Хвіліна творчасці

Уважліва разгледзь схему складання канверта ў тэхніцы арыгамі.
Паспрабуй скласці канверт самастойна.

Езус расказаў прыпавесць пра гарчычнае зерне. З яго вырасла велізарнае дрэва, у галінах якога птушкі вілі свае гнёзды. Паглядзіце на малюнкі, знайдзіце 10 адрозненняў паміж імі.
Гэтую прыпавесць Вы можаце прачытаць у Евангеллі (Лк 13, 18-19).

Цікавы і карысны выраб лёгка зрабіць з простых драўляных прышчэпак. Сабачка з прышчэпак можа не толькі ўпрыгожваць інтэр’ер, але і быць трымальнікам для ручкі, алоўка на стале.

Неабходныя матэрыялы: некалькі драўляных прышчэпак, мадэлін для вачэй, кавалачак шчыльнай тканіны, невялікі пампон з паралона, клей і маркеры.
Як зрабіць?
1. Уважліва паглядзіце на малюнак.
2. Злучыце прышчэпкі, каб зрабіць тулава сабакі так, як паказана на малюнку. Пры злучэнні кожнай дэталі выкарыстоўвайце клей.
3. Са шчыльнай тканіны выражце вушкі, а з мадэліна - вочкі.
4. Прыклейце вочы, вушы і пампон на пысе.
5. Размалюйце выраб каляровымі маркерамі так, як вам падабаецца.
6. Сабачка гатовы!

Неабходныя матэрыялы: пальчатка, гузікі, ніткі, вата, дэкаратыўная стужачка.

Як зрабіць?
1. Вазьміце пальчатку.
2. Адрэжце ў ёй сярэдні, безыменны і вялікі пальцы.
3. Зашыйце ўсе дзірачкі.
4. Напоўніце нарыхтоўку ватай, раўнамерна яе размяркоўваючы.
5. У пальчаткі абрэжце манжэтку.
6. Верх пальчаткі падхіліце і збярыце на нітку “гармонікам”.
7. Падрыхтуйце манжэтку, з яе мы будзем рабіць галаву лісы. Падхіліце неадрэзаны край манжэткі ўнутр. Зверху накладзіце іншы край манжэткі і зашыйце гэты край ад канца аднаго трохкутніка да іншага.
8. Зрабіце вушкі нашай лісы.
9. Адрэжце ці падгарніце наўскасяк лішні кавалак.
10. Напоўніце галаву мяккім матэрыялам і сшыйце.
11. З адрэзаных пальцаў зрабіце лапы і напоўніце іх ватай, але таксама няшчыльна. З вялікага пальца пальчаткі зрабіце хвост.
12. Сабярыце хвост на нітку.
13. Сшыйце разам усе дэталі нарыхтоўкі.
14. Падбярыце вочкі, замацуйце іх на нарыхтоўцы.
15. Прышыйце лісе гузік-носік.
16. Завяжыце ёй на шыю шалік з дэкаратыўнай стужачкі - і выраб гатовы!

Неабходныя матэрыялы: шкляная бутэлька цікавай формы, соль “Экстра”, гуашавыя фарбы, шкляныя слоічкі, качалка, мяшочак з тканіны, варонка, корак, дэкаратыўная стужка.

Парадак выканання:
    1. Старанна ачысціце бутэльку ад усіх наклеек.
    2. Вазьміце такую колькасць шкляных слоічкаў, колькі колераў солі Вы плануеце выкарыстаць падчас працы.
    3. Насыпце невялікую колькасць солі ў слоічак. Вазьміце трохі фарбы, дадайце яе ў соль і добра перамяшайце. Атрымаецца аднастайная каляровая маса.
    4. Паўтарыце папярэднюю аперацыю некалькі разоў для кожнага неабходнага Вам колеру. Не забывайце, што Вы можаце змешваць фарбы і атрымліваць розныя адценні. Можна пафарбаваць соль у мноства колераў. †

Неабходныя матэрыялы: 4 шарыкі прадаўгаватай формы жоўтага колеру, адзін прадаўгаваты шарык белага колеру, адзін звычайны шарык аранжавага колеру. Асноўнае правіла: усе скручванні рабіце адной рукой і толькі ў адным напрамку, увесь час прытрымліваючы першы і перадапошні шарыкі ўсімі пальцамі другой рукі!

Парадак работы:
    1. Надзьміце звычайны шарык - гэта будзе тварык жырафы.
    2. Надзьміце белы прадаўгаваты шарык на 10 см. Адрэжце свабодную частку і завяжыце канец. Скруціце пасярэдзіне, а канцы звяжыце разам. Атрымаліся вочы.
    3. Надзьміце наступны шарык прадаўгаватай формы. Пакіньце 15-20 см.
    4. Звяжыце звычайны шарык і шарык прадаўгаватай формы. Перад тым, як звязаць, прымацуйце вочы. Пасля звязвання яны атрымаюцца наверсе тварыку.
    5. З шарыка прадаўгаватай формы, прывязанага да тварыку, пачніце скручваць вушы і рожкі будучай жырафы. Спачатку зрабіце вялікі шарык каля 20 см, сагніце яго напалову і скруціце. Затым зрабіце шарык дыяметрам 5 см і 2 шарыкі па 1,5-2 см. Затым скруціце шарык дыяметрам 5 см і 20 см. Апошні вялікі шарык сагніце напалову і скруціце. Пакінутую невялікую частку прымацуйце да галавы. Што атрымалася? Галава жырафы з вушамі і рожкамі!
    6. З наступнага шарыка зрабіце шыю, тулава і ногі. Пакіньце ненадзьмутым шарык на 15-20 см. Скруціце маленькі шарык дыяметрам 1,5 см, прыкруціце яго да галавы і скруціце ў форме вуха. Размясціце яго насупраць таго шарыка, які падпірае галаву, гэта значыць спераду пад звычайным шарыкам. Гэтыя 2 шарыкі падтрымліваюць галаву. Зараз скруціце вялікі шар дыяметрам 30 см (шыя), затым - маленькі шарык дыяметрам 2 см і 2 шарыкі дыяметрам 10 см (пярэднія ногі). Ногі скруціце разам, а маленькі шарык скруціце ў форме вуха паміж шыяй і нагамі. Зараз прыйшла чарга тулава. Зрабіце 2 шарыкі дыяметрам па 10 см і скруціце іх разам. Скруціце трэці шарык дыяметрам 10 см і прасуньце яго паміж першымі двума шарыкамі. Атрымаецца тулава жырафы. Пакінутую частку адрэжце і завяжыце вузел.
    7. Вазьміце трэці шарык прадаўгаватай формы. Надзьміце, пакідаючы 20 см. Скруціце адзін шарык дыяметрам 5 см (хвост), потым - 2 шарыкі дыяметрам па 10 см (заднія ногі). Размясціце паміж часткамі тулава хвост і некалькі разоў скруціце яго з заднімі нагамі, тады хвост і ногі будуць добра трымацца. Пакінутую частку прадаўгаватага шарыка адрэжце. Завяжыце хвосцік.
    8. Размалюйце маркерам тварык жырафы і яе сімпатычныя плямкі.