VI Дыяцэзіяльныя Дні Дзіцяці Гродзенскай дыяцэзіі
З жыцця Касцёла
1 чэрвеня ў Гродне адбудзецца VI Дыяцэзіяльны дзень дзіцяці. Хлопчыкам і дзяўчынкам распавядуць пра ўчынкі міласэрнасці адносна душы і цела, заахвоцяць рабіць дабро і быць міласэрнымі, як Бог Айцец. Таксама дзеці запрошаны разам з біскупамі адсвяткаваць юбілей 25-годдзя дыяцэзіі.
Арганізатары ўжо сёння абяцаюць цэлы набор цікавых пунктаў праграмы: найперш малітву, Эўхарыстыю, якую ўзначаліць біскуп, мноства забаў, музыкі, гульняў, конкурсаў, тэатральную інсцэніроўку. Конкурс малюнкаў, маляванне на тварах, лепка з гліны, пластыліну, батуты, забавы для самых маленькіх – толькі невялікая частка таго, што плануецца на сустрэчы для дзяцей.
†
На ўжо традыцыйны Дзень дзіцяці запрашаюцца першакамунійныя дзеці. “Няхай гэтая сустрэча будзе падзякай за дар Эўхарыстыі. Падзяліцеся сваёй радасцю з іншымі!” – заклікаюць арганізатары. На Дзень дзіцяці запрашаецца і літургічная служба алтара – міністранты.
“Дарагія дзеці разам з катэхетамі і бацькамі! Мы разлічваем на Вашу прысутнасць. З радасцю прыміце запрашэнне! Патэлефануйце і падайце заяўку аб удзеле, выступленні. Заахвочваем таксама да супрацоўніцтва ў арганізацыі гэтай цудоўнай справы. Ага! У нас ёсць яшчэ адна просьба. Памаліцеся аб добрым надвор’і, каб Бог падарыў нам прыгожае сонейка”, – заахвочваюць арганізатары.
Праграма: 9.00 – абвяшчэнне груп, сняданак; 10.30 – урачыстае адкрыццё VI Дыяцэзіяльнага дня дзіцяці; 11.00 – падрыхтоўка да святой Імшы; 11.15 – урачыстая святая Імша; 12.15 – пачатак забаўляльнай праграмы; 18.00 – падсумаванне VI Дыяцэзіяльнага дня дзіцяці, заканчэнне свята і ад’езд. Больш падрабязная праграма будзе пададзена бліжэй да дня правядзення. |
|
Агульная інфармацыя:
• VI Дыяцэзіяльны дзень дзіцяці адбудзецца пры парафіі Беззаганнага Зачацця Найсвяцейшай Панны Марыі ў Гродне (мікрараён Паўднёвы, вул. Цэнтральная, 26);
• для ўсіх удзельнікаў гарантавана харчаванне на працягу ўсяго дня.
Умовы ўдзелу:
• колькасць удзельнікаў не абмежавана, да ўдзелу запрашаюцца ўсе дзеці Гродзенскай дыяцэзіі;
• узрост удзельнікаў да 14 гадоў;
• удзел бясплатны;
• павінен быць адзін апякун на 10 дзяцей;
• з сабой мець кубак і коўдру або карымат.
Аб удзеле трэба паведаміць да 26 мая кс. Юрыю Марціновічу – арганізатару і адказнаму за Дыяцэзіяльны дзень дзіцяці:
e-mail:
Гэты e-mail адрас абаронены ад спаму-ботаў, для яго прагляду ў Вас павінен быць уключаны Javascript
, (8-044) 460-61-40, (8-029) 784-05-72.