Паўтары тысячы дзяцей,
   ахопленых
   “Усынаўленнем сэрца”
Кс. Міраслаў Буяк, які працуе ў Камеруне, прызнаецца, што акцыя карыстаецца ўсё большай зацікаўленасцю галоўным чынам з-за сваёй канкрэтнасці. “Кожны, хто дапамагае дзіцяці, можа пра яго штосьці даведацца, і таму разумее, што гэта не кіданне грошай у скарбонку, а канкрэтная паслуга”, – падкрэслівае місіянер.
    Праграму ўсынаўлення на адлегласці праводзяць польскія палатыны праз Палатынскі місійны сакратарыят. †

---

Святы Айцец:
выкараніць усе праявы агрэсіі
    Сустрэча адбылася з нагоды сусветнага кангрэсу на тэму “Паміж універсітэтам і школай: сцяна ці мост?”, які праходзіў у Рыме. Падчас ватыканскага форуму прагучалі кранальныя сведчанні і былі ўручаны прэміі за міратворчую дзейнасць. Пантыфік падкрэсліў, што раздзяленне паміж народамі, сем’ямі, сябрамі нараджае варожасць і нянавісць, у той час як яднанне стварае грамадскае і братэрскае сяброўства, “культуру сустрэчы, якая бароніць нас ад рознага кшталту культуры адчужэння”.
   

---

Біскуп аддаў нырку
маладому індусу
    Трыццацігадовы індус Саорай Судакаран – бедны чалавек, які належыць да адной з ніжэйшых каст. Два гады таму яму паставілі дыягназ “ныркавая недастатковасць”. Ён страціў працу, прадаў дом, каб аплаціць кошт дыялізаў, якія яму неабходна было прайсці. На бяду адгукнуўся сіра-малабарскі дапаможны біскуп дыяцэзіі Палаі Джэйкаб Мурыкен. Ён не толькі вырашыў аддаць нырку Саораю, але і дапамагчы пакрыць кошт лабараторных аналізаў і лячэння.