З жыцця Касцёла

Запрашаем усіх у супольнае паломніцтва ў санктуарый у Тракелі. Дзякуючы намаганням пешай вандроўкі, мы пабываем на рэкалекцыях у дарозе, будзем дзякаваць за атрыманыя даброты, выпрошваць ласкі і прасіць у Бога, каб Ён прабачыў нашы грахі.

Ашмяны – Тракелі   5 ліпеня   Кс. Павел Паўлюкевіч   100 чалавек   Тэма: «Даверся Богу, які багаты на міласэрнасць” (бл. Ян Павел ІІ).   1 дзень: Адарацыя, разважанні аб Эўхарыстыі.   2 дзень: Разважанні аб сакрамэнце споведзі.   3 дзень: Некаторыя навучанні бл. Яна Паўла ІІ.   Траса: Ашмяны – Баруны – Гальшаны – Трабы – Суботнікі – Юрацішкі – Іўе – Ліпнішкі – Тракелі   Ваўкавыск – Тракелі   4 ліпеня   Кс. Юрый Барташэвіч   200 чалавек   Тэма: “Totus Tuus”   Траса: Ваўкавыск – Масты Правыя – Жалудок – Беліца – Ліда-Св. Сям’і – Тракелі   Гродна – Тракелі   4 ліпеня, 9.00   Кс. Павел Салабуда   400 чалавек   Тэма: “Totus Tuus”   Траса: Гродна – Азёры – Астрына – Забалаць – Пагародна – Тракелі

Іўе – Тракелі   5 ліпеня, 10.00   Кс. Ян Гавецкі   250 чалавек   Тэма: “Totus Tuus”   Траса: Сурвілішкі – Трабы – Эйгірды – Юрацішкі – Лаздуны – Дуды – Іўе – Гаўе – Суботнікі – Геранёны – Тракелі   Навагрудак – Тракелі   6 ліпеня   Кс. Аляксандр Баклажэц   100 чалавек   Тэма: “Totus Tuus”   Траса: Навагрудак – Бярозаўка – Ёдкі – Тракелі   Смаргонь – Тракелі   2 ліпеня, 11.00   Кс. Іван Огар   120 чалавек   Тэма: “Пакліканне”   1 дзень: “Што такое пакліканне. Тры станы паклікання”.   2 дзень: “Пакліканне да святарства”.   3 дзень: “Пакліканне да манаства”.   4 дзень: “Пакліканне да сужэнства”.   5 дзень: “Тры хрысціянскія парады. Беднасць”.   6 дзень: “Паслухмянасць”.   7 дзень: “Чысціня”.   Траса: Смаргонь – Залессе – Крэва – Баруны – Гальшаны – Трабы – Жэмыслаўль – Суботнікі – Ліпнішкі – Тракелі

13 мая касцёл Звеставання НПМ у Гродне (Пабрыгіцкі) стаў свайго роду малой Фацімай. Ад тэрыторый, якія Маці Божая абрала месцам сваіх аб’яўленняў для траіх дзяцей – Францішка, Гіяцынты і Люцыі – вернікаў аддзяляе час і геаграфічная адлегласць. Аднак у гэты вечар кожны хаця б духоўна мог перанесціся на месца найбольшага Марыйнага аб’яўлення XX стагоддзя. Гэты дзень вернікі гродзенскіх парафій, у вялікай колькасці сабраныя на Фацімскім набажэнстве ў касцёле, дзе амаль 20 гадоў развіваецца культ Каралевы з Фацімы, перажывалі надзвычай узрушана. Вечарам апрача традыцыйных набажэнстваў кожнага 13-га дня месяца – дзённай Эўхарыстычнай адарацыі, адгаворвання ружанца з інтэнцыямі, Фацімскага набажэнства – усе сталі сведкамі ўскладання кароны на фігуру Маці Божай Фацімскай. †

1 чэрвеня 2011 г. - Гродна

Дарагія дзеці! Запрашаем вас на I Дыяцэзіяльны дзень дзіцяці, які адбудзецца 1 чэрвеня 2011 г. у Гродне. Галоўнымі мэтамі гэтай сустрэчы з’яўляюцца перш за ўсё бліжэйшае пазнанне нашага Нябеснага Айца, знаёмства з новымі людзьмі, а таксама засеянне зярнятак любові ў нашых сэрцах.

   Будзе шмат малітвы, Эўхарыстыя, галоўным цэлебрантам якой будзе айцец нашай дыяцэзіяльнай Сям’і кс. біскуп Аляксандр, гульні, добрыя забавы, музыка, конкурсы, тэатральная інсцэніроўка, а напрыканцы - прыемны сюрпрыз. †

“Карытас” Гродзенскай дыяцэзіі арганізуе адпачынак для дзяцей з бедных, няпоўных і занядбаных сем’яў, якія не могуць дазволіць сабе выезд куды-небудзь па-за месцам жыхарства. Гэта будуць так званыя “Канікулы з Богам”, якія пройдуць у асяродку для адпачынку ў Няцечы (Лідскі раён).
   Мы запрашаем дзяцей ад 8 да 13 год з усёй Гродзенскай дыяцэзіі. Асяродак прымае па 65 дзяцей у кожную змену. Ксяндзы пробашчы фарміруюць для адпачынку 5-асабовыя групы.

   Тэрміны змен:
   I. 09. 06. 2011 г. – 22. 06. 2011 г.
   II. 25. 06. 2011 г. – 08. 07. 2011 г.
   III. 12. 07. 2011 г. – 25. 07. 2011 г.
   IV. 28. 07. 2011 г. – 10. 08. 2011 г.
   V. 13. 08. 2011 г. – 26. 08. 2011 г. †

“Гэта не вы Мяне выбралі, а Я вас…”, – сказаў Хрыстос Апосталам. Безумоўна, нельга разумець святарскае пакліканне як адзнаку ці права, якое належыць чалавеку. Бласлаўлёны Ян Павел ІІ, разважаючы пра святарства і пакліканне, акрэліў іх як Дар і Таямніцу.
   Святарства асобных пакліканых нараджаецца і развіваецца ў вызначаны Богам час, а выспявае і фарміруецца ў касцёльнай установе – семінарыі. Семінарыя – гэта не толькі ўстанова ці будынак: перш за ўсё, гэта жывыя людзі, якія прыйшлі сюды на голас Хрыста і якія прагнуць выканаць Яго намеры ў адносінах да сучаснага свету. Гэта сэрцы клерыкаў з’яўляюцца той глебай, на якой адбываецца сяўба Божага зерня, а сейбітам з’яўляецца сам Хрыстос. †