Восень – пара разнастайнай садавіны і гародніны. З іх можна рабіць вясёлыя вырабы, што могуць служыць упрыгожваннем святочнага стала.

“Кракадзіл”
    Вазміце выгнуты агурок - гэта будзе тулава. Зрабіце на ім надрэзы, як паказана на малюнку. Галава “кракадзіла” выконваецца з невялікай палавінкі агурка, уздоўж якой робіцца надрэз. Каб атрымалася зубастая пашча, акуратна аформіце яе, праразаючы з двух бакоў надрэзу трохвугольнікі. Ножкі выразаюць з другой паловы агурка і з дапамогай шпажак прымацоўваюць да тулава кракадзіла. Вочы можна зрабіць з ягад, зялёнага гарошку ці кавалачкаў морквы, замацоўваючы іх на галаве таксама з дапамогай шпажкі.

“Такса”
    Вазміце банан. Разрэжце яго на 2 часткі. Адна частка будзе тулавам, другая – галавой. У большай частцы прарэжце ножкі, на меншай - вушы. Прымацуйце галаву да тулава пры дапаможе шпажак. З гарошын перцу зрабіце вочкі.