Марцыпан

 |  Анна Віткоўская  |  Хвіліна творчасці
Марцыпан у перакладзе з нямецкай мовы азначае “сакавіцкі хлеб”. Гэта смачны пластылін, зроблены з натуральных інгрэдыентаў – міндальных гарэхаў і цукровай пудры, ляпіць з яго лёгка і прыемна, а галоўнае – вельмі смачна!!!
    Марцыпанавае цеста можна прыгатаваць самім.
    Каб зрабіць яго самастойна, Вам спатрэбіцца: 200 г цукру, 200 г міндальных гарэхаў, 50 мл вады і, вядома ж, дапамога каго-небудзь з дарослых.
Як прыгатаваць?
    1. Міндаль пагатуй некалькі хвілін у кіпені, пасля чаго прамый у халоднай вадзе і ачысці скурку.
    2. Вычышчаны міндаль падсушы на патэльні пяць хвілін, а затым перамялі.
    3. Ваду змяшай з цукрам, пагатуй некалькі хвілін, каб цукар растварыўся.
    4. Дадай міндаль. Асцярожна: цеста будзе гарачым!
    5. Усё перамяшай, а затым яшчэ раз перамялі ў блэндары.
    6. Калі марцыпан крышыцца – дадай трохі вады.
    7. Гатовы марцыпан накрый плёнкай, каб не высыхаў.
    8. Чым больш марцыпан церці ў руках, тым лягчэй з яго ляпіць.
   
    Марцыпанавая жабка
    Каб зляпіць жабку, змяшай невялікі кавалачак марцыпану з харчовай фарбай. Цеста павінна атрымацца зялёнага колеру. Лапкі, вочкі і вушкі будуць добра трымацца, калі спачатку намачыць іх вадой, а затым прымацаваць да тулава.
#
Пры выкарыстанні матэрыялаў сайта газеты "Слова Жыцця" актыўная індэксуемая і прамая гіперспасылка на крыніцу абавязковая.
Слова Жыцця:  інфармацыйна–рэлігійная газета Гродзенскай дыяцэзіі; Год заснавання 1997.
Заснавальнік: Гродзенская Рыма–Каталіцкая Дыяцэзія; Выдаўца: Курыя Гродзенскай Дыяцэзіі;
Адрас: Гродна 230025, вул. К. Маркса, 4, тэл. (+375) 152 75-64-38; e-mail: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.
Галоўны рэдактар кс. Юрый Марціновіч. Тэхнічны рэдактар Юрый Лавыш
Веб-версія: Аляксандр Лавыш, Андрэй Міскевіч

© All rights reserved.
Admining, migration, project and design site - Andrei Miskevich /Jan_Dax/
Back to Top