ГРОДНА
Нядзеля,
25 жніўня 2024 года |
Скажыце, калi ласка, цi абавязкова пасцiць кожную пятнiцу на працягу года?
![Кс. Алег Буткевіч, парафія св. Антонія, г. Віцебск Кс. Алег Буткевіч, парафія св. Антонія, г. Віцебск](/images/stories/general/butkevicz.jpg)
Зразумела, гэта можа датычыцца не толькі ежы, але і забаў, музыкі, камп’ютарных гульняў і г.д. Дарэчы, памылкай было б прытрымлівацца толькі аднаго віду посту, напрыклад, устрымання ад ежы, і цалкам ігнараваць другі, альбо наадварот. На жаль, сёння ў Касцёле аддаецца перавага посту духоўнаму, пакідаючы цялеснае ўстрыманне ўсё больш на ўласны выбар. А якраз у нашым целе і схаваны той “вораг”, які стрымлівае духоўнае ўзрастанне чалавека і нават, будучы некантраляваным, вядзе да граху. Гэтым “ворагам” з’яўляецца сапсаванасць нашай людской натуры першародным грахом, пасля якога “цела імкнецца да цалкам іншага, чым дух, а дух – да цалкам іншага, чым цела, і адсюль няма паміж імі згоды...” (Гал. 5, 17). Прычым дух у параўнанні з натурай слабейшы, і калі пакінуць яго ў гэтым змаганні без дапамогі, ён прайграе. †
Таму, каб перамагчы, чалавеку неабходна двайная дапамога. Па-першае – той Божы дар, які мы называем ласкай і які ачышчае і ўзмацняе наш дух. Па-другое – пост, які таксама спрыяе ачышчэнню душы і цела, а ў першую чаргу стрымлівае памкненні нашай сапсаванай натуры і дазваляе трымаць яе ў падпарадкаванні розуму. Касцёл жа, карыстаючыся сваім настаўніцкім аўтарытэтам, устанаўлівае мінімальна абавязковую перыядычнасць карыстання гэтай дапамогай: прынамсі раз на год у Велікодны перыяд споведзь і св. Камунія, а таксама захаванне саракадзённага посту перад святам Уваскрасення Пана і посту ў кожную пятніцу на працягу літургічнага года (акрамя актавы Вялікадня) на ўспамін крыжовай пакуты і смерці Госпада (ККК 1438).
Напрыканцы хачу прывесці словы аднаго з айцоў пустэльнікаў Яна Калобы, які казаў так: “Калі кароль хоча здабыць непрыяцельскі горад, ён перш за ўсё перакрывае падвоз вады і харчавання: тады непрыяцель паддаецца яму, бо гіне з голаду. Таксама і з пажадлівасцю цела: калі чалавек посціць і галадае, слабеюць ворагі ягонай душы”.
Напрыканцы хачу прывесці словы аднаго з айцоў пустэльнікаў Яна Калобы, які казаў так: “Калі кароль хоча здабыць непрыяцельскі горад, ён перш за ўсё перакрывае падвоз вады і харчавання: тады непрыяцель паддаецца яму, бо гіне з голаду. Таксама і з пажадлівасцю цела: калі чалавек посціць і галадае, слабеюць ворагі ягонай душы”.
< Папярэдняя | Наступная > |
---|
Літургічны каляндар
![]() | |
Адзначаем
імяніны: | |
Да канца года засталося дзён: 129 |
Чакаем Вашай падтрымкі
![skarbonka](/images/stories/skarbonka.png)
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.