ГРОДНА
Субота,
03 снежня
2022 года
 

З каталіцкіх СМІ (202)

Прэса

catholicby2018Езуіты ў байнэце
   Запрацаваў інтэрнэт-сайт Jezuity.by – беларускамоўны рэсурс найбольшай у Касцёле манаскай супольнасці, да якой належыць таксама папа Францішак.
На сайце прадстаўлена інфармацыя пра дзейнасць айцоў езуітаў, іх заснавальніка, адметныя рысы паклікання, педагогікі і духоўнасці. Акрамя новых матэрыялаў, у адным месцы цяпер сабраны пераклады і аўтарскія матэрыялы па ігнацыянскай духоўнасці са старонак іншых рэсурсаў. Вернікі Касцёла ў Беларусі і ўсе зацікаўленыя суайчыннікі могуць глыбей пазнаёміцца з гэтай багатай духоўнасцю і ўзбагаціцца яе незлічонымі скарбамі.
   

pch24 Абкрадзеныя шопкі?
Напярэдадні ўрачыстасці Трох Каралёў з па мешай меры 15-ці калядных шопак у нямецкіх касцёлах зніклі фікуркі Мудрацоў з Усходу.
Аказалася, што гэта спланавала група мастакоў у межах акцыі “Выключаныя – Тры Каралі ля брам Еўропы”, мэта якой – звярнуць увагу на лёс бежанцаў, што накіроўваюцца з Афрыкі і Блізкага Усходу да межаў Еўропы. На іх думку, эмігрантаў, якія знаходзяцца ў лагерах, неабходна як мага хутчэй рассяліць у Германіі і іншых краінах Еўрасаюза.
У кожным касцёле актывісты пакінулі ў шопцы ліст, дзе патлумачылі сутнасць акцыі. Фігуркі былі вернуты ў касцёлы 6 студзеня.
niedziela logo   “Апранутая ў белае”
Пад такой назвай адкрылася выстава марыйных фігур у санктуарыі Маці Божай у Фаціме (Партугалія).
Мэтай экспазіцыі, якую можна ўбачыць у базіліцы Найсвяцейшай Тройцы, з’яўляецца надыходзячая сотая гадавіна выканання першай фігуркі Маці Божай Фацімскай, выразанай на падставе сведчання с. Луцыі – адной з 3-ох дзяцей, якія ўдзельнічалі ў аб’яўленнях у 1917 годзе.
Фігура Маці Божай Фацімскай не толькі наведваецца шматлікімі пілігрымамі ў гэтым партугальскім горадзе, але таксама часта падарожнічае па свеце. У фацімскім санктуарыі ёсць больш дзесятка фігур, якія штогод высылаюцца ў розныя куткі зямнога шара.

Актуальны нумар

 

Каляндар 2022

Каляндар
«Слова Жыцця»
на 2022 год

Літургічны каляндар

white
Адзначаем імяніны:
Сёння ўспамінаем памерлых святароў:
Да канца года засталося дзён:  29

Чакаем Вашай падтрымкі

skarbonkaДарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.