ГРОДНА
Нядзеля,
25 жніўня 2024 года |
Нагоды кранаць душу
![](/images/stories/general/listy_by.jpg)
Як радуецца сэрца, калі бачу, што святыня напоўнена людзьмі, якія шукаюць ратунку ў сустрэчы з пакутуючым міласэрным Хрыстом. У нашым санктуарыі Езуса Журботнага ў Росі гэта асабліва бачна. З розных куткоў ідуць і едуць людзі, каб з дапамогай Божых пасярэднікаў – цудоўных ксяндзоў Чэслава Паўлюкевіча і Андрэя Радзевіча – дакрануцца да Божай ласкі і адкінуць усё тое, што замінае быць бліжэй да Бога.
На рэкалекцыі ў Рось прыязджаюць вядомыя святары з розных краін. Імкнуся не прапусціць ніводнай хвіліны духоўных практыкаванняў, улавіць кожную думку, якая закрадаецца глыбока ў сэрца і ўплывае на жыццё.†
На рэкалекцыі ў Рось прыязджаюць вядомыя святары з розных краін. Імкнуся не прапусціць ніводнай хвіліны духоўных практыкаванняў, улавіць кожную думку, якая закрадаецца глыбока ў сэрца і ўплывае на жыццё.†
Успамінаюцца рэкалекцыі падчас Адвэнту, якія праводзіў ксёндз Ян Рэчэк і сястра Станіслава. Тады я атрымала вялікую міласць ад Езуса, які ў час адарацыі дакрануўся да мяне. Я яскрава адчула Яго дотык. Мела нясцерпны боль у каленях. Збіраючыся на рэкалекцыі, прасіла Бога, каб вытрымаць хаця б некалькі гадзін. Але ў Яго былі іншыя планы. Калі сястра сказала: “Алена, Езус аздараўляе твае калені!”, – сэрца ў мяне забілася так, што здавалася, зараз выскачыць з грудзей. Ногі ахапіў жыватворны агонь, душа напоўнілася ласкай міласэрнасці. Хацелася ўзляцець, крычаць ад радасці: “Хвала Табе, Божа!”. Да гэтай пары ў каленях няма болю. Цуд Божы!
Плённымі былі і велікапосныя рэкалекцыі, якія праводзіў ксёндз Андрэй Шут. Святар з адкрытай, багатай душой, напоўненай Божымі ласкамі. Ён так ясна даводзіў да людзей думку, што толькі насычанае малітвамі і добрымі ўчынкамі сэрца, якое ачысціцца ад іржы і бруду, як рыпучыя дзверы, можа адкрыцца на Езуса, прыняць Яго і адчуць смак жыцця з Ім. Кожную хвіліну посту намагалася быць разам з Хрыстом. Не забывалася і пра тры важныя аспекты: малітву, пост і міласціну. Разам з ксяндзамі Чэславам Паўлюкевічам і Андрэем Радзевічам рыхтавалі свае душы да свята Уваскрасення.
Плённымі былі і велікапосныя рэкалекцыі, якія праводзіў ксёндз Андрэй Шут. Святар з адкрытай, багатай душой, напоўненай Божымі ласкамі. Ён так ясна даводзіў да людзей думку, што толькі насычанае малітвамі і добрымі ўчынкамі сэрца, якое ачысціцца ад іржы і бруду, як рыпучыя дзверы, можа адкрыцца на Езуса, прыняць Яго і адчуць смак жыцця з Ім. Кожную хвіліну посту намагалася быць разам з Хрыстом. Не забывалася і пра тры важныя аспекты: малітву, пост і міласціну. Разам з ксяндзамі Чэславам Паўлюкевічам і Андрэем Радзевічам рыхтавалі свае душы да свята Уваскрасення.
< Папярэдняя | Наступная > |
---|
Літургічны каляндар
![]() | |
Адзначаем
імяніны: | |
Да канца года засталося дзён: 129 |
Чакаем Вашай падтрымкі
![skarbonka](/images/stories/skarbonka.png)
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.