Парафіяда пройдзе 20–23 чэрвеня ў парафіі Беззаганнага Зачацця Найсвяцейшай Панны Марыі (Гродна-Паўднёвы), парафіі Найсвяцейшага Адкупіцеля (Гродна-Дзевятоўка) і на стадыёне ЦСК “Нёман”. Дэвіз сёлетняй Парафіяды – “Будзьце міласэрнымі, як і Айцец ваш міласэрны” (Лк 6, 36).

Парафіяда – праект, заснаваны на старажытнагрэчаскай трыядзе “Святыня–Тэатр–Стадыён”.
    Арганізатары забяспечваюць удзельнікам харчаванне і пражыванне, выхаваўча-рэлігійную, культурную і спартыўную праграму.
   
    Да ўдзелу запрашаюцца дзеці і моладзь з усёй Беларусі. Узрост удзельнікаў – 11-19 гадоў. Максімальная колькасць удзельнікаў ад адной парафіі – 15 чалавек + 1 апякун (ад парафіі можа быць і меншая група).
    Кожны ўдзельнік павінен мець пры сабе аформленую медыцынскую карту ўдзельніка Парафіяды з фотаздымкам, не старэйшым за адзін год.
   
    Заяўку неабходна даслаць да 1 чэрвеня на адрас: Гэты e-mail адрас абаронены ад спаму-ботаў, для яго прагляду ў Вас павінен быць уключаны Javascript . Кошт удзелу 50 000 руб. (ёсць магчымасць вызвалення ад аплаты).
   
    З падрабязнай праграмай і правіламі ўдзелу можна пазнаёміцца на сайтах grodnensis.by і catholic.by, а таксама патэлефанаваўшы па нумарах: (8-033) 624-35-22, (8-029) 319-54-65 – кс. Артур Малафей.