Жыць як можна лепш
![Нумар 14 (354), 8 ліпеня 2012](/images/stories/top_prewiev/14-354_by.jpg)
Няма такога веруючага чалавека, які б не дзякаваў Богу і не хваліў Яго за цуды, якія Бог здзейсніў і надалей здзяйсняе. Большасць людзей, напэўна, умеюць радавацца прысутнасці Хрыста, які прабачае грахі і дадае нам бадзёрасці. Памятаючы пра гэта, мы павінны даваць самае цудоўнае сведчанне са свайго жыцця і да канца сведчыць аб Святле. Давайце задумаемся, ці ўдаецца нам гэта?
Сведчыць аб Богу – гэта значыць жыць як можна лепш. Калі чалавек верыць Езусу, верыць у любоў Бога, калі адчувае Яго клопат у сваім жыцці, то ён таксама будзе хацець любіць, прыгожа і добра жыць. Жыць з Богам як можна лепш магчыма таксама і ў XXI стагоддзі, калі сярод нас ёсць столькі добрых, сумленных, старанных людзей, якія штодзённа сваім прыкладам жыцця складаюць сведчанне веры ў Бога. Мы ніколі не будзем дасканалымі на 100 %, але паверыць Богу на 100 % мы можам. †