ГРОДНА
Пятніца,
03 мая 2024 года |
Варта ведаць
Ангеліна Пакачайла
25 верасня 2016
|
• Папа Францішак удзяліў сакрамант канфірмацыі цяжка хвораму 16-гадоваму юнаку Джузэпэ Кьёла. Цырымонія прайшла пасля агульнай аўдыенцыі, якую Пантыфік праводзіў на галоўнай ватыканскай плошчы ў межах Юбілею міласэрнасці. Падзея стала магчымай пасля таго, як хлопец напісаў ліст да Святога Айца, у якім распавёў пра сваё жаданне сустрэцца з ім. Пасля ўдзялення сакраманту Папа падарыў Джузэпэ ружанец і папрасіў не забываць маліцца за яго.†
Варта ведаць (79)
• Папа Францішак рыхтуе на 20 лістапада кансісторый, дзе будуць абвешчаны прозвішчы новых кардыналаў. Сярод 107 асоб, якія маюць права ўдзелу ў канклаве, 49 паходзяць з Еўропы, 19 – з Лацінскай Амерыкі, 14 – з Афрыкі, 12 – з Азіі, 10 – з Паўночнай Амерыкі і 3 – з Акіяніі. У суме яны прадстаўляюць 59 краін свету. Святы Айцец хоча зрабіць больш выразнай ідэю паўсюднасці каталіцкага Касцёла. Кансісторый стане трэцім за час пантыфікату папы Францішка.†
Варта ведаць (78)
• Колькасць пілігрымаў, якія прыбылі ў Рым з пачатку Святога года, перавысіла 13 млн. чалавек. Былі падлічаны тыя вернікі, якія прайшлі праз Святыя дзверы ў базіліцы св. Пятра і прынялі ўдзел у цырымоніях Года міласэрнасці. Аб гэтым паведаміла Рада па справах новай евангелізацыі, якая арганізуе гэтыя мерапрыемствы. Нягледзячы на напружаную сітуацыю і тэрарыстычную пагрозу, колькасць вернікаў пастаянна павялічваецца. У раёне Ватыкана былі ўведзены надзвычайныя меры бяспекі.†
Варта ведаць (77)
• Папа Францішак напісаў прадмову да зборніка “Давайце любіць тых, каго не любяць” (Amiamo chi non è amato), прысвечанага бласлаўлёнай Маці Тэрэзе з Калькуты. “Заставайцеся ў Пану і любіце, як любіць вас Бог, будзьце будаўнікамі мастоў, каб разбурыць логіку падзелаў, адчужэння, страху; смела выходзьце на сустрэчу жыцця, якое з’яўляецца Божым дарам”, – напісаў Пантыфік. Кніга выйшла ў свет 23 ліпеня і ўжо з’явілася на паліцах кніжных крамаў.†
Варта ведаць (76)
• 14 чэрвеня быў прадстаўлены ліст Кангрэгацыі веравучэння да біскупаў каталіцкага Касцёла “Iuvenescit Ecclesia” (“Касцёл, які маладзее”). Яго тэмай з’яўляюцца часта далікатныя адносіны паміж касцёльнымі рухамі, харызматычнымі супольнасцямі і іерархіяй. У дакуменце рэкамендуецца, каб харызматычныя рухі знаходзіліся пад больш пільным кантролем біскупаў. Ардынарыі абавязаны старанна і ўважліва даследаваць усе прыватныя аб’яўленні, аб якіх паведамляюць члены харызматычных рухаў.†
Варта ведаць (75)
• Папа Францішак прыняў у Ватыкане футбалістаў “Ювентуса” Турын і АС “Мілан”. У кароткай прамове Святы Айцец прызнаўся, што цэніць традыцыі свету футбола. Адзначыў, што поспех каманды з’яўляецца вынікам мноства чалавечых цнот: гармоніі, лаяльнасці, здольнасці да сяброўства і дыялогу. Гэта “духоўныя каштоўнасці, якія становяцца таксама спартыўнымі”. Папа выказаў упэўненасць, што сярод іх прысутнічае “смак братэрства, узаемапавага, зразуменне, а таксама прабачэнне”. На заканчэнне Пантыфік папрасіў футбалістаў памаліцца ў яго інтэнцыі і ўдзяліў ім бласлаўленне. †
Варта ведаць (74)
• Святы Айцец Францішак прыняў адмову б-па Антонія Длугаша ад выканання паслугі дапаможнага біскупа Чанстахоўскай архідыяцэзіі ў сувязі з дасягненнем ім пенсіённага ўзросту. Падчас сваёй шматгадовай працы іерарх займаўся катэхетычнай, дыдактычнай, навуковай, грамадскай і публіцыстычнамедыйнай дзейнасцю. Шмат увагі біскуп удзяляў рэлігійнай фармацыі маладых вернікаў.Як сцвярджае, у сваёй паслузе ён выконваў заклік Пана Езуса: “Дазвольце дзецям прыходзіць да мяне”. †
Варта ведаць (73)
• Папа Францішак атрымаў міжнародны Ордэн усмешкі. Гэта адзіная ўзнагарода, якую прызначаюць па просьбе дзяцей. Прашэнне для Папы ў Капітул Ордэна ўсмешкі падалі польскія хлопчыкі і дзяўчынкі. Яны падкрэслілі, што Святы Айцец адкрыты на дзяцей, на яго дапамогу заўсёды можна разлічваць. Папа Францішак атрымаў пасведчанне пад нумарам 1000. Па традыцыі ўзнагароджаны прыняў чырвоную ружу і з усмешкай, не моршчачыся, выпіў шклянку свежага лімоннага соку.†
Наступныя артыкулы...
Старонка 18 з 27:
Літургічны каляндар
Адзначаем
імяніны: | |
Да канца года засталося дзён: 243 |
Чакаем Вашай падтрымкі
Дарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.