XXXIII Звычайная Нядзеля

 |  кс. Юрый Бяганскі  |  Разважанні з Божым Словам
З Eвангелля св. Мацвея
Езус расказаў сваім вучням гэтую прыпавесць: “Пэўны чалавек, ад’язджаючы, паклікаў слуг сваіх і даручыў ім маёмасць сваю. Аднаму даў пяць талантаў, другому – два, іншаму – адзін, кожнаму паводле ўласных магчымасцей, і ад’ехаў. Па доўгім часе прыходзіць гаспадар слуг гэтых і патрабуе ад іх рахунку. Той, які атрымаў пяць талантаў, падышоў і прынёс яшчэ пяць талантаў і кажа: «Гаспадар, пяць талантаў ты даў мне; вось яшчэ пяць талантаў я зарабіў на іх». Гаспадар ягоны сказаў яму: «Добра, слуга добры і верны, у малым ты быў верны: над многім цябе пастаўлю. Увайдзі ў радасць гаспадара твайго»”.
Мц 25, 14–15. 19–21

Клапатлівыя таленты
    Часта ў чалавеку выклікаюць захапленне разнастайныя таленты, што былі яму дадзены дарма. Пры гэтым неабходна разумець: усе нашы схільнасці і здольнасці – гэта дар ад Бога, які павінен аздобіць свет. Таму таленты неабходна шанаваць і памнажаць, але не рабіць з іх бажкоў.
    Жыццё з’яўляецца пастаяннай працай, адказным і мудрым кіраваннем атрыманымі дарамі. Жыць – значыць служыць Усемагутнаму і любіць Яго ўсім сэрцам. Развіваючы свае таленты, мы выражаем Стварыцелю ўдзячнасць. Калі ж не робім гэтага, а “закопваем дары ў зямлю”, іх у нас могуць забраць і аддаць камусьці іншаму, таму што ўтойванне талента – гэта непавага да любячага Айца, ад якога яго атрымалі.
    У Бога няма беспрацоўных. Кожны атрымаў ад Яго ўласнае пакліканне і заданне для выканання. Калі станем на Судзе, Пан не будзе пытацца, дзе і колькі мы жылі. Ён запытаецца пра тое, як мы жылі. Таму варта сумленна карыстацца атрыманымі дарамі, з любоўю да Стварыцеля і бліжняга.
#
Пры выкарыстанні матэрыялаў сайта газеты "Слова Жыцця" актыўная індэксуемая і прамая гіперспасылка на крыніцу абавязковая.
Слова Жыцця:  інфармацыйна–рэлігійная газета Гродзенскай дыяцэзіі; Год заснавання 1997.
Заснавальнік: Гродзенская Рыма–Каталіцкая Дыяцэзія; Выдаўца: Курыя Гродзенскай Дыяцэзіі;
Адрас: Гродна 230025, вул. К. Маркса, 4, тэл. (+375) 152 75-64-38; e-mail: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.
Галоўны рэдактар кс. Юрый Марціновіч. Тэхнічны рэдактар Юрый Лавыш
Веб-версія: Аляксандр Лавыш, Андрэй Міскевіч

© All rights reserved.
Admining, migration, project and design site - Andrei Miskevich /Jan_Dax/
Back to Top