ГРОДНА
Аўторак,
30 красавіка
2024 года
 

Семінарыйная газета

Ідзіце і абвяшчайце

Семінарыйная газета

кл. Часлаў Ладыка

24 лістапада 2011 |
Місійнае кола
Дарагія Чытачы! Ужо мінуў Сусветны дзень місій (III нядзеля кастрычніка), давайце яшчэ раз спынімся на тэме місійнага паслання і абвяшчэння Добрай Навіны аб Езусе Хрысце, які з’яўляецца адзіным Збавіцелем чалавека. Гэтую тэму нельга абмінуць, таму што, як адзначыў папа Бенедыкт XVI, “гэта найбольш цэнная паслуга, якую Касцёл можа даць чалавецтву”. Наказ абвяшчэння Евангелля вынікае з добра зразуметай любові, якая заўсёды хоча ззяць. Неабходнасць абвяшчэння Евангелля “да краю свету” актуальная заўсёды. Бл. Ян Павел II у энцыкліцы „Redemptoris misio” пісаў: “Місія Хрыста Збавіцеля, ускладзеная на Касцёл, яшчэ далёкая ад завяршэння. Калі напрыканцы другога тысячагоддзя ад Яго прыходу мы ахопліваем позіркам чалавецтва, то пераконваемся, што місія Касцёла яшчэ толькі пачынаецца і што для яе выканання мы павінны прыкласці ўсе нашыя сілы”. Давайце ж задумаемся, навошта і якім чынам мы павінны далучацца да місійнай дзейнасці Касцёла. †
Чытаць цалкам: Ідзіце і абвяшчайце
 

Клерык – чалавек, які моліцца

Семінарыйная газета

кл. Анджэй Ганчар

24 лістапада 2011 |
“Малітва – гэта вялікая брама да веры. Таму для хрысціянскага жыцця патрэбен высілак штодзённай малітвы. Аднак навучыцца маліцца, так як вучацца тэхніцы, нельга. Хоць гэта і прагучыць дзіўна: малітва з’яўляецца дарам, які мы атрымліваем праз малітву” (YOUCAT 469).
Кожны чалавек, а тым больш хрысціянін, прагне і шукае Бога ў сваім жыцці. Малітва з’яўляецца задавальненнем гэтай патрэбы. Цяжка ўявіць сабе функцыі і задачы Касцёла, сапраўднае і глыбокае духоўнае жыццё верніка без апоры ў малітве. Гэта менавіта з яе мы чэрпаем сілы і моц у сваім імкненні да дасканаласці. Гэта яна з’яўляецца дапамогай у шматлікіх разнастайных сітуацыях нашага жыцця.
    Духоўнае жыццё як святара, так і клерыка, без глыбокага перажывання малітвы з’яўляецца пустым і сухім. Малады чалавек, які хоча стаць святаром, павінен быць падрыхтаваны і адпаведна сфармаваны да святарства. Было б няправільна, калі б у жыцці клерыка не хапала малітвы. Бо гэта ж менавіта ён будзе навучаць людзей мастацтву малітвы. Ён будзе аддаваць штосьці сваё. А гэта вельмі цяжка, калі ўвесь час не папаўняць таго, што нам было дадзена Богам. У гэтай пастаяннай аддачы вельмі важнай дапамогай з’яўляецца малітва. †
Чытаць цалкам: Клерык – чалавек, які моліцца
   

Наша малітва за памерлых

Семінарыйная газета

кл. Анджэй Ганчар

24 лістапада 2011 |
Куточак міністранта
Валадар над намі, Хрысце! Дарагія міністранты, вітаю Вас на старонках нашай газеты. Лістапад з’яўляецца апошнім восеньскім месяцам. У гэтым месяцы мы ўспамінаем нашых памерлых, якія ўжо скончылі зямное жыццё і адышлі да Бога па ўзнагароду. Некаторыя з іх патрабуюць нашай малітвы і ахвяры, таму што ў чысцы яны церпяць кары. Ці памятаем мы пра іх (не толькі ў лістападзе) у нашым штодзённым жыцці? Як выглядае наша малітва за памерлых?
Жыццё на зямлі з’яў­ляецца адзінай маг­чымасцю падрых­тавацца да вечнасці. Іншага шансу не будзе. Гэтая думка пабуджае нас заўсёды памятаць пра малітву за памерлых, якія самі сабе ўжо не могуць дапамагчы. Таму падчас малітвы “Анёл Панскі” мы гаворым: “Вечны адпачынак дай ім, Пане...”. На асобныя гадавіны смерці памерлых мы таксама ўдзельнічаем у св. Імшы, у іх інтэнцыі прымаем святую Камунію. Хвароба ці якая-небудзь іншая пакута, прынятая з любоўю, мае вялікую каштоўнасць перад Богам. Аднак наш клопат аб памерлых гарачы настолькі, наколькі мы самі памятаем пра сваю смерць. А як я ўяўляю смерць? Ці ўспрымаю я яе як штосьці рэальнае і непазбежнае ў сваім жыцці? †
Чытаць цалкам: Наша малітва за памерлых
   

Сэрца дыяцэзіі б'ецца для нас

Семінарыйная газета

кс. рэктар Юзаф Станеўскі

10 ліпеня 2011 |
Кс. рэктар Юзаф СтанеўскіДарагія Чытачы і Сябры “Слова Жыцця”!
   Спачатку я хацеў бы выказаць словы прызнання і падзякі галоўнаму рэдактару кс. Паўлу Салабудзе і калектыву рэдакцыі газеты за ініцыятыву цікавай рубрыкі “Задаём пытанні”, дзякуючы якой Чытачы могуць шмат даведацца аб касцёльных установах. Мяне цешыць той факт, што гродзенская семінарыя таксама не засталася без увагі, а нават, як сведчаць зададзеныя пытанні, выклікае цікавасць вернікаў не толькі Гродзенскай дыяцэзіі.
Адказваючы на пастаў­леныя пытанні, я хацеў бы спачатку прыгадаць агульную інфармацыю аб Вышэйшай духоўнай семінарыі ў Гродне. †
Чытаць цалкам: Сэрца дыяцэзіі б'ецца для нас
   

Святар з вялікім сэрцам

Семінарыйная газета

кл. Павел Эйсмант

10 ліпеня 2011 |
“Бог бачыць: час уцякае – вечнасць чалавека чакае”, – сцвярджае старая прыказка. Усё мінае, адыходзяць у нябыт некалі вядомыя постаці. Аднак у памяці пакаленняў назаўсёды запісаны тыя, хто ўсё сваё жыццё прысвяціў служэнню людзям. Я маю на ўвазе нязломных сведкаў нашай веры – святароў, якія служылі вернікам у савецкія часы. Яны адважна пайшлі за Хрыстом і, перажыўшы пераследаванні, захавалі і перадалі нам бясцэнны скарб веры. Да іх можна залічыць таксама і яркую постаць кс. Станіслава Кучыньскага, якога вернікі называлі “Святаром з вялікім сэрцам”, таму што ён заваяваў у іх непахісны аўтарытэт. Нам жа кс. Кучыньскі блізкі яшчэ і таму, што на працягу амаль 6-ці гадоў ён служыў маладому Гродзенскаму Касцёлу і памёр у Гродне 15 гадоў таму.
Дзяцінства і маладосць
    2 студзеня 1914 г. у набожнай сям’і Кучыньскіх, у якой было 10 дзяцей, нарадзіўся хлопчык. 14 студзеня бацькі Адам і Анэля (у дзявоцтве – Палянская) прынеслі дзіця ў парафіяльны касцёл у Альковічах каля Вілейкі (цяпер – Мінска-Магілёўская архідыяцэзія), каб пахрысціць яго. Пры хросце яму далі імя Станіслаў. †
Чытаць цалкам: Святар з вялікім сэрцам
   

Горад вялікай культуры і багатай гісторыі

Семінарыйная газета

кл. Юрый Ясевіч

10 ліпеня 2011 |
Здаецца, не так даўно мы пачалі навучальны год, а ўжо ён падышоў да канца. Пасля залічанай сесіі мы скончылі год навучання і фармацыі. Ён быў чарговым крокам на нашым шляху да мэты, якой з’яўляецца жаданае святарства. 2010/2011 навучальны год мы закончылі, можна сказаць, незвычайна: дзякуючы намаганням нашых кіраўнікоў была арганізавана экскурсія ў Львоў. Для нас гэта быў вялікі сюрпрыз, аб якім я хацеў бы расказаць чытачам “Слова”. Кожны год у маі ў нашай семінарыі арганізоўваюць падарожжы, называныя маёўкамі, таму што яны адбываюцца заўжды ў марыйным месяцы. Аб сёлетняй маёўцы мы маглі толькі марыць.
    Львоў – гэта горад заходняй Украіны, які мае багатую культурную і гістарычную спадчыну. Ён налічвае звыш 800 тысяч жыхароў. Гаворачы пра Львоў, можна сказаць так: чым для Польшчы з’яўляецца Кракаў, а для Беларусі - Нясвіж, тым для Украіны з’яўляецца Львоў. †
Чытаць цалкам: Горад вялікай культуры і багатай гісторыі
   

Канікулы, канікулы, канікулы

Семінарыйная газета

кл. Віталій Гервелянец

10 ліпеня 2011 |
Пасля здачы апошняга экзамену для алюмнаў нашай семінарыі наступіў доўгачаканы час канікулаў, час адпачынку і душпастырска-літургічных практык. У гэтым годзе клерыкі будуць прымаць больш актыўны ўдзел у жыцці не толькі ўласных парафій і семінарыі, але таксама ўсёй Гродзенскай дыяцэзіі.
    Перш за ўсё іх чакаюць месячныя практыкі ў парафіях: Гродна-катэдра, Ліда-Фара, Ваўкавыск (св. Станіслава), Адэльск, Беняконі, Шчучын, Малая Бераставіца, Бярозаўка, Новы Двор, Жодзішкі, Макараўцы, а нават Дортмунд (Германія).
   Практыка ў парафіі з’яўляецца для клерыкаў найлепшай нагодай выкарыстаць веды, атрыманыя падчас лекцый у семінарыі, і дае магчымасць падзяліцца радасцю веры і паклікання з людзьмі, да якіх яны будуць пасланы. †
Чытаць цалкам: Канікулы, канікулы, канікулы
   

Наступныя артыкулы...

Старонка 2 з 8:

Актуальны нумар

 

Каляндар 2022

Каляндар
«Слова Жыцця»
на 2022 год

Літургічны каляндар

 
Дзень звычайны
white
Адзначаем імяніны:
Максіма, Софіі
Да канца года засталося дзён:  246

Чакаем Вашай падтрымкі

skarbonkaДарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.

Ад шчырага сэрца