Актуальная інфармацыя

Хлопцы і дзяўчаты запрашаюцца ў валанцёрскі рух “Карытас-Гродна”. Для далейшага ажыццяўлення дабрачынных праектаў рух востра патрабуе дапамогі і падтрымкі валанцёраў.

Існуюць тры спосабы дапамогі:
    - штотыднёвы ўдзел у праектах дабрачыннага каталіцкага таварыства “Карытас”;
    - удзел у дабрачынных акцыях і выставах;
    - дапамога таварыству дома (стварэнне вырабаў ручной працы, рассылка інфармацыі і г.д.).
   
    Больш інфармацыі аб праектах можна атрымаць у абмеркаваннях супольнасці таварыства “УКантакце” або звярнуўшыся да каардынатара па адрасе:
    Гродна, вул. Дзяржынскага, 91 (“Карытас”), папярэдне ўзгадніўшы час па тэлефоне (+375 29) 881-82-34.

29 жніўня ў санктуарыі Маці Божай Каралевы Сем’яў у Тракелях
    адбудзецца V Дыяцэзіяльная сустрэча выкладчыкаў,
    настаўнікаў і выхавацеляў Гродзенскай дыяцэзіі.

   Праграма:
    10.30 – прывітанне і агульная малітва;
    10.45 – канферэнцыя “Настаўнік у адносінах
    да выклікаў часу ў святле сучаснага
    навучання каталіцкага Касцёла”;
    – перапынак на каву;
    11.45 – Крыжовы шлях;
    12.30 – святая Імша;
    – выстаўленне Найсвяцейшага Сакраманту;
    – акт даверу Божай Маці
    новага навучальнага школьнага і акадэмічнага года;
    14.00 – супольны абед;
    15.00 – прэзентацыя з канферэнцыяй на тэму
    правядзення працы аніматараў
    у калектывах дзяцей і падлеткаў;
    – перапынак на каву;
    16.30 – падвядзенне вынікаў і заканчэнне.

Катэхетычныя курсы ў Гродне аб’яўляюць набор на 2015–2016 навучальны год. Дадзеныя курсы для тых, хто жадае глыбей пазнаць каталіцкую веру і стаць правадніком на шляху да збаўлення для іншых.
    У праграме навучання прадугледжана вывучэнне каталіцкай дагматыкі, маральнай і духоўнай тэалогіі, Святога Пісання, катэхетыкі, кананічнага права, літургікі, каталіцкай псіхалогіі і педагогікі, каталіцкага сацыяльнага вучэння, этыкі сямейнага жыцця і іншых прадметаў.
    Навучанне працягваецца 3,5 гады. Заняткі праходзяць два разы на месяц (субота і нядзеля) з кастрычніка па чэрвень. Пасля заканчэння курсаў выпускнікі змогуць аказваць дапамогу ў катэхізацыі ў парафіях. †

Запрашаем у пілігрымку!

У Гродзенскай дыяцэзіі ў горадзе Рось, размешчаным прыкладна ў 75 км ад Гродна, знаходзіцца гістарычная святыня – санктуарый Езуса Журботнага. У яе галоўным алтары размешчана цудатворная 400-гадовая фігура Езуса Журботнага, якая прыцягвае да сябе шматлікіх пілігрымаў.

XIV пешая пілігрымка з Гродна ў санктуарый Езуса Журботнага ў Росі па традыцыі выйдзе з гродзенскай парафіі Беззаганнага Зачацця Найсвяцейшай Панны Марыі (Гродна-Паўднёвы, вул. Цэнтральная 26).
    Маршрут пілігрымкі: Гродна – Квасоўка – Вялікія Эйсманты – Рэпля – Рось.
    Святая Імша на распачацце адбудзецца 7 жніўня ў 7.00.
   
    Заяўкі прымаюцца ў парафіі Беззаганнага Зачацця Найсвяцейшай Панны Марыі або па тэлефонах:
    (8029) 78-40-572, (8044) 46-06-140 (кс. Юрый Марціновіч);
    (8033) 68-62-116, (8033) 68-62-116, (8029) 13-72-754 (Iaланта).
    Арганізацыйная сустрэча для пілігрымаў адбудзецца 5 жніўня ў 20.00 у касцёле Гродна-Паўднёвы. †