Разважанні з Божым Словам

    Цяжка здзіўляцца жыхарам Назарэту. Прароцтва Ісаі, якое адносілася да прыходу Месіі, прачытанае Езусам, зусім не падыходзіла да Яго постаці і іхніх уяўленняў, сфарміраваных людскімі спадзяваннямі. Габрэі не былі ў стане прыняць таго, што гэта перад імі рэалізуюцца абяцанні Старога Запавету і ў дадатак - у Асобе Сына цесляра, які на працягу некалькі дзесятка гадоў быў іхнім суседам!
    Сваім выказваннем пра нязвыклыя ўмяшанні са Старога Запавету Езус мог пакрыўдзіць слухачоў, але цяжка зразумець іх такую раптоўную рэакцыю: на незразумелыя для іх словы габрэі адказалі проста ня­­­­­навісцю, якая межавала са злачынствам: “І выгналі Яго за горад, ды ўзвялі Яго на верх гары, на якой стаяў горад іх, каб спіхнуць Яго” (Лк 4, 29).
    Яны не маглі зразумець, што Бога нельга забіць. Гэта праўда – прыйшоў дзень, калі чалавек заняволіў Божага Сына, павёў Яго на суд, загадаў Яму слухаць фальшывых сведкаў, пагрэбаваў Ім і выдаў прысуд аб смерці. Але ў гэтай драме рэжысёрам і галоўным акцёрам быў Бог, які з дапамогай свайго Сына рэалізаваў свой план адкуплення чалавека цераз ахвяру крыжа. А ў уваскрэсенні Хрыстус атрымаў канчатковую перамогу над усім грахом і людской слабасцю. Гэта не чалавек вырашае наконт Бога, але Творца трымае ў руцэ людскія лёсы і можа звязаць яго з сабой навекі!
    Няспынна чалавек арганізоўвае свет паводле сваіх планаў. І гэта добра, бо ён атрымаў заданне ад Бога: удасканаліць стварэнне. Але людская істота спрабавала часта “кіраваць” Богам. Таямніца людскіх планаў уваходзіць у канфлікт з таямніцай Божых планаў. Нашыя планы – недасканалыя, часта – зусім няўдалыя. А ўсемагутны Бог кіруецца заўжды любоўю. Чалавек не можа Яго знішчыць, але можа зрабіць так, што Бог адыдзе. Так як зрабіў Езус у Назарэце.

Кс. Яраслаў Грынашкевіч

< Папярэдняя		Наступная >