Шаноўныя чытачы газеты “Слова Жыцця”!

Хрыстус уваскрэс! Сапраўды ўваскрэс! У адпаведнасці са старадаўнім звычаем я хачу павіншаваць кожнага з Вас, дарагія сведкі сапраўдных хвілінаў нашай веры, надзеі і любові. Гэта – цудоўныя хвіліны, якія дае кожнаму з нас Дарыльшчык жыцця, Пераможца шатана і смерці. Гэты выключны дзень упісаны асаблівым чынам у гісторыі Беларусі і ўсяго чалавецтва. Ніколі не выкрэслівайце з вашых сэрцаў гэты дзень, які безупынна мы можам перажыць! †

    Мае дарагія! Давайце сёння паглядзім на Хрыста, на Змёртвыхпаўстанне Пана і Збавіцеля! Давайце звернем увагу на сябе і сваё жыццё. Надайце сэнс свайму існаванню. Давайце ж паўторым услед за Божым слугой Янам Паўла II, што праўда аб паўстанні з памерлых – гэта праўда нашых часоў. Уваскрэсенне Божага Сына паказвае нам Божую мудрасць, якую павінен зразумець і прыняць сённяшні свет. Я жадаю кожнаму з Вас, мае дарагія, моцнай веры, непахіснай надзеі, а таксама сапраўднай любові на кожны дзень. Няхай радаснае аллелюя гучыць ва ўсіх кутках нашага краю. Прачніцеся да жыцця са Змёртвыхпаўсталым, а будзем шчаслівыя.




    Я благаслаўляю вас ад усяго сэрца радасна і плённа пражыць велікодныя святы.