Закончыўся май і пачаўся чэрвень. Паводле традыцыі ў нашай краіне гэты месяц звязаны з набажэнствам да Найсвяцейшага Сэрца Езуса. Прызнаюся, што на працягу доўгага часу я задумваюся над розніцай паміж маёвым і чэрвеньскім набажэнствамі. Бачачы касцёлы, напоўненыя вернікамі падчас маёвых набажэнствах і пуставатыя ў чэрвені, я думаю з пэўным неспакоем аб тым, ці гэтая нашая “народная” пабожнасць мае правільны напрамак.
    Святы Айцец Ян Павел II быў вялікім прыхільнікам набажэнства да Сэрца Езуса. Ён вельмі радаваўся з таго факту, што ў Польшчы прысутнічае гэтая форма пабожнасці. Калісьці ён сказаў: “Я цешуся з-за таго, што ў Польшчы практыкуецца і няспынна падтрымліваецца ў чэрвені штодзённае адгаворванне ці спяванне літанія да Найсвяцейшага Сэрца Езуса”. †

У маёй роднай вёсцы існуе даўні звычай збірацца на чэрвеньскія набажэнствы. Кожны дзень у вызначаную гадзіну жыхары вёскі Слабада гальшанскай парафіі збіраюцца на супольную малітву разам з вернікамі праваслаўнага веравызнання. Вельмі шкада, што сёння ў свеце паволі знікае звычай прадаўжэння старадаўніх касцёльных традыцый. А таму я заахвочваю ўсіх, а асабліва маладое пакаленне, знайсці час для сустрэчы з Богам і з Марыяй, нашай Маці.