Папа Бэнэдыкт XVI
    Вера ў Езуса ўключае Яго наследаванне штодня, у простых справах, якія складаюць наш дзень. «Бо таямніцы Божай адпавядае дзеянне ў паслухмянасці. Ён паступова будуе ў вялікай гісторыі чалавецтва сваю гісторыю. Становіцца чалавекам, але так, што можа быць непрызнаным сваімі сучаснікамі, уплывовымі сіламі гісторыі. Пакутуе і памірае, а як Уваскрослы хоча прыйсці да чалавецтва толькі праз веру сваіх, якім паказвае сябе. Ён увесь час пакорна стукае ў дзверы нашых сэрцаў, а калі адчыняем, павольна дазваляе нам «бачыць» (Езус з Назарэта II, 2011; 306). Св. Аўгустын кажа, што «неабходна, каб Езус сказаў: «Я – дарога і праўда, і жыццё» (Ян 14,6), бо пазнаўшы шлях, застаецца толькі пазнаць мэту» (Трактат аб Евангеллі св. Яна, 69,2.: CCL 36,500), а мэтай з'яўляецца Айцец. Такім чынам, для хрысціян, для кожнага з нас шлях да Айца - гэта паставіць на чале Езуса, Яго слова Праўды і прыняць дар Яго Жыцця.
    †

 
  Ксёндз арцыбіскуп Тадэвуш Кандрусевіч
   Недастаткова мець толькі прагрэс навукі і тэхнікі, трэба ўдасканальвацца і духоўна. Трэба быць святлом свету і соллю зямлі таксама і ў духоўным сэнсе. Толькі калі развіццё навукі і духоўнасці будуць ісці нага ў нагу, тады чалавек і свет будуць развівацца гарманічна. Бо тады добра адукаваны чалавек, з’яўляючыся святлом свету і соллю зямлі, будзе здольны паказаць іншым Бога.
   

    Фрагмент гаміліі да студэнтаў, 18.05.2011 паводле catholic.by

 

---

    Ксёндз біскуп Уладзіслаў Блін
   Пад натхненнем Святога Духа прагнем умацоўваць Валадарства Божае на зямлі, будаваць Хрыстовы Касцёл, да якога кожны з нас належыць. У еднасці са сваімі душпастырамі прагнем развіваць нашы парафіі і дыяцэзію, бо мы з’яўляемся адным Касцёлам. Знакам гэтага адзінства з’яўляецца катэдральны касцёл – маці ўсіх касцёлаў у дыяцэзіі. Гэта ў ім знаходзіцца асаблівае месца: біскупскі трон – кафедра, з якой біскуп звяртаецца са сваім навучаннем да верных, і менавіта ў гэтай святыні падчас найважнейшых урачыстасцяў збіраецца вакол свайго біскупа народ Божы: кансэкраваныя асобы і свецкія вернікі.

    Фрагмент пастырскага паслання з нагоды ўстанаўлення новай катэдры ў Віцебску 18.05.2011