ГРОДНА
Нядзеля,
25 жніўня 2024 года |
Слова для Жыцця (25)
![Папа Бэнэдыкт XVI](/images/stories/general/benedykt3.jpg)
Часта для чалавека ўлада азначае валоданне, моц, панаванне, паспяховасць. У той жа час для Бога яна азначае служэнне, пакорнасць, любоў; яна азначае ўваходжанне ў намер Езуса, які нахіляецца, каб абмываць ногі вучням (пар.: Ян 13, 5), які шукае сапраўднае дабро чалавека, які вылечвае раны, які здольны да такой вялікай любові, каб аддаць сваё жыццё, бо Ён з’яўляецца Любоўю. У адным са сваіх лістоў св. Кацярына Сіенская піша: “Трэба, каб мы на самай справе ведалі і пазнавалі святлом веры, што Бог з’яўляецца найвышэйшай і вечнай Любоўю і можа прагнуць толькі нашага дабра” (Ліст 13, у: “Le Lettere”, т. 3, Балогна 1999, 206).
Фрагмент разважанняў падчас малітвы Анёл Панскі, 29.01.2012 †
![Кард. Пітэр Тарксан Кард. Пітэр Тарксан](/images/stories/n343/turkson.jpg)
Моладзь з’яўляецца і можа быць рэсурсам для міру, калі яна карыстаецца сваёй свабодай, сумяшчаючы яе з праўдай, дабром і Богам. Толькі сустрэча з Ім дазваляе цалкам жыць сваім пакліканнем і быць сапраўдным будаўніком справядлівасці і міру.
Паводле беларускай секцыі Radio Vaticano, 29.01.2012
![Кс. абп Тадэвуш Кандрусевіч Кс. абп Тадэвуш Кандрусевіч](/images/stories/general/kondrusiewicz.png)
Галілейскія рыбакі, пачуўшы словы Езуса, выбраліся з сетак і, навярнуўшыся самі, навярталі іншых. Так і мы павінны чыніць. Гісторыя галілейскіх рыбакоў мусіць стаць нашай гісторыяй. Таму паглядзі, дарагі Брат і Сястра, у чым Ты заблытаўся? У якіх сетках знаходзішся? Не могуць быць імі толькі сеткі мабільных тэлефонаў ці інтэрнэту, хоць гэта таксама вялікая і актуальная сучасная праблема. Імі могуць быць таксама сеткі зняволення нашых грэшных пачуццяў, сеткі карупцыі, сеткі сужэнскай нявернасці, сеткі алкагалізму ці наркотыкаў, сеткі нязгоднага з Божым законам сексу, сеткі хлусні, сеткі роспачы, сеткі здрады сваёй веры і г.д.
Фрагмент гаміліі паводле catholic.by, 22.01.2012
![Кс. бп Аляксандр Кашкевіч Кс. бп Аляксандр Кашкевіч](/images/stories/general/biskup.png)
Сёння цяжка сабе ўявіць, каб хтосьці ў нашай краіне не чуў аб Хрысце і аб збаўленні, але, на жаль, гэта яшчэ не можа зрабіць нашага грамадства хрысціянскім. Таму трэба рабіць тыя станоўчыя намаганні ў напрамку адважнага прыбліжэння патрабаванняў Евангелля, не прыстасоўваючы іх да свету і яго звычак. Сёння праз супольную малітву і разважанне над Божым словам Бог заклікае нас да сведчання аб адзінстве і перамене ў Божай ласцы.
Фрагмент гаміліі падчас экуменічнага набажэнства; Гродна, 24.01.2012
< Папярэдняя | Наступная > |
---|
Літургічны каляндар
![]() | |
Адзначаем
імяніны: | |
Да канца года засталося дзён: 129 |
Чакаем Вашай падтрымкі
![skarbonka](/images/stories/skarbonka.png)
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.