1 студзеня 2010 г. адкрыццём Святых дзявярэй, так званых Дзвярэй прабачэння,пачаўся чарговы 119 год св. Якуба ў катэдры ў Сантьяга дэ Кампастэла.
    Юбілейны Святы год абвяшчаецца ў Сантьяга дэ Кампастэла ва ўсе тыя гады, калі свята апостала Якуба ( 25 ліпеня) прыходзіцца на нядзелю. А такая магчымасць з’яўляецца кожныя 6, 5, 6 і 11 гадоў. Вернікі, якія наведаюць магілу св. Якуба ў катэдры ў Сантьяга дэ Кампастэла ў Іспаніі ці ў іншым месцы, дзе знаходзяцца рэліквіі св. Якуба, адгавораць малітвы ў інтэнцыях Папы, і 15 дзён перад ці 15 дзён пасля наведвання магілы пабудуць у споведзі і прымуць св. Камунію, атрымаюць поўны адпуст. Першы Святы год, устаноўлены Святым Айцом Калікстам II, прыходзіўся на 1120 год, а наступны адкрыццём Святых дзвярэй, так званых будзе адзначацца ў 2021 годзе. †

Пасля Змёртвыхпаўстання Езуса Хрыста Якуб пакінуў Ерузалем і пайшоў у свет, каб распаўсюджваць Добрую Навіну. Ён прыбыў на Іберыйскі паўвостраў, дзе на працягу некалькіх гадоў абвяшчаў Евангелле. Калі ж вярнуўся ў Ерузалем, то загінуў ад рук ворагаў хрысціянства. Яго вучні вывезлі цела апостала з Ізраэля і пахавалі ў Галіі (паўночна-заходняя частка сённяшняй Іспаніі). Паводле традыцыі цела св. Якуба-апостала пахавалі ў тым месцы, дзе сёння знаходзіцца Сантьяга дэ Кампастэла. У IX ст. адзін пустэльнік, дзякуючы распалажэнню зорак, адкрыў тленныя астанкі святога на магільным пагорку. Месца магілы назвалі Campus-Stellae, ці Поле зорак, і ўзвялі святыню, у якую сёння імкнуцца тыя, хто падарожнічае шляхам св. Якуба. Ён існуе больш за 1000 гадоў у паўночна-заходняй Іспаніі (па-іспанску – Каміна дэ Сантьяга) і з’яўляецца адным з самых важных хрысціянскіх паломніцкіх шляхоў побач з дарогамі, што вядуць у Рым і Ерузалем. Існуе некалькі паломніцкіх шляхоў св. Якуба: французскі, партугальскі, паўночны, першапачатковы, сярэбраны, англійскі. Можна далучыць да іх і Якубавыя шляхі ў Польшчы: у Велікапольшчы, у Малапольшчы і ў Любускім ваяводстве. Кожны з іх налічвае каля 800 кіламетраў адлегласці, шлях у Польшчы – каля 400 кіламетраў, а пасля кожных 25 -30 кіламетраў знаходзяцца прытулкі для пілігрымаў.У Еўропе св. Якуб ушаноўваецца перш за ўсё як заступнік падарожных.