З гэтай нагоды іерарх цэлебраваў урачыстую літургію ў сваёй роднай парафіі Унебаўзяцця Найсвяцейшай Панны Марыі ў Адэльску. Падчас св. Імшы падзякі за 25 гадоў біскупскага служэння Мітрапаліт Мінска-Магілёўскі маліўся таксама за свайго былога пробашча ксяндза прэлата Пятра Барташэвіча.

Жыхары Адэльска з вялікай радасцю сустрэлі шаноўнага госця: маленькія вернікі правялі архіпастыра да парафіяльнай святыні, дзе на пачатку св. Імшы адбылося асвячэнне памятнай табліцы, прысвечанай былому пробашчу мясцовай парафіі кс. Пятру Барташэвічу, выхаванцам якога з’яўляецца абп Тадэвуш Кандрусевіч.
    Падчас Эўхарыстыі, удзел у якой прынялі біскуп Гродзенскі Аляксандр Кашкевіч, дапаможны біскуп дыяцэзіі Юзаф Станеўскі, а таксама шматлікія святары, манаскія сёстры, семінарысты і мясцовыя вернікі, архіпастыр асаблівым чынам маліўся за сваіх бацькоў Ігната і Ганну – першых і найважнейшых выхавацеляў, а таксама за ўсіх тых, хто падтрымліваў яго малітвай і сваім жыццёвым прыкладам на шляху святарства. †

Папа Францішак
    З самага пачатку Бог напоўніў Касцёл асаблівымі дарамі Святога Духа – харызмамі. Харызмы – гэта ласкі, дары, дадзеныя Богам веруючаму чалавеку, каб з бескарыслівасцю і любоўю ён мог рабіць іх даступнымі ў службе на карысць цэлай супольнасці, на карысць усім. Трэба падкрэсліць, што чалавек не можа сам зразумець, ці валодае ён харызмай і якая яна. Дары, якімі напаўняе нас Айцец, нараджаюцца і развіваюцца ў супольнасці. Гэта ў супольнасці мы вучымся распазнаваць іх як знакі Яго любові для ўсіх Яго дзяцей.
    Бог напаўняе свой Касцёл многімі рознымі харызмамі. Усе яны служаць гарманічнаму развіццю чалавека ў веры і ў Божай любові. Яны не могуць быць прычынай для зайздрасці і падзелаў! У хрысціянскай супольнасці мы патрэбны адзін аднаму, а кожны атрыманы дар рэалізуецца поўнасцю, калі мы дзелімся ім з братамі, на карысць усіх.
        
Фрагмент з Генеральнай аўдыенцыі Святога Айца, 01.10.2014 †

•  У Маскве адбылася сустрэча на тэму “Інфармацыйная прастора – прэзентацыя свецкіх і рэлігійных падзей”. Арганізатарам выступіла Міжнароднае інфармацыйнае агенцтва “Расія сёння”. Прадстаўнікі традыцыйных канфесій Расіі падзяліліся заўвагамі на тэму ўзроўню рэлігійных ведаў сярод жыхароў Расіі. Удзельнікі сустрэчы з жалем сцвердзілі, што ўзровень рэлігійных ведаў і рэлігійнай свядомасці расіян нізкі.
   
    • На Мальце шэсць сясцёр уршулянак прымуць удзел у паўфінале конкурсу Еўрабачанне. Манахіні выканаюць твор, напісаны Філіпам Вела, які паказвае іх працу з сіротамі. Дазвол на ўдзел у конкурсе сёстры атрымалі ад аб-па Паула Крэмона, які наказаў ім ісці за радай Папы і евангелізаваць свет. Паўфінал адбудзецца 21 і 22 лістапада.†

З ксяндзом біскупам Юзафам Станеўскім аб сустрэчы з Папам, магчымасці яго прыезду ў нашу краіну, падрыхтоўцы біскупаў да паслугі, а таксама аб Касцёле ў Беларусі размаўляў галоўны рэдактар кс. Павел Салабуда.

– На пачатку верасня Ваша Эксцэленцыя на некалькі тыдняў выязджаў у Рым на спецыяльны курс для маладых біскупаў. Навошта патрэбны такі курс?
    – Ініцыятарам сустрэч маладых біскупаў у Рыме, а менавіта “Пілігрымкі новапасвечаных біскупаў да гроба святога апостала Пятра” (Pellegrinaggio alla tomba di san Pietro), з’яўляецца святы папа Ян Павел II. Відавочна, што такі курс мае мноства заданняў і чаканняў, але, безумоўна, галоўнай яго мэтай з’яўляецца сустрэча з Пятром нашага часу, папам Францішкам, каб падзякаваць яму за давер і біскупскую намінацыю, а будучы з іншымі біскупамі свету, адчуць калегіяльнасць – адзінства з галавой каталіцкага Касцёла. Некалі хтосьці сказаў, што ўсе дарогі вядуць у Рым. Так было і ў нашым выпадку. †

Паважаныя Дыяцэзіяне! Дарагія Вернікі! Браты і Сёстры ў Хрысце Пану!
   
    З нагоды Года малітвы ў каталіцкім Касцёле ў Беларусі, а таксама ў сувязі з ружанцовым месяцам пастанаўляю, каб 18–19 кастрычніка ў Гродне і Лідзе былі праведзены ўрачыстыя малітоўныя сустрэчы з нагоды ўшанавання святога Ружанца.
    Горача запрашаю да ўдзелу ўсіх вернікаў Гродзенскай дыяцэзіі, а асаблівым чынам членаў цЖывога Ружанца і прадстаўнікоў парафіяльных Ружанцовых колаў разам з пастырамі і адказнымі: 18 кастрычніка ў касцёл Святой Сям’і ў Лідзе на гадзіну 10.30 і 19 кастрычніка ў катэдральны касцёл св. Францішка Ксаверыя ў Гродне на гадзіну 12.00.
    На плённае перажыванне месяца сумеснай малітвы на ружанцы і малітоўных сустрэч у нашай дыяцэзіі ад усяго сэрца бласлаўляю.

Мы, людзі XXI стагоддзя, жывём у час, калі нам на ўсё вельмі часта не хапае часу. Не хапае часу на адпачынак, не хапае часу для сваіх блізкіх, не хапае часу на абед, на самаразвіццё і на многае іншае.

Мы заўсёды знаходзімся ў руху. З аднаго боку здаецца, што гэта добра, бо чалавек не звяртае ўвагі на непатрэбныя справы, якія не прыносяць яму карысці. Аднак можа здарыцца і так, што ў нас не застанецца часу, каб жыць, жыць па-сапраўднаму. Можна стаць падобным да робата, які будзе ўсё рабіць па ўжо вызначанай праграме і запраграмаваным маршруце кожны дзень. І гэта часта з’яўляецца прычынай таго, што ў нас няма часу нават на найважнейшыя справы.
    Адной з такіх найваж­нейшых спраў нашага хрысціянскага жыцця з’яўляецца малітва. Вельмі часта многія хрысціяне апраўдваюць сябе: што­дзённасць не пакідае магчымасці на малітву, а нават калі яна і ёсць, то яна абмяжоўваецца да якой-небудзь пабожнай формулы або знака крыжа на заканчэнне дня. Чаму так адбываецца ў нашым жыцці? Адна з прычын заключаецца ў тым, што з самага пачатку штодзённая малітва не ўваходзіць у план нашага жыцця. Бо калі б я сапраўды хацеў маліцца кожны дзень хаця б па 10 хвілін, то напэўна знайшоў бы час на малітву. †

18.10.2014, субота
   
    Парафіяльны касцёл Святой Сям’і ў Лідзе:
    10.30 – прывітанне.
    Канферэнцыя “Ружанец як інструмент малітвы і духоўная зброя XXI стагоддзя”.
    11.15 – выстаўленне і адарацыя Найсвяцейшага Сакраманту.
    Ружанец: Хвалебная частка (праводзяць групы: I таямніца – Уваскрасенне Пана – дзеці; II таямніца – Унебаўшэсце Пана – моладзь; III таямніца – Спасланне Святога Духа – жанчыны; IV таямніца – Унебаўзяцце НПМ – мужчыны; V таямніца – Укаранаванне НПМ – сем’і).
    12.30 – св. Імша і асвячэнне ружанцаў і памятак малітоўнай сустрэчы.
    Пасілак.
    14.30 – час сведчанняў: “Роля Ружанцовых колаў у духоўнай фармацыі парафіі”.
    Прэзентацыя парафі­яльных Ружанцовых колаў (паводле заяўкі).
    Бласлаўленне і заканчэнне сустрэчы. †

Папа Францішак сярод кандыдатаў
на Нобілеўскую прэмію
   Спіс пяці найбольш верагодных імён і ўстаноў прадставіў дырэктар нарвежскага Інстытута даследаванняў міру.
   
    Святы Айцец Францішак можа быць узнагароджаны Нобілеўскай прэміяй за свой бескампрамісны “заклік у барацьбе з беднасцю”, які выразна гучыць у сённяшнім свеце. Нобілеўскі камітэт мог бы абгрунтаваць прызнанне Францішку ўзнагароды тым, што сацыяльная няроўнасць цесна звязана з сацыяльным канфліктам, а перамога над ёй з’яўляецца шляхам да будавання міру. †

Хвала Хрысту!
    Вітаю Вас, паважаныя Чытачы, на старонках газеты ў рубрыцы “На скрыжаванні”. Кожнаму асабіста кажу шчырае дзякуй за тое, што знаходзіце час для моладзевай рубрыкі, а значыць, яна патрэбна і таму жыве.
    Адносна шчырасці, дарэчы. У гэтым нумары даведаемся пра тое, каго называюць фарысеямі і як навучыцца кіраваць сваімі пачуццямі. Паразважаем, навошта кожны дзень рабіць рахунак сумлення і пры якіх абставінах памірае вера. Адразу заахвочваю да каментарыяў. Актыўныя чытачы будуць узнагароджаны.
    З Богам! †

Я каталічка, мой муж праваслаўны. Мы доўгі час жывём у сужэнстве, але без шлюбу. Ці магу я прыступаць да споведзі і прымаць св. Камунію?

Катэхізіс Каталіцкага Касцёла навучае: каб прыняць святую Камунію, неабходна быць цалкам далучаным да Касцёла і быць у стане ласкі, гэта значыць не мець на сумленні смяротнага граху (Кампендый ККК 291). Як бачна з пытання, мужчына і жанчына жывуць у свабодным саюзе, не атрымаўшы бласлаўлення Касцёла на сужэнскае жыццё. Іншымі словамі, яны пастаянна жывуць у граху чужалоства, а значыць, не могуць прыступаць да святой Камуніі. Каб дзейсна і годна перажыць сакрамант споведзі, ведаем, што неабходна пастанавіць сабе выправіцца ад грахоў (Кампендый ККК 303). †

Пад такім дэвізам у трэцюю нядзелю верасня адбылася пешая пілігрымка дзяцей і моладзі, настаўнікаў і выхавацеляў, прафесараў і катэхетаў з Гродна і ваколіц у санктуарый Маці Божай Яснагорскай на Узгорку надзеі ў Капцёўцы. У ёй прыняло ўдзел больш за тысячу вернікаў.

Перад распачаццем пілігрымкі яе ўдзельнікі прынялі ўдзел у святой Імшы. На пачатку Эўхарыстыі біскуп Аляксандр Кашкевіч падзякаваў усім настаўнікам, катэхетам, выхавацелям і сем’ям за выхаванне дзяцей у веры, а таксама за перадачу ведаў і жыццёвай мудрасці. Біскуп пажадаў, каб новы навучальны і катэхетычны год стаў багатым у плане вопыту і спрыяў узрастанню ў мудрасці і веры.
    У пілігрымцы ўдзельнічала шмат дзяцей і моладзі, якіх на шляху да Маці Божай суправаджалі бацькі, апекуны і катэхеты. На Узгорак надзеі ў Капцёўцы пілігрымавалі таксама клерыкі Гродзенскай вышэйшай духоўнай семінарыі. Пілігрымаў прывітаў кусташ санктуарыя кс. Міхал Ластоўскі, пасля чаго распачалася св. Імша з пасвячэннем школьных прылад. Варта заўважыць, што дзеці і моладзь прынеслі гэтыя рэчы ў школьных рукзаках. †

18 верасня ў Ватыкане адбылася сустрэча папы Францішка з біскупамі, якія атрымалі сакру на працягу апошняга года. У іх ліку і біскупы з Беларусі: біскуп Віцебскі Алег Буткевіч, дапаможны біскуп Гродзенскай дыяцэзіі Юзаф Станеўскі і дапаможны біскуп Мінска-Магілёўскай архідыяцэзіі Юрый Касабуцкі.

Больш за 300 біскупаў прыбылі ў Рым для ўдзелу ў адмысловым курсе, арганізаваным Кангрэгацыяй па справах біскупаў. Кс. біскуп Юзаф Станеўскі распавёў, што кожны дзень для біскупаў праходзілі лекцыі, якія чыталі прадстаўнікі розных кангрэгацый і папскіх рад. На завяршэнне курса, які працягваўся 10 дзён, з біскупамі сустрэўся папа Францішак. †