ГРОДНА
Нядзеля,
07 ліпеня 2024 года |
Крыніца жыцця і святасці
![](/images/stories/n304/serce_jezusa.jpg)
На працягу стагоддзяў многія Папы навучалі, што культ Найсвяцейшага Сэрца Езуса не з’яўляецца толькі адзіным з многіх набажэнстваў, але побач з Эўхарыстыяй - вяршыня пабожнасці і канцэнтрацыя ўсёй хрысціянскай рэлігіі. А каб лепш зразумець сэнс гэтага набажэнства, то варта прывесці выказванні аб ім некаторых наступнікаў св. Пятра. Леў XIII бачыў у ім сімвал і жывы вобраз бясконцай любові Езуса да вернікаў і найбольш правераную форму рэлігійнасці. Пій XI бачыў у гэтай форме пабожнасці суму, змест нашай рэлігіі і норму найдасканалейшага жыцця, таму што найлепшым чынам набажэнства да Сэрца Езуса вядзе да больш дасканалага пазнання Хрыста, да глыбейшага замілавання і пераймання Яго. Святы Айцец Бэнэдыкт XVI гаворыць, што “кожны чалавек патрабуе мець які-небудзь “цэнтр” жыцця, крыніцу праўды і дабрыні, з якога можна “чэрпаць” у розных сітуацыях, якія змяняюцца, і ў высілках штодзённасці. Кожны з нас адчувае ў цішыні не толькі біццё ўласнага сэрца, але – яшчэ глыбей унутры самога сябе – пульсацыю сэрца свету - беспамылковай прысутнасці Хрыста, якая адчуваецца не толькі пачуццём веры, але намнога больш рэальней”.
†
“Маё Боскае Сэрца так пaлае любоўю да людзей, што не можа даўжэй утрымаць гэтых гарачых промняў, замкнёных у маім улонні. Яно жадае разліць іх з тваёй дапамогай і ўзбагаціць людзей сваімі Божымі скарбамі”. “У Ім людзі знойдуць усё, чаго ім будзе неабходна для выратавання сваіх душаў з бездані пагібелі” .
Словы Езуса да Марыі Малгажаты Алякок
падчас першага аб’яўлення (27 снежня 1673 г.) ёй Хрыста.
падчас першага аб’яўлення (27 снежня 1673 г.) ёй Хрыста.
Сэрца Езуса, укрыжаванае і змёртвыхпаўсталае, з’яўляецца невычэрпнай крыніцай ласкаў. Яно перапоўнена любоўю Бога-Айца, на якую заўжды можна разлічваць. З аднаго боку, у набажэнстве да Сэрца Езуса Касцёл бачыць знак любові Бога да людзей, а з другога – хоча адначасова абудзіць у людскіх сэрцах узаемную любоў да Бога, асабліва ў наш час, калі вялізную ролю адыгрывае сведчанне аб жывой веры ўсіх членаў Касцёла: як свецкіх, так і духоўных. Нам трэба няспынна ўглядацца ў Сэрца Збавіцеля. Менавіта яно з’яўляецца сімвалам самай дасканалай любові, бескарыслівай, гатовай да ахвяраў і адрачэнняў. Толькі такая сапраўдная любоў робіць здольным чалавека да веры ў Бога, якая выражаецца ў канкрэтных учынках. Яна вядзе таксама да перамены чалавечага сэрца ў лепшы бок і фарміруе яго па ўзоры Божага Сэрца.
У пошуку лякарства на крызіс веры ў сучасным свеце арцыбіскуп Андрэ Леанард, прымас Бельгіі, заахвоціў вярнуцца ў цэнтр – у Сэрца. Ён піша, што “пунктам, дзе ўсё – скандэнсавана, пунктам, з якога ўсё выплывае, з’яўляецца Сэрца Хрыста – пылаючы агонь усяго хрысціянскага жыцця і жыцця Касцёла. Толькі тады, калі ізноў мы паглыбімся ў гэтую “крыніцу”, то будзем мець неабходныя сілы, каб з аднаго боку, процістаяць сучаснаму свету, а з другога – прыстасоўвацца да яго”.
Развіццё культу Найсвяцейшага Сэрца Езуса дазваляе чалавеку адкрыць сапраўднае аблічча Бога, які яго любіць, і годны любові, а таксама садзейнічае святасці чалавека і яго аб’яднанню з Творцам, адначасова дае яму магчымасць адкрыць дар: дзяліцца любоўю з іншымі. Дзякуючы гэтаму мы станем больш уражлівыя на грэх і як бы прыспешаныя ў імя любові змагацца з ім і ўзнагароджваць за тых, хто раніць Божае Сэрца, адчуем узаемную адказнасць за кожнага з нас.
З-за Божай любові існуе ўвесь Сусвет і чалавечы род. Яна - крыніца, з якой усё бярэ свой пачатак і чэрпае сілы для жыцця. Мы павінны “чэрпаць” з гэтай крыніцы бясконцай і дасканалай любові, каб станавіцца лепшымі людзьмі. Мы павінны ўцякаць да Божага Сэрца ва ўсіх сваіх патрэбах, давяраць розныя свае справы, перапрашаць за грахі, недасканаласці і дзякаваць Творцу за багацце атрыманых дароў і ласкаў.
У пошуку лякарства на крызіс веры ў сучасным свеце арцыбіскуп Андрэ Леанард, прымас Бельгіі, заахвоціў вярнуцца ў цэнтр – у Сэрца. Ён піша, што “пунктам, дзе ўсё – скандэнсавана, пунктам, з якога ўсё выплывае, з’яўляецца Сэрца Хрыста – пылаючы агонь усяго хрысціянскага жыцця і жыцця Касцёла. Толькі тады, калі ізноў мы паглыбімся ў гэтую “крыніцу”, то будзем мець неабходныя сілы, каб з аднаго боку, процістаяць сучаснаму свету, а з другога – прыстасоўвацца да яго”.
Развіццё культу Найсвяцейшага Сэрца Езуса дазваляе чалавеку адкрыць сапраўднае аблічча Бога, які яго любіць, і годны любові, а таксама садзейнічае святасці чалавека і яго аб’яднанню з Творцам, адначасова дае яму магчымасць адкрыць дар: дзяліцца любоўю з іншымі. Дзякуючы гэтаму мы станем больш уражлівыя на грэх і як бы прыспешаныя ў імя любові змагацца з ім і ўзнагароджваць за тых, хто раніць Божае Сэрца, адчуем узаемную адказнасць за кожнага з нас.
З-за Божай любові існуе ўвесь Сусвет і чалавечы род. Яна - крыніца, з якой усё бярэ свой пачатак і чэрпае сілы для жыцця. Мы павінны “чэрпаць” з гэтай крыніцы бясконцай і дасканалай любові, каб станавіцца лепшымі людзьмі. Мы павінны ўцякаць да Божага Сэрца ва ўсіх сваіх патрэбах, давяраць розныя свае справы, перапрашаць за грахі, недасканаласці і дзякаваць Творцу за багацце атрыманых дароў і ласкаў.
< Папярэдняя | Наступная > |
---|
Літургічны каляндар
![]() | |
Адзначаем
імяніны: | |
Да канца года засталося дзён: 178 |
Чакаем Вашай падтрымкі
![skarbonka](/images/stories/skarbonka.png)
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.