Кожны знак да чагосьці адносіцца. У залежнасці ад часу і культуры мяняецца значэнне сімволікі. Некаторыя папулярныя ў наш час сімвалы, прадстаўленыя тут, паказваюць, наколькі асцярожна хрысціяне павінны адносіцца да знакаў і ўпрыгожванняў, якія носяць...

Левая далонь са складзенымі пальцамі (мязінцам і ўказальным) у выглядзе рагоў казла з’яўляецца знакам прывітання сярод сатаністаў і акультыстаў. Выкарыстанне левай рукі азначае: 1) негатывізм, супрацьстаўленне дабру (правая рука – сімвал дабра і паяднання), 2) свабодная правая рука азначае гатоўнасць да барацьбы, удару. Некаторыя ў гэты сімвале бачаць лучнасць з сімваламі “Галава казла” і “Бафамет”. На вокладцы сатанінскай бібліі з гэтым знакам відаць фота A.S.LaVey (заснавальнік сатанінскай царквы). Рагатая далонь шырока выкарыстоўваецца ў сімволіцы розных музычных шоу, асабліва хэві-метал, як прыкмета негатывізму, прапагандаванага гэтым стылем. Часта гэты знак у выглядзе малюнка або фота можна сустрэць на вопратцы, маладзёжных кашулях. †

Часта даводзіцца пачуць выказванне: Ну, проста душа радуецца!” І тады нам становіцца зразумела, што чалавек убачыў ці адчуў нешта добрае. Адна з таямніц шчасця гучыць так: “Сваю радасць мы можам знайсці ў радасці іншых”. І як часам нам не хапае дабрыні, радасці, сардэчнасці. Ці кожны задаваў сабе такое пытанне: “Што значыць дарыць чалавеку радасць?” Хіба часам мы забываем, што жыццё складаецца з мноства дробных манетак, а хто іх падымае, той становіцца заможным і шчаслівым. Адна маленькая ўсмешка ці адно добрае слоўца можа зрабіць шчаслівым іншага чалавека! †

У сучаснай культуры асабліва значнай з’явай з’яўляецца спорт. Ён займае ўсё большае месца ў індывідуальным і грамадскім жыцці. Адсюль ўсё больш расце зацікаўленасць спартыўнай тэмай. Несумненна, ён, у добрым разуменні гэтага слова, з’яўляецца чымсьці пазітыўным, таму што служыць развіццю чалавека. Ён карысна ўплывае на здароўе, самаадчуванне і выгляд людской істоты. У грамадскім жыцці выконвае забаўляльную функцыю, дае магчымасць пачуць сваю прыналежнасць да грамадства, захапляе ўяўленне і эмоцыі. Сёння людзі, схільныя займацца спортам, часта шукаюць у ім захаплення, рызыкі, прыгоды і задавальнення, праверыць свае магчымасці, а таксама жадаюць супольнасці з іншымі, таварыства.
    Сёння спартыўныя тэмы (так як і ўсе іншыя тэмы) у этычным аспекце ацэньваюцца па-рознаму. На першы план выходзяць два галоўныя матывы – гэта праблема здароўя, а таксама фінансавыя аспекты, звязаныя са спартыўнымі дасягненнямі, таксама з ужываннем недазволеных допінгавых сродкаў. †

Вучань спытаў у настаўніка: “Чаму той, хто набліжаецца да Бога, часам адчувае небяспеку і Яго аддаленне?”
    Настаўнік адказаў: “Калі бацька вучыць свайго маленькага сына хадзіць, то ён становіцца перад ім і распасцірае свае рукі па абодва бакі ад сына, каб той не упаў, і хлопчык ідзе да бацькі, яго падтрымліваюць бацькоўскія рукі.
    Але калі дзіця падыходзіць вельмі блізка, то бацька адыходзіць ад яго і адхіляе свае рукі, і так адбываецца не адзін раз. Толькі так дзіця зможа навучыцца хадзіць.»

Што трэба зрабіць, каб ружанец не быў запылены і ўнукі не саромеліся на ім маліцца? Як растлумачыць чалавеку, што ружанцовая малітва можа змяніць яго жыццё?

Ружанец – гэта не толькі кастрычніцкае набажэнства
Кастрычнік з’яўляецца месяцам ружанцовых малітваў, месяцам успаміну аб Ружанцовай Божай Маці. Таму давайце прыгадаем сабе, якое месца павінен займаць ружанец у нашым жыцці. †

1460 г. - у Поразаве Ян Ягінтовіч Рымвід заснаваў касцёл НПМ і забяспечыў яго ўсім неабходным. 1668 г. – ксёндз Бэнэдыкт Жухорскі будуе новую драўляную святыню. Гэты касцёл быў спалены, верагодна, падчас ваенных дзеянняў Паўночнай вайны. 1715 г. – ксёндз Ян Янкоўскі і ксёндз Казімір Круповіч пабудавалі новы касцёл Унебаўзяцця НПМ. 1767 г. – генерал літоўскіх войск Тышкевіч адбудаваў касцёл св. Апосталаў Пятра і Паўла пасля пажару. 12 мая 1797 г. 1828 г. 1828 г. – ксёндз Міхал Грабавецкі і Ксаверый Завіша з дапамогай парафіян пабудавалі мураваны касцёл. 29 верасня 1829 г. – ксёндз Тарвід, ваўкавыскі дзекан, асвяціў касцёл св. Міхала-Арханёла. 1958 -1988 г.> – у парафіі не было святара. 1 мая 1990 г. – поразаўская парафія была даверана клопатам аа. францысканцаў паводле дэкрэта біскупа Тадэвуша Кандрусевіча. †

Касцёл св. Францішка Ксаверыя звязаны перш за ўсё з дзейнасцю аа. езуітаў у Гродне. Яшчэ ў 1584 г. кароль Стэфан Баторый стараўся, каб айцы-езуіты пабудавалі ў Гродне касцёл і калегіум, для чаго ён ахвяраваў 10 000 польскіх злотых. Жаданні караля здзейсніліся намнога пазней, толькі ў 1622 годзе езуіты пасяліліся ў горадзе над Неманам. У 1625 г. яны адкрылі школу і, праўдападобна, у 1637 г. мелі драўляны касцёл св. Апосталаў Пятра і Паўла.
    Аднак заданнем езуітаў было, паводле пажаданняў караля, пабудаваць вялікі касцёл і калегіум. Складана было пачаць будаўніцтва новай святыні, таму што падчас войнаў горад часта палілі і рабавалі. †

Кастрычнік – гэта месяц, калі Касцёл нагадвае людзям аб сіле ружанцовай малітвы, заахвочваючы ўсіх вернікаў штодзённа маліцца на ружанцы. У гэтую пару ў святынях ажыццяўляецца ружанцовае набажэнства для дзяцей і моладзі, разважаюцца яго таямніцы. Але якое ж месца займае ружанцовая малітва ў маім штодзённым жыцці, ці я малюся на ружанцы? А можа хтосьці ўжо нават не памятае, калі апошні раз трымаў яго ў руках...

Пусты халодны касцёл, святло, што ўліваецца толькі тады, калі адкрываюцца дзверы касцёла і тры бабулі, якія ціха гавораць: “Вітай, Марыя,...”.Сёння нікога не здзівіш такой сітуацыяй. Некаторыя гавораць, што гэтыя “Вітай, Марыя,...” з’яўляюцца ўжо часткай касцёла, а хтосьці іншы раздражняецца з-за таго, што няма той цішыні ў святыні, якую шукае. Мы не ўсведамляем таго, якая сіла схавана ў ружанцовай малітве,што адгаворвалі нашыя бабулі. Яна з’яўляецца асновай нашага сучаснага Касцёла. Гэта менавіта дзякуючы іхняй вышаптанай малітве, якая рвалася крыкам з сэрца, Касцёл пратрымаўся да сённяшняга дня, нараджаюцца новыя пакліканні да кансэкраванага жыцця, збіраюцца дзеці на ўрокі рэлігіі. Гэта малітва аб’ядноўвае свой выбраны люд. Часта мы недаацэньваем і забываем пра гэта, лічачы, што Касцёл пачынаецца ад майго ўдзелу ў ім. †

Кожны малады чалавек хоча знайсці сваё месца ў жыцці, адчуваць сябе шчаслівым, займацца тым, што яму падабаецца. Гэтае жаданне ўпісана ў прыроду кожнага. На жаль, часам мы шукаем вельмі далёка і не ў тым напрамку. Сёння Езус запрашае нас быць Яго апосталамі і звяртаецца да нас з такімі словамі: “Ідзіце на ўвесь свет і нясіце добрую вестку ўсяму стварэнню” (Мк 16, 15).

Сёння лічыцца, што евангелізаваць людзей павінны толькі ксяндзы і сёстры з манаскіх ордэнаў, што менавіта яны ведаюць найлепш, як трэба жыць, каб дасягнуць Валадарства ў небе, і навучаюць пра гэта з амбоны ці на ўроках рэлігіі. Гэтае памылковае мышленне вынікае з-за таго, што людзям не хапае ведаў па евангелізацыі. †

Акадэмічнае душпастырства “Open”, што аб’ядноўвае студэнтаў і старэйшую моладзь г. Гродна, нядаўна распачало свой 5 год дзейнасці. Таму з гэтай нагоды і новага навучальнага года члены душпастырства вырашылі правесці свой вольны час разам з Марыяй.

У суботу 25 верасня разам з нашым душпастырам кс. Антоніем Грэмзам мы выехалі ў Капцёўку. Капцёўка – гэта невялічкая вёсачка каля Гродна, якая стала сёння вельмі вядомай з-за асаблівай пашаны да Божай Маці, якая цярпліва нас слухае. Некаторыя былі ўжо тут не адзін раз, але я была ўпершыню. Таму мяне здзівілі гэта вёска, касцёл і прыгожае наваколле. †

Кожны знак да чагосьці адносіцца. У залежнасці ад часу і культуры мяняецца значэнне сімволікі. Некаторыя папулярныя ў наш час сімвалы, прадстаўленыя тут, паказваюць, наколькі асцярожна хрысціяне павінны адносіцца да знакаў і ўпрыгожванняў, якія носяць...

Гэта найважнейшы сімвал сатаністаў. Ён уяўляе сабой галаву казла, упісаную ў круг. Пяць крайніх пунктаў галавы ўтвараюць пентаграму, скіраваную ўніз. Часам у гэтыя пункты або ў акружнасць запісаны розныя рунічныя знакі ці словы. Два верхнія канцы зоркі (рогі казла) сімвалізуюць адвечны дуалізм сусвету: дабро і зло. Асобны канец зоркі, скіраваны ўніз, паказвае на пекла і выражае сутнасць сатанізму: адмаўленне, пярэчанне, перавёрнутасць (апазіцыя да хрысціянства). Акружнасць у сімвале выражае абарону ад уплыву іншых дэманаў, а таксама моц і вечнасць.У многіх магічных ці сатанінскіх рытуалах удзельнікі абавязкова павінны знаходзіцца ўнутры кругу. Як пентаграма, так і бафамет выкарыстоўваецца сярод асноўных сімвалаў масонскага ордэна Усходняй зоркі (MOES). Гэтыя сімвалы навязваюць да біблейскай традыцыі (Ісая 14, 12; Адкрыццё 9, 1), на аснове якой узнікла паданне аб падзенні Люцыфера. Гэты знак выкарыстоўваецца рознымі музыкантамі (Venom, Slayer і інш.), а таксама ўсімі, хто сімпатызуе сатанізму.
    З пункту гледжання хрысціянства гэты знак абсалютна не можа выкарыстоўвацца вернікамі, бо наўпрост і адназначна сімвалізуе антыхрысціянскія сілы, сатанізм, бунт супраць Бога. †

Шукаючы метадаў барацьбы з сектамі, у першую чаргу трэба выкарыстаць сродкі, што дае нам Касцёл, якога не перамогуць ніякія сілы зла, нават, калі б яны былі шатанскага паходжання, а што ўжо гаварыць пра секты, выдуманыя звыклым смяротным чалавекам.
    Трэба пачаць з таго, што перад абліччам секты мы павінны быць перш за ўсё католікамі –хрысціянамі. Аднак нялёгка прыходзіцца супрацьстаяць рэлігійным аргументам сектантаў, калі мы не ведаем уласнай веры, калі інтэлектуальны кантакт нашага розуму з праўдамі веры закончыўся стандартнымі фразамі катэхізма, што засталіся пасля падрыхтоўкі да Першай св. камуніі. Адзін з асноўных абавязкаў ў дачыненні да нашай веры з’яўляецца яе паглыбленне, актыўна ўдзельнічаючы ў жыцці Касцёла, вывучаючы Святое Пісанне, чытаючы рэлігійную літаратуру і каталіцкі друк, як і дзелячыся ўсім гэтым з іншымі. †