Неяк жабяняты вырашылі зладзіць паміж сабой спаборніцтва: хто першы ўзлезе на вяршыню вежы. Сабралася шмат цікаўных. Усім хацелася паглядзець, як жабяняты будуць скакаць, і разам з тым пасмяяцца над удзельнікамі. Зразумела, ніхто з гледачоў не верыў, што хтосьці зможа залезці наверх.
Спаборніцтва пачалося. З розных бакоў пачуліся крыкі:
– У вас нічога не атрымаецца! Гэта вельмі складана! Вежа занадта высокая! Няма шансаў!
Адно за адным жабяняты падалі ўніз. Некаторыя ж прадаўжалі караскацца наверх. Натоўп голасна крычаў:
– Занадта цяжка! Ні адзін з вас не зможа гэтага зрабіць!
Неўзабаве жабяняты стаміліся і пападалі. Акрамя аднаго, якое ўздымалася ўсё вышэй і вышэй... Яно адзінае, хто здолела падняцца на самую вяршыню вежы.
Усе сталі распытваць пераможцу, як яму ўдалося знайсці ў сабе столькі сіл.
Аказалася, чэмпіён быў глухім. †