ГРОДНА
Нядзеля,
25 жніўня 2024 года |
З каталіцкіх СМІ Беларусі (2)
![ave](/images/stories/gazety_logo/ave_.jpg)
Мы прыехалі да турмы на Акрэсціна тады, калі там ужо не было страху, была надзея і свабода. Свабодныя і ўпэўненыя людзі рабілі сваю работу: вызваленых вязняў валанцёры адразу вялі фіксаваць усе пабоі і траўмы, медыкі апрацоўвалі раны, была прывезена гарачая ежа, цэлыя каманды псіхолагаў праводзілі кансультацыі для пацярпелых і іх родных, вопытныя адвакаты пакрокава тлумачылі, што людзям рабіць далей. А мы ў гэтае месца напружанай, але вельмі канкрэтнай дапамогі прыехалі, каб зрабіць у валанцёрскім лагеры алтарык. Спакойна паставілі стол, заслалі абрусам, павесілі крыж, расставілі абразы і свечкі… †
![catholicby2018](/images/stories/gazety_logo/catholicby2018.jpg)
Касцёла ў Беларусі
“Візантыйскі каталіцкі патрыярхат” актыўна спекулюе на грамадска-палітычным крызісе ў Беларусі, хоць не мае нічога супольнага з нашай краінай. Дзейнасць псеўдарэлігійнай секты заключаецца ў правакацыйных выступленнях, у якіх самазванцы займаюцца ачарненнем іерархаў Каталіцкага Касцёла і Праваслаўнай Царквы. Цяпер яны крытыкуюць арцыбіскупа Тадэвуша Кандрусевіча за заклікі да спынення насілля.
Секта ўзнікла з групы асоб, якія ў 2003–2008 гадах адкалоліся ад Украінскай Грэка-Каталіцкай Царквы, а ў 2011 годзе абвясцілі сябе “патрыярхатам” на чале з былым каталіцкім ксяндзом з Чэхіі Антанінам Дагналам.
![viesnik](/images/stories/gazety_logo/viesnik.jpg)
У катэдральным касцёле Езуса Міласэрнага ў Вiцебску асвяцілі новую фрэску з выявай св. Яна Паўла ІІ. Яе ўсталявалі ў знак удзячнасцi Богу з нагоды перажывання 100-годдзя з дня нараджэння вялікага Папы-славяніна. Менавiта яго словамi “Малiтвы за Айчыну” сёння моляцца людзі ў касцёлах нашай краiны і ўсяго свету. Парафіяльная супольнасць удзячна перадусім Богу, а таксама святарамахвярадаўцам за цудоўную выяву св. Яна Паўла II, якая нагадвае вернікам пра сыноўскi давер да Багародзiцы. Асабліва зараз, у вельмі неспрыяльны час, калі так важна абвяшчаць справядлiвасць, a зло заўсёды перамагаць дабром.
![grodnensis](/images/stories/gazety_logo/grodnensis.jpg)
Гродзенскай дыяцэзіі
Алюмн 5 курса Вышэйшай духоўнай семінарыі ў Гродне Андрэй Юхнік прыняў паслугу акалітату. Яе навучэнцу ўдзяліў Генеральны вікарый Гродзенскай дыяцэзіі кс. бп Юзаф Станеўскі.
У гаміліі падчас св. Імшы ў семінарыйнай капліцы іерарх падкрэсліў, што ў гэтай паслузе Езус не толькі дазваляе дакранацца да сябе, але і дакранаецца да самога акаліта – надзвычайнага распарадчыка св. Камуніі.
< Папярэдняя | Наступная > |
---|
Літургічны каляндар
![]() | |
Адзначаем
імяніны: | |
Да канца года засталося дзён: 129 |
Чакаем Вашай падтрымкі
![skarbonka](/images/stories/skarbonka.png)
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.