Сланечнік з салёнага цеста
Хвіліна творчасці
Вам спатрэбіцца салёнае цеста, пражаныя семечкі сланечніка, пэндзлік, фарбы, пластмасавы нож.
Апісанне працы
1. З цеста скруціце доўгі слупок для сцябла.
2. Для сярэдзінкі кветкі зрабіце шарык з цеста і прыплюсніце яго.
3. Запоўніце яго звычайнымі семечкамі, вострым канцом утыкаючы іх у цеста.
4. Сфармуйце шарыкі з цеста для лісця і пялёсткаў, прыплюсніце іх і завастрыце на канцы.
5. Аб’яднайце ўсе дэталі.
Рэцэпт салёнага цеста для лепкі
Рэцэптаў салёнага цеста шмат. А такога, каб падыходзіў усім, мабыць, няма. Неабходна самастойна праэксперыментаваць і выбраць найлепшы для сябе.
Рэцэпт №1 Мука пшанічная –
2 шклянкі. Соль –
1 шклянка. Вада –
3/4 шклянкі. Рэцэпт №2 Мука пшанічная –
1 шклянка. Соль –
2 шклянкі. Сухі шпалерны клей –
1 лыжка. Вада – каля
1 шклянкі.
У шырокую міску насыпце соль, дадайце ваду, затым муку. Усё добра перамяшайце. Прыгатаванае цеста пакладзіце ў якую-небудзь ёмістасць ці ў поліэтыленавы пакет. Калі цеста прыліпае да рук, дадайце крыху мукі, Калі яно рассыпаецца, то ўліце невялікую колькасць вады.
Увага! Салёнае цеста, пакінутае ў адкрытым выглядзе на паветры, вельмі хутка сохне, таму трымайце ёмістасць з ім закрытай. Рэштку цеста пакладзіце ў халадзільнік, там яго можна захоўваць некалькі дзён.