ГРОДНА
Нядзеля,
30 чэрвеня
2024 года
 

З жыцця Касцёла

Тры новыя святары

З жыцця Касцёла

кс. Юрый Марціновіч

12 ліпеня 2015 |
Новапрэзбітары разам з кс. біскупам Аляксандрам і выхавацелямі ВДС27 чэрвеня ў гродзенскім катэдральным касцёле св. Францішка Ксаверыя біскуп Гродзенскі Аляксандр Кашкевіч удзяліў святарскае пасвячэннe тром навучэнцам Вышэйшай духоўнай семінарыі ў Гродне.
    Новымі святарамі Гродзенскай дыяцэзіі сталі: кс. Дзмітрый Папянюк з парафіі Унебаўзяцця Найсвяцейшай Панны Марыі ў Дзярэчыне, кс. Юрый Садоўскі з парафіі Адшукання Святога Крыжа ў Астраўцы і кс. Віталій Пяткевіч з парафіі св. Міхала Арханёла ў Ашмянах.
Святасць – крыніца радасці Ва ўрачыстай святой Імшы ўдзельнічалі святары, выкладчыкі і выхавацелі Гродзенскай ВДС, родныя новапрэзбітэраў і шматлiкiя вернiкi. Кандыдатаў прадставіў біскупу Аляксандру Кашкевічу рэктар семiнарыi кс. Раман Рачко.
    У гаміліі ксёндз біскуп нагадаў вернікам і кандыдатам да святарства сутнасць прэзбітэрскага служэння. Як адзначыў іерарх, святары з’яўляюцца супрацоўнікамі біскупаў, яны злучаны з біскупамі ў святарскім служэнні і пакліканы служыць народу Божаму.
    “Ад моманту прыняцця прэзбітэрскага пасвячэння ў імя Хрыста Настаўніка вы будзеце спаўняць служэнне навучання сярод давераных вам, – сказаў біскуп, звяртаючыся да кандыдатаў. – Няхай ваша навука будзе пасілкам для народу Божага, няхай святасць вашага жыцця стане крыніцай радасці для вызнаўцаў Хрыста. Такім чынам вы словам і прыкладам будзеце будаваць дом Божы, гэта значыць Касцёл”.
    “З нястомнай радасцю і сапраўднай любоўю спаўняйце служэнне Хрыста Святара, не шукаючы ўласнай карысці, але Яго хвалы”, – дадаў іерарх. †
Чытаць цалкам: Тры новыя святары
 

У Гродне адзначылі 25-годдзе аднаўлення набажэнстваў у пабрыгіцкім касцёле

З жыцця Касцёла

Рэдакцыя

12 ліпеня 2015 |
Урачыстасці з нагоды 25-годдзя аднаўлення і адраджэння рэлігійнага жыцця пры рэктаральным касцёле Звеставання Найсвяцейшай Панне Марыі адбыліся 20 чэрвеня.
Святкаванні пачаліся ў касцёле Адшукання Святога Крыжа (пабернардынскі) адарацыяй Найсвяцейшага Сакраманту. Затым вернікі і духавенства ў эўхарыстычнай працэсіі перайшлі ў касцёл Звеставання Найсвяцейшай Панне Марыі.
    Перад св. Імшой гродзенскі гісторык Уладзімір Ляўшук прачытаў даклад, у якім падрабязна распавёў пра гісторыю пабрыгіцкага касцёла. Затым распачалося ўрачыстае набажэнства, якое цэлебраваў арцыбіскуп Тадэвуш Кандрусевіч. У Эўхарыстыі прыняў удзел таксама дапаможны біскуп Гродзенскай дыяцэзіі Юзаф Станеўскі.
    У гаміліі арцыпастыр прыгадаў тыя часы, калі ў канцы 1980-х гадоў улады паволi пачалі перадаваць Касцёлу канфіскаваныя раней святынi. Таксама іерарх зазначыў: “Маючы на ўвазе тое, што касцёл належыць супольнасці сясцёр назарэтанак, яго сучасная гісторыя дае выдатны адказ на пытанне: «Што добрага можа быць з Назарэту?» Аганьбаваны і зруйнаваны, ён ізноў прыцягвае людзей прыгажосцю сваёй архітэктуры і з’яўляецца месцам спаткання чалавека з Богам”.
   

У Верцялішках асвяцілі крыж і зямлю пад будаўніцтва новага касцёла

З жыцця Касцёла

Рэдакцыя

12 ліпеня 2015 |
Пляц, дзе будзе ўзведзены касцёл Святой Сям’і асвяціў гродзенскі ардынарый кс. бп Аляксандр Кашкевіч.
Іерарх адзначыў, што маладая парафіяльная супольнасць абрала сваімі апекунамі Святую Сям’ю, а “гэта вялікі заклік для ўсіх нашых сучасных сем’яў, каб былі моцныя Богам. Сёння нашай краіне патрэбна моцная сям’я, якая абапіраецца на Пана Бога і Божыя запаведзі”.
    Пастар заахвоціў усе сем’і, якія ўваходзяць у гэтую парафіяльную супольнасць, будаваць бачны касцёл, якім з’яўляецца будынак, і духоўны Касцёл, які ўтвараюць людзі. Вернікі падзякавалі біскупу за асвячэнне крыжа і зямлі, а таксама за ўдзяленне пастарскага бласлаўлення на час будаўніцтва парафіяльнай святыні.
   

Святкаванне 625-годдзя Быстрыцы прайшло ў мясцовай парафіі Узвышэння Святога Крыжа

З жыцця Касцёла

Рэдакцыя

12 ліпеня 2015 |
Урачыстасці ўзначаліў дапаможны біскуп Пінскай дыяцэзіі Казімір Велікаселец. Падчас святой Імшы іерарх удзяліў сакрамант канфірмацыі больш чым 80 маладым вернікам.
“Памятайце, што Біблія – гэта кніга мудрасці, якая дае адказы на ўсе пытанні. Біблія нам кажа, хто такі Бог. Ён наш Стварыцель, а мы Яго дзеці. Паміраюць каралі і цары, распадаюцца дзяржавы, а святая Імша адпраўляецца, як і раней”, – адзначыў у гаміліі біскуп.
    Пасля ўдзялення сакраманту канфірмацыі і святой Імшы прысутныя памаліліся Літаніяй да Найсвяцейшага Сэрца Езуса і атрымалі ўрачыстае бласлаўленне Найсвяцейшым Сакрамантам. Свята працягнулася выступленнем харавых калектываў.
   

Парафія ў Адэльску адзначыла 525-гадовы юбілей

З жыцця Касцёла

Рэдакцыя

12 ліпеня 2015 |
Урачыстая святая Імша з нагоды юбілею парафіі Унебаўзяцця Найсвяцейшай Панны Марыі адбылася 13 чэрвеня. Сваю родную парафію наведаў у гэты дзень Мітрапаліт Мінска-Магілёўскі арцыбіскуп Тадэвуш Кандрусевіч.
У гаміліі падчас Імшы Мітрапаліт параўнаў Касцёл з лодкай, якой кіруе Хрыстос праз свайго намесніка на зямлі – Папу. “І калі мы давяраем сябе Хрысту, то можам быць упэўненымі, што Ён суцішыць буры і абароніць нас ад кожнай небяспекі”, – сказаў іерарх. Арцыбіскуп дадаў, што так было і з адэльскай парафіяй, асабліва ў часы праследаванняў у ХХ ст., калі там доўгія гады не было святара, атэістычная ўлада забараняла дзецям наведваць касцёл.
    “Сёння мы дзякуем нашым продкам за запрашэнне і прыняцце Хрыста ў гэтай адэльскай зямлі 525 гадоў таму. Дзякуем мінулым пакаленням за трыванне ў веры, абарону яе падчас праследаванняў і перадачу маладым пакаленням адэльчан”, – сказаў арцыбіскуп. †
Чытаць цалкам: Парафія ў Адэльску адзначыла 525-гадовы юбілей
   

Наступныя артыкулы...

Старонка 65 з 153:

Актуальны нумар

 

Каляндар 2022

Каляндар
«Слова Жыцця»
на 2022 год

Літургічны каляндар

 
Дзень звычайны
green
Адзначаем імяніны:
Атона, Галіны
Да канца года засталося дзён:  184

Чакаем Вашай падтрымкі

skarbonkaДарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.

Ад шчырага сэрца