З жыцця Касцёла

27–28 чэрвеня адбылася ХІІ Парафіяда дзяцей і моладзі Гродзенскай дыяцэзіі, якая сёлета праходзіла пры парафіі Найсвяцейшага Адкупіцеля ў Гродне пад дэвізам „Супакой і Дабро”.

Cустрэча, якая складалася з трыяды “святыня – тэатр – спорт”, сабрала дзяцей і моладзь з 25-і парафій Гродзенскай дыяцэзіі і парафіі Найсвяцейшай Тройцы ў Глыбокім (Віцебская дыяцэзія). У двухдзённай сустрэчы ўдзельнічалa ў цэлым 217 чалавек. Пасля спаборніцтваў і конкурсаў у розных дысцыплінах творчага, спартыўнага і інтэлектуальнага характару пераможцамі сёлетняй Парафіяды сталі парафія Найсвяцейшай Тройцы ў Росі (дэканат Ваўкавыск) у намінацыях „святыня” і „тэатр” ды парафія Найсвяцейшай Тройцы ў Індуры (дэканат Гродна-Захад) у намінацыі „спорт”.

   

Парафіяда з’яўляецца перадусім часам сустрэчы з Богам і іншым чалавекам

    Нягледзячы на спёку, удзельнікі стараліся паказаць найлепшыя вынікі, каб здабыць узнагароды, але таксама памяталі словы біскупа Гродзенскага Аляксандра Кашкевіча, адрасаваныя ім падчас Імшы, аб тым, што на Парафіядзе „не толькі золатам, срэбрам ці бронзай трэба ўзбагаціцца, але, найперш, верай”.