• Актуальна
  • З жыцця Касцёла
  • У гродзенскай катэдры адбыўся чын прысвячэння Расіі і Украіны Беззаганнаму Сэрцу Марыі

У гродзенскай катэдры адбыўся чын прысвячэння Расіі і Украіны Беззаганнаму Сэрцу Марыі

 |  кс. Юрый Марціновіч  |  З жыцця Касцёла
Біскуп Кашкевіч у гродзенскай катэдры здзяйсняе чын прысвячэння Расіі і Украіны Беззаганнаму Сэрцу Марыі25 сакавіка, ва ўрачыстасць Звеставання Пана, у катэдральным касцёле св. Францішка Ксаверыя ў Гродне прайшло набажэнства, падчас якога быў здзейснены чын прысвячэння Расіі і Украіны Беззаганнаму Сэрцу Марыі.
Малітоўная сустрэча распачалася набажэнствам Крыжовага шляху, які ў гэты дзень праводзілі прадстаўнікі душпастырства цвярозасці Гродзенскай дыяцэзіі.
    Затым адбылася св. Імша, цэлебрацыю якой узначаліў біскуп Гродзенскі Аляксандр Кашкевіч. Іерарх заахвоціў вернікаў да гарачай малітвы ў інтэнцыі міру ва ўсім свеце, а найперш ва Украіне.
Як заўважыў пастыр Касцёла на Гродзеншчыне, без супакою на зямлі мы не пабудуем будучыню і не будзем абсалютна шчаслівымі.
    Завяршылася св. Імша выстаўленнем Найсвяцейшага Сакрамантy. Падчас адарацыі біскуп Кашкевіч у духоўнай еднасці са Святым Айцом Францішкам і ўсім Паўсюдным Касцёлам здзейсніў чын прысвячэння Расіі і Украіны Беззаганнаму Сэрцу Марыі.
    У гэты дзень чын прысвячэння Беззаганнаму Сэрцу Марыі быў зачытаны ва ўсіх касцёлах Гродзенскай дыяцэзіі, а ў гродзенскім рэктаральным касцёле Звеставання Найсвяцейшай Панны Марыі (пабрыгіцкі) біскуп Віцебскі Алег Буткевіч падчас адпустовай урачыстасці асвяціў дзве новыя фігуры. Фігура св. Аўгустына, доктара Касцёла, і св. Грыгорыя, Папы, былі змешчаны ў галоўным алтары, пабудаваным некалькі гадоў таму.
Пры выкарыстанні матэрыялаў сайта газеты "Слова Жыцця" актыўная індэксуемая і прамая гіперспасылка на крыніцу абавязковая.
Слова Жыцця:  інфармацыйна–рэлігійная газета Гродзенскай дыяцэзіі; Год заснавання 1997.
Заснавальнік: Гродзенская Рыма–Каталіцкая Дыяцэзія; Выдаўца: Курыя Гродзенскай Дыяцэзіі;
Адрас: Гродна 230025, вул. К. Маркса, 4, тэл. (+375) 152 75-64-38; e-mail: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.
Галоўны рэдактар кс. Юрый Марціновіч. Тэхнічны рэдактар Юрый Лавыш
Веб-версія: Аляксандр Лавыш, Андрэй Міскевіч

© All rights reserved.
Admining, migration, project and design site - Andrei Miskevich /Jan_Dax/
Back to Top