Хвала Хрысту!
    Пачаў раставаць снег, ажыла прырода, паказалася сонейка, з зямлі выглянула першая зялёная траўка. І на ніве нашай рубрыкі “На скрыжаванні” таксама адбыліся невялікія змены. Дарагія Чытачы! З павагай да Вас і Вашых прапаноў, мы ўводзім падрубрыку “Інтэнцыя месяца”, дзе будзе публікавацца інтэнцыя, вызначаная папам Бенедыктам XVI на кожны месяц 2012 года. Уводзіцца таксама падрубрыка “Верш месяца” для творчых асоб. Запрашаем прымаць у ёй удзел! Яна будзе выходзіць папераменна з падрубрыкай “Песня месяца” (таксама па Вашай просьбе). Акрамя гэтага, звяртаем увагу на тое, да якіх святых можна маліцца ў гэтым месяцы.
    У сакавіку будзем наводзіць парадак. Чаму? Бо так патрабуе справа месяца...

  ВЫКАЗВАННЕ З БІБЛІІ: “Так, як вы зрабілі аднаму з гэтых братоў Маіх найменшых, вы Мне зрабілі» (Мц 25, 40).
   Часам робіш штосьці такое, пасля чаго аж самому становіцца жахліва. А калі перад тым, як нешта зрабіць, добра паразважаць, наўрад ці потым захочацца адцягнуць час за хвост, вярнуцца і штосьці выправіць. Не трэба забывацца на тое, што вакол нас браты і сёстры, не трэба пагарджаць імі. Убачыўшы Езуса ў кожным чалавеку, захочацца, каб Ён усміхнуўся. Робячы добрую справу для бліжняга, мы праслаўляем Бога, а зазлаваўшыся на кагосьці, абражаем Яго. †

Мітрапаліт Тадэвуш Кандрусевіч назваў 2012 год Годам новай евангелізацыі ў Беларусі, падкрэсліўшы, што праграмай новай евангелізацыі павінна быць ахоплена моладзь і студэнты. Гэта, можа, найбольш падпарадкаваная выклікам секулярызму і лібералізму частка сучаснага грамадства.
   З аднаго боку, яна заблукала і збянтэжана, часам нават згубіла надзею, з іншага – шукае дарогі да шчасця. Таму мы павінны ахапіць яе сваёй пастырскай і проста чалавечай апекай, бо ад таго, якой будзе моладзь, залежыць, якім будзе свет і Касцёл.

14 лютага семінарыйны гурт “АVE” наведаў Навагрудак, каб паказаць навагрудскай моладзі, як прыемна спяваць для Пана. †

Не сакрэт, што сучасны выгляд Дня Святога Валянціна – гэта камерцыйны праект, які прыносіць добры прыбытак бізнесменам, а для звычайных абывацеляў гэта проста нагода павесяліцца. Для многіх закаханых гэты дзень з’яўляецца ці не адзіным момантам у годзе, калі яны імкнуцца неяк адмыслова падкрэсліць блізкай асобе, як моцна яе кахаюць. Для хрысціян Дзень св. Валянціна становіцца своеасаблівым выклікам. Відавочна, што масавая культура не канцэнтруецца на рэлігійным аспекце свята. Некаторыя нават мэтанакіравана змяняюць назву гэтага дня, каб канчаткова сцерці яго хрысціянскі элемент. Замест “Дзень св. Валянціна” часта можна ўбачыць загаловак: “Дзень закаханых”. Паўстае адмысловае напружанне паміж хрысціянскім звычаем успаміну святога і рэлігійна абыякавым жаданнем чарговага шоу.

   У адносінах да гэтага свята хрысціяне раздзяліліся. Адны лічаць яго адназначна дрэнным, бо яно прапагандуе распусту і г.д. Іншыя – што неабходна змагацца за хрысціянскі характар свята. Прыхільнікі такога погляду прапаноўваюць розныя альтэрнатывы камерцыйным шоу. Напрыклад, выкары­стоўваюць тэматыку гэтага дня, каб паразмаўляць аб хрысціянскім разуменні кахання. Або арганізоўваюць альтэрнатыўныя хрысці­янскія вечарыны, шоу і малітоўныя сустрэчы. †

Зіма падыходзіла да кан­ца. Цёплыя прамяні сон­ца ўсё часцей прабіваліся скрозь аблокі, і прырода патроху абуджалася ад сну. Напярэдадні вясны ўсе дзеці ў класе Валіка атрымалі заданні. Адны малявалі, іншыя сеялі насенне кветак, а Валіку даручылі напісаць сачыненне, тэма якога – вядомая прымаўка: “Чалавек нібы палявое дрэва”. “Дзіўна, – падумаў Валік. – Дрэва – гэта дрэва, а чалавек – гэта чалавек. Што паміж імі агульнага? Трэба пагаварыць з братам. Ён вучыцца ва ўніверсітэце і, напэўна, усё падрабязна мне растлумачыць”.

   Валік дачакаўся канца ўрокаў і пабег дахаты.

    Брат Валіка, Міхась, уважліва выслухаў пытанне, узяў аловак і намаляваў парастак. †

Апостальскі нунцый у Беларусі абп Клаўдыё Гуджэроцці знаходзіўся з візітам у Гродне. Візіт пачаўся з сустрэчы са старшынёй аблвыканкама Сямёнам Шапірам 3 лютага. На наступны дзень абп Клаўдыё Гуджэроцці наведаў гродзенскія парафіі і касцёлы.

Першай святыняй, якую наведаў прадстаўнік Святога Айца, была гродзенская катэдра. Пробашч касцёла кс. Ян Кучынскі пазнаёміў арцыбіскупа з гісторыяй кас­цёла: перыядамі будаўніцтва, дзейнасцю езуітаў, распавёў пра цудадзейны абраз Маці Божай Кангрэгацкай і паказаў Яе капліцу. Арцыбіскуп таксама змог убачыць адноўлены галоўны алтар катэдры, які быў панішчаны пажарам 5 гадоў таму, а таксама бягучыя працы па аднаўленні фрэсак катэдры. Варта адзначыць, што ксёндз пробашч вёў расповед на італьянскай мове. †

Арцыбіскуп Клаўдыё Гуджэроцці ўпершыню наведаў Гродзенскую вышэйшую духоўную семінарыю, а таксама пазнаёміўся з алюмнамі і выкладчыкамі гэтай навучальнай установы.

На пачатку сустрэчы ў размове з нунцыем ксёндз рэктар Юзаф Станеўскі распавёў пра багатую гісторыю былога бернардынскага кляштара, у якім сёння знаходзіцца семінарыя. Арцыбіскупа вельмі ўразіла гісторыя гэтага месца. Ксёндз рэктар таксама расказаў пра сучасны стан семінарыі.

    Затым нунцый сустрэўся з клерыкамі ВДС, якіх на сённяшні дзень налічваецца 46. Падчас сустрэчы арцы­біскуп звярнуўся да клерыкаў: “Мяне вельмі цікавяць Вашыя пытанні. Перш за ўсё, я хачу перадаць Вам прывітанне ад Святога Айца. Калі б Папа Вас убачыў, для яго гэта стала б вялікай падтрымкай. Вы – будучыня нашага Касцёла”.†

Пасля сустрэчы з клеры­ка­мі Яго Эксцэленцыя спат­каўся з выкладчыкамі семінарыі.

На пачатку сус­трэ­­чы ксёндз рэк­­­тар распавёў карот­кую гіс­торыю дзейнасці семінарыі і прадставіў выкладчыкаў і выхавацеляў, сярод якіх 28 прафесараў: ксяндзы, манаскія і свецкія асобы. Ксёндз рэктар адзначыў, што семінарыйная супольнасць усё больш разві­ваецца.

    Нунцый пазнаёміўся з выкладчыкамі. Падчас размовы закраналіся такія тэмы, як адказнасць за выхаванне будучых святароў, тое, якім павінен быць святар і інш. †

Напрыканцы візіту ў Гродзенскую ВДС адбылася ўрачыстая св. Імша, якую ўзначаліў Яго Эксцэленцыя Клаўдыё Гуджэроцці.

На св. Імшы прысут­нічалі кле­рыкі, выкладчыкі семінарыі і свецкія асобы. Падчас гаміліі арцыбіскуп звярнуўся з асаблівымі словамі да будучых святароў. Ён заахвоціў усіх алюмнаў да частай малітвы, каб дзякаваць Богу за ўсё дабро. “Быць святаром Эўхарыстыі, а таксама чалавекам Эўхарыстыі”, – сказаў нунцый на пачатку сваёй гаміліі. “Трэба моцна стаяць на нагах, каб ісці па дарозе паклікання, дзякуючы Богу за ўсе дары, атрыманыя ад Яго”, – падкрэсліў ксёндз арцыбіскуп. †

Апостальскі нунцый Клаў­дыё Гуджэроцці 5 лютага сустрэўся з прадстаўнікамі гродзенскіх СМІ.

На сустрэчы ксёндз арцыбіскуп па­дзя­ліўся сваімі ўражаннямі ад візіту ў Гродна, наведвання касцёлаў і парафій, знаёмства з гродзенскімі вернікамі, падзяліўся меркаваннем, пры якой умове магчыма сустрэча двух найвышэйшых іерархаў каталіцкага Касцёла і праваслаўнай Царквы.

    – Ваша Эксцэленцыя, якія ў Вас уражанні ад візіту ў Гродна?
    – Першае ўражанне – гэта кантраст паміж нязносным холадам і гарачынёй сэрцаў, якія мяне прымалі. Калі больш сур’ёзна, то гэта горад вялікай жыццядзейнасці і багатай культурнай спадчыны. Гэта сапраўды скрыжаванне розных культур і розных гісторый са сваімі станоўчымі якасцямі і сваімі праблемамі, і гэта бачна. Гэта таксама месца, дзе каталіцкі Касцёл да сённяшняга дня захоўвае паслядоўнасць і значнасць сваёй традыцыі. †

Прадстаўнік Святога Айца ў Беларусі кс. абп Клаўдыё Гуджэроцці ўзначаліў св. Імшу, якая адбылася 5 лютага а 12-й гадзіне ў катэдры.

Літургія была цэлебра­вана на лацінскай мове з прамаўленнем тэкстаў ма­літваў на польскай, беларускай і рускай мовах. Разам з Апостальскім нунцыем св. Імшу цэлебраваў ксёндз біскуп Аляксандр Кашкевіч. На літургіі прысутнічалі ганаровыя госці – прадстаўнікі грэка-каталіцкай Царквы на чале з архімандрытам Сяргеем Гаекам. На св. Імшу прый­шло мноства гродзенцаў – катэдра была запоўнена цалкам, нягледзячы на моцны мароз. На пачатку св. Імшы ксёндз біскуп Аляксандр сардэчна прывітаў Апостальскага нунцыя Клаўдыё Гуджэроцці ў гродзенскай катэдры. Ён звярнуў увагу на тое, што катэдра, якая сабрала ўсіх на ўрачыстую св. Імшу, мае багатую гісторыю, а яе пасляваенная біяграфія нагадвае сітуацыю ўсяго каталіцкага Касцёла ў Беларусі: †

Дэканат Масты

Касцёл у в. Лунна быў заснаваны каралевай Бонай Сфорцай у 1546 г. Мураваны касцёл пабудаваны ў 1782 г. на ахвяраванні апошняга караля Рэчы Паспалітай Станіслава Аўгуста Панятоўскага і асвечаны ў 1785 г. пад тытулам св. Ганны.
    Святыня пабудавана ў цэнтры вёскі з бутавага каменю і атынкаванай цэглы ў стылі г.зв. станіславаўскага класіцызму. У 1895 г. яна была значна рэканструявана на сродкі князёўны Марыі Друцкай-Любецкай (1833-1897) з Шэметаў (пахавана ў касцёле, у прэсбітэрыі змешчана мемарыяльная пліта ў яе гонар), без змен пакінута толькі апсіда. Даты пабудовы і рэканструкцыі святыні адзначаны на галоўным фасадзе перад уваходам у касцёл. Шмат на карысць святыні зрабілі паны Чахоўскія і Рамеры (пазнейшыя ўладальнікі гэтых зямель), таксама пахаваныя ў крыпце касцёла, аб чым сведчаць мемарыяльныя пліты на сценах малітоўнай залы. У ХVIII ст. мясцовая парафія ўваходзіла ў склад Ваўкавыскага дэканата, у ХІХ ст. – Гродзенскага, а ў 1920 г. Лунна стала цэнтрам аднайменнага дэканата Віленскай архідыяцэзіі, які складаўся з 8 парафій. †

Пастырскае пасланне арцыбіскупа Тадэвуша Кандрусевіча на 2012 г.

Глыбокапаважаныя святары, кансэкраваныя асобы, вернікі!
    1. Адказваючы на выклікі часу, каталіцкі Касцёл усё больш і больш увагі прысвячае новай евангелізацыі. Першым гэты тэрмін ужыў бласлаўлёны Ян Павел II, які прароча бачыў неабходнасць новага абвяшчэння Евангелля ў краінах з багатай хрысціянскай традыцыяй, дзе ў наш час, на жаль, чалавек згубіў веру і жыве так, як быццам Бога зусім няма, або спіхвае Яго на перыферыю жыцця. Аб ёй, як усё больш неабходнай, усё часцей гаворыць папа Бенедыкт XVI і біскупы. Ёй прысвечаны чарговы, ужо XIII, звычайны Сінод Біскупаў, які адбудзецца ў Ватыкане ў кастрычніку гэтага года на тэму “Новая евангелізацыя для пераказу хрысціянскай веры”. †