Распачаты
   беатыфікацыйны
   працэс а. Пэдра Арупэ Будучы місіянерам у Японіі, перажыў ядзерную бамбардзіроўку. Каб дапамагаць пацярпелым, разгарнуў у будынку навіцыяту палявы шпіталь і сам аказваў дапамогу параненым.
Пазней, ужо ў якасці Генеральнага настаяцеля Таварыства Езуса, а. Арупэ вёў свой ордэн шляхам паслясаборнага аднаўлення, ставячы ў цэнтр увагі найбольш гаротных, асабліва бежанцаў.
Сёння нямала вернікаў у Рыме і ў свеце падмацоўваюцца яго духоўнымі творамі, даручаюць сябе яго заступніцтву. Імя Пэдра Арупэ носяць сотні супольнасцей, апостальскіх ініцыятыў і праграм ва ўсім свеце. †

---

Стартуе
Армія малітвы Армія малітвы мае быць натуральным працягам ідэі “Адзін за ўсіх, усе за аднаго”, дзякуючы якой ружанцовая малітва за Святога Айца будзе трываць цэлы год.
“Мы хочам арганізаваць не аднаразовую акцыю, якая пагасне, як запалка. Прагнем, каб гэта была доўгатэрміновая ініцыятыва, якая, як лямпа, будзе прыгадваць аб патрэбе малітвы за Папу”, – заўважаюць арганізатары малітоўнай акцыі.

---

Рэлігійна
актыўныя асобы
больш шчаслівыя Гэта вынікае з апошніх даследаванняў амерыканскага інстытута “Pew Research Center” пасля падсумавання даных з анкетавання, праведзенага ў больш за 20-ці краінах свету.
Хоць рэзультаты не даказваюць, што ўдзел у касцёльных набажэнствах з’яўляецца непасрэднай прычынай шчаслівага жыцця, тым не менш, у многіх краінах можна заўважыць выразную тэндэнцыю. Напрыклад, у Злучаных Штатах Амерыкі 36% рэлігійна актыўных рэспандэнтаў акрэслілі сябе як “вельмі шчаслівых”. У выпадку нерэлігійных амерыканцаў так лічаць толькі 25%.