Прэса

Прэса

Папа Францішак
   зацвердзіў тэму
   Сусветных дзён моладзі

   Гэта будуць словы Найсвяцейшай Панны Марыі з Евангелля паводле Лукі: “Вось я, слуга Пана. Няхай мне станецца паводле твайго слова” (Лк 1, 38).

Падрыхтоўка да сусветнага спаткання маладых людзей, што пройдзе ў Панаме ў 2019 годзе, ужо распачалася. Вядома, што часам правядзення форуму будзе не лета, а студзень, люты або сакавік, так як у звычайную для яго арганізацыі пару ў краіне сезон дажджоў.
    Акрамя таго, Пантыфікам зацверджаны тэмы Дзён моладзі, якія ў бліжэйшыя два гады будуць адзначацца на дыяцэзіяльным узроўні. Яны таксама прысвечаны Марыі. †

Прэса

Ірландскі ляснічы высадзіў
   хвойнік у форме крыжа

   Кампазіцыя дасягае 100 метраў у даўжыню і 70 метраў у шырыню. Любавацца кельцкім хрысціянскім сімвалам з вышыні можна каля 70-ці гадоў.

Аўтар незвычайнай выявы сярод ляснога масіву – мясцовы ляснічы Лайам Эммеры. Сваю працу ён распачаў 10 гадоў таму. На працягу некалькіх гадоў высаджваў хвойныя дрэвы з жоўтымі і аранжавымі іголкамі. Пра гэта ведала толькі жонка Лайама. Яна і пацвердзіла дадзеную інфармацыю, бо сам ляснічы загінуў у 2010 годзе.†

Прэса

Прабег Божай міласэрнасці
   прайшоў у Кракаве

   Праз гульні і забавы ўдзельнікі мерапрыемства пазнавалі асоб і месцы, звязаныя з культам Божай міласэрнасці.

У залежнасці ад узросту бегуны пераадольвалі дыстанцыю ад 300 да 2000 метраў. На шляху іх чакала знаёмства з постацямі святых, між іншым, св. с. Фаустыны Кавальскай, св. Яна Паўла ІІ, св. Кінгі, св. бр. Альберта. “Стыль жыцця, які мы прапануем, яднае ў сабе фізічную актыўнасць з духоўнымі каштоўнасцямі, культурныя – з адукацыйнымі”, – адзначылі арганізатары праекта.
    Акцыя таксама стала праслаўленнем св. Яна Паўла ІІ, які ініцыяваў Сусветныя дні моладзі. †

Прэса

Каталіцкія місіянеркі
   намінаваны
   на Нобелеўскую прэмію

   Вылучыць іх кандыдатуры ў камітэт прэміі прапанавала дырэкцыя карэйскага шпіталя, дзе ахвярна служылі сёстры. Дзве аўстрыйскія манахіні Марыяна Сцёгер і Маргарэт Пісар большую частку жыцця прысвяцілі працы з пракажонымі.

Падчас вайны з Японіяй на востраве Сарок размяшчаўся адзін з лагераў, дзе былі зняволены і людзі, хворыя на праказу. У Карэі, таксама як і ў Японіі і Кітаі, гэтае захворванне выклікае ў грамадства асуджэнне і меркаванне аб Божай кары. Галоўнай місіяй сясцёр было вяртанне пацыентам клінікі годнасці і ўпэўненасці ў сабе. “Стараліся адведваць іх ранкам, калі нікога не было. Часта разам вячэралі ў канцы дня”, – успамінае адна з намінантак.
    Пазней манахіні арганізавалі ў Аўстрыі збор лекаў і грошай на будаўніцтва дома для здаровых дзяцей такіх пацыентаў. †

Прэса

„Вялікае пакаянне”
на Яснай Гары

   Пад такім дэвізам 15 кастрычніка ў Чанстахове адбудзецца малітва адкуплення за грахі польскага народу.

Грамадзяне з розных куткоў дзяржавы прыпадуць да ног Каралевы Польшчы, каб выпрасіць прабачэнне і аздараўленне для сваёй краіны, а таксама разбурыць сцены зла, якія будаваліся ў Айчыне на працягу многіх стагоддзяў. “Сёння мы з’яўляемся сведкамі вялікага граху: людзі ва ўсім свеце і ў нашай краіне адварочваюцца і адыходзяць ад Бога. Таму мы павінны стаць на духоўную барацьбу ў малітве адкуплення і вызвалення. Хочам зрабіць гэта на Яснай Гары, у прысутнасці Той, якая заўсёды нас абараняла і нанесла апошні ўдар д’яблу”, – растлумачыў сэнс “Вялікага пакаяння” кс. Пётр Гляс. †

Прэса

У Партугаліі рыхтуюць
мюзікл пра Маці Тэрэзу

   Музычны спектакль з’явіцца на афішах тэатраў у кастрычніку бягучага года пад назвай “Калькута”.

Над ім працуе Матыльдзі Тракада, аўтар мюзікла пра Яна Паўла ІІ “Вайтыла”, які заваяваў сімпатыі партугальцаў у сезоне 2010–2011. “Праца над спектаклем невыпадковая: я хацела спалучыць гэта з нядаўняй кананізацыяй Маці Тэрэзы”, – адзначыла Тракада.
    У мюзікле пра святую з Калькуты ролі сыграюць маладыя акцёры-аматары з Сацыяльнага цэнтра партугальскага Эшторыла, якія ўдзельнічаюць у гэтым праекце бескарысліва. “Мы лічым, што, дзякуючы іх удзелу, мюзікл атрымае поспех і прынясе фінансавыя сродкі, якія будуць накіраваны на карысць бедных”, – адзначыла аўтар ідэі. †

Прэса

Першае прэзбітэрскае
пасвячэнне ў Манголіі

Прэса

Будслаўскі фэст прэтэндуе
быць уключаным у спіс
спадчыны ЮНЕСКА

Прэса

У Польшчы з’явіцца
Парк міласэрнасці

   Ён будзе створаны на тэрыторыі Цэнтрa Яна Паўла II “Не бойцеся” пры санктуарыі святога на Белых Морах у Кракаве. Прэм’ер-міністр Польшчы Беата Шыдла і арцыбіскуп Кракаўскі кардынал Станіслаў Дзівіш пасадзілі на гэтым месцы першыя дрэвы.

З ініцыятывай стварэння Парку ў напамін аб гістарычнай для Польшчы падзеі, якой з’яўляюцца Сусветныя дні моладзі 2016 і сустрэча з папам Францішкам, выступілі леснікі. Хутка ў парку будуць высаджаны саджанцы вечназялёных дрэў цісу, якія выраслі з насення, пабласлаўлёнага папам Бенедыктам XVI. †

Прэса

На СДМ зарэгістравалася
амаль 600 тыс. чалавек
са 185-ці краін свету

   Колькасць патэнцыйных удзельнікаў ужо стала рэкорднай. На папярэднія фестывалі ў Мадрыдзе і Рыа-дэ-Жанейра рэгістраваліся адпаведна 420 і 355 тыс. чалавек.

Аднак у Кракаве чакаюць каля 1,5–2 млн. гасцей, паколькі большасць з іх папярэдне не праходзіць рэгістрацыю. Сярод зафіксаваных удзельнікаў – больш за 5 тыс. беларусаў.
    Мерапрыемствы ў межах СДМ будуць праводзіцца, у асноўным, на польскай і англійскай мовах, але таксама і на нацыянальных мовах, у тым ліку на беларускай, рускай і украінскай. У апошні дзень ліпеня моладзь прыме ўдзел у св. Імшы, якую будзе цэлебраваць папа Францішак. †