г.) графам Вацлавам Красіцкім і асвечаны пад тытулам Унебаўзяцця Найсвяцейшай Панны Марыі.
    У 1900 – 1914 гг. над мястэчкам узняўся новы, ужо мураваны касцёл, пабудаваны з бутавага каменю ў неагатычным стылі паводле праекта інжынера Даніева. Будаўніцтва вялося на сродкі парафіян. Цяпер святыня набыла новы тытул – Маці Божай Ружанцовай. Пры гэтым пад касцёл аддалі новую пляцоўку, метраў на 80 паўднёвей старой, бліжэй да цэнтра мястэчка. На старой пляцоўцы дагэтуль знаходзіцца пустка, абсаджаная дрэвамі.
    Перад Другой сусветнай вайной колькасць парафіян у пяскоўскай парафіі дасягала 1500 чалавек. †

  818.
   Тых, хто сёння нараджаецца ў супольнасцях, якія ўзніклі ў выніку расколу, і “напаўняецца верай у Хрыста, нельга абвінавачваць у граху адлучэння. А каталіцкі Касцёл акружае іх братэрскай павагай і любоўю... Апраўданыя верай праз хрост, яны належаць да Цела Хрыста, таму іх упрыгожвае належнае ім хрысціянскае імя, а сыны каталіцкага Касцёла па праву лічаць іх братамі ў Пану”

Ужо ў 45-ы раз увесь хрысціянскі свет будзе маліцца за адзінства хрысціян. Малітвы будуць адбывацца на працягу ўсяго тыдня. Яны распачаліся 18 студзеня і скончацца 25 студзеня на свята Навяртання св. апостала Паўла. Айцы ІІ Ватыканскага Сабору ў спецыяльным дакуменце пра экуменізм настойвалі на супольнай малітве, згадваючы тое, што “гэты святы план паяднання ўсіх хрысціян у еднасці аднаго і адзінага Касцёла Хрыста сягае па-за людскія сілы і здольнасці” (Unitatis redintegratio, 24).
   У межах Тыдня па ўсім свеце адбываецца шэраг канферэнцый, сустрэч і набажэнстваў, арганізаваных Экуменічнай Радай, Канферэнцыяй Біскупаў і іншымі органамі Касцёлаў розных краін.
   Падчас гэтых сямі дзён хрысціяне ў кожнай святыні, таксама і ў нашай дыяцэзіі, моляцца аб адзінстве. А галоўнае набажэнства будзе адпраўлена ў гродзенскай катэдры 24 студзеня ў 18.30. Усе прысутныя прымуць удзел у набажэнстве Божага слова, а таксама ў набажэнстве святла. Дэвізам Тыдня малітвы за адзінства хрысціян з’яўляюцца словы: “Перамененыя праз перамогу Езуса Хрыста”, узятыя з І Ліста св. Паўла да Карынцян (1 Кар 15, 51-58).
   Гэта будзе ўжо другая ўрачыстая малітоўная сустрэча ў нашай катэдры. Першая такая сустрэча пад дэвізам “І вы – сведкі гэтага” (Лк 24, 48) адбылася ў 2010 годзе. У літургіі Божага слова, якую ўзначальваў кс. бп Аляксандр Кашкевіч, прынялі ўдзел таксама прадстаўнікі праваслаўнай, лютэранскай і грэка-каталіцкай Цэркваў. Шчыра запрашаем усіх вернікаў на малітву, а ў сваіх штодзённых малітвах памятаем пра адзінства хрысціян. †

2005 год

---

   7 мая  -  У Смаргоні адбылася дэканальная сустрэча міністрантаў. У ёй удзельнічала каля 60-ці хлопцаў.
   24 мая  -  У межах падрыхтоўкі да каранацыі абраза Маці Божай Кангрэгацкай у Гродне адбылася навуковая сесія. Урачыстую св. Імшу ў катэдральнай базіліцы адправіў кс. кард. Станіслаў Нагі з Кракава.
   25 мая  -  Кс. кард. Станіслаў Нагі асвяціў вуглавы камень пад будаўніцтва касцёла Божай Міласэрнасці ў Гродне. †

Папа Бэнэдыкт XVI

    Хрысціянская вера ўжо сама па сабе прадугледжвае абвяшчэнне і сведчанне, таму што яна палягае на прыняцці Добрай Навіны, што Езус з Назарэта памёр і ўваскрос, што Ён – Бог. А акрамя гэтага таксама пакліканне да непасрэднага пераймання Езуса, адракаючыся ад заснавання ўласнай сям’і, каб прысвяціць сябе вялікай сям’і Касцёла, часта прыходзіць праз сведчанне і прапанову “старэйшага брата”, звычайна святара. Нельга пры гэтым забываць аб асноўнай ролі бацькоў, якія сваёй сапраўднай і радаснай верай і сужэнскай любоўю паказваюць дзецям, што гэта прыгожа і магчыма пабудаваць усё сваё жыццё на любові Бога.
   
    Фрагмент нядзельнага разважання 15.01.2012 †