ГАЗЕТА ГРОДЗЕНСКАЙ ДЫЯЦЭЗІІ
 
Субота, 23 чэрвеня 2018 года
«Хрысціянскае жыццё –
гэта пакорная пілігрымка сумлення»
/ Папа Францішак /

Варта ведаць

Варта ведаць (122)

Варта ведаць

☞ У Ватыканскіх садах адбылася цырымонія асвячэння мазаікі, на якой адлюстравана Марыя, Заступніца Гватэмалы. Урачыстасць узначаліў кардынал Джузэпэ Бертэлі, прэзідэнт губернатарства Дзяржавы-горада Ватыкан. Ініцыятыва была прымеркавана да 50-годдзя прадастаўлення статусу базілікі санктуарыю Найсвяцейшай Панны Ружанца ў Гватэмале – сталіцы аднайменнай краіны. Ватыканскія сады здаўна ўпрыгожваюць шматлікія рэпрадукцыі марыйных абразоў або статуй з розных санктуарыяў свету, з нядаўняга часу – і мазаіка з выявай Заступніцы Гватэмалы.
   

Варта ведаць (121)

Варта ведаць

☞ У Польшчы святары арганізавалі на вуліцы “дзяжурствы для няверуючых”. Кожную пятніцу ад 20.00 да 2.00 на лаўцы ў папулярным, асабліва сярод моладзі, месцы адпачынку святар будзе чакаць, пакуль хто-небудзь не падыдзе, каб проста пагаварыць, штосьці абмеркаваць, можа, паплакаць ці папрасіць аб дапамозе ў пазнанні Бога. Святарскія „дзяжурствы” скіраваны на няверуючых людзей, агностыкаў і тых, хто лічыць, што для іх няма месца ў Касцёле.
   

Варта ведаць (120)

Варта ведаць

☞ Кангрэгацыя каталіцкай адукацыі выдала новую інструкцыю па выкладанні кананічнага права ў царкоўных навучальных установах “Навучанне кананічнага права ў святле рэформы шлюбнага працэсу”. Яна дазваляе засноўваць дэпартаменты кананічнага права на тэалагічных факультэтах, кафедры кананічнага права на юрыдычных факультэтах у каталіцкіх універсітэтах, а таксама спрыяць вывучэнню кананічнага права на першым цыкле багаслоўя. Галоўная мэта – падтрымаць і паглыбіць юрыдычную культуру ў Касцёле. Навучальныя ўстановы павінны прыстасавацца да патрабаванняў новай інструкцыі ўжо з пачатку 2019–2020 н.г.
   

Варта ведаць (119)

Варта ведаць

☞ Святы Пасад і міжнародная супольнасць прагнуць унесці свой уклад у забеспячэнне міру і бяспекі для жанчын. Пра гэта паведаміў арцыбіскуп Бернардзіто Ауза, пастаянны назіральнік ад Апостальскай Сталіцы пры штаб-кватэры ААН у Нью-Ёрку (ЗША). У сваёй прамове падчас дыскусіі па гэтым пытанні іерарх засяродзіўся на некалькіх момантах адносна павагі годнасці жанчын, якія, між іншым, датычаць абароны іх інтарэсаў, клопату аб адукацыі, эканамічнай і сацыяльнай бяспекі.
   

Варта ведаць (118)

Варта ведаць

☞ Святы Айцец Францішак прызначыў старшынёй Папскай рады па інтэрпрэтацыі заканадаўчых тэкстаў арцыбіскупа Філіпа Янонэ, які з мінулага года з’яўляўся дапаможным сакратаром узгаданай дыкастэрыі. Іерарх нарадзіўся ў Неапалі ў 1957 годзе. У 1976 – уступіў у Ордэн кармелітаў, у 1982 – атрымаў прэзбітэрскае пасвячэнне. Абараніў доктарскую дысертацыю па кананічным праве ў Папскім латэранскім універсітэце. У 2001 годзе быў прызначаны дапаможным біскупам Неапальскай архідыяцэзіі, у 2009 – біскупам дыяцэзіі Сора-Аквіна-Понтэкорва, у 2012 – віцэ-рэгентам Рымскай дыяцэзіі.
   

Варта ведаць (117)

Варта ведаць

☞ Апостальскі Пасад прызначыў 500 тыс. даляраў на аднаўленне акружэння капліцы Гроба Гасподняга ў Ерусаліме і яшчэ столькі ж – на завяршэнне рэстаўрацыі базілікі Нараджэння Пана ў Бэтлееме. Сродкі на аднаўленне акружэння капліцы будуць накіраваны пасля таго, як супольнасці, якія кіруюць святыняй (праваслаўная, армянская і каталіцкая) створаць сумесны камітэт, што будзе займацца гэтай справай. У Бэтлееме значная частка работ ужо выканана, і ёсць надзея, што ўжо ў бліжэйшы час рэстаўрацыя базілікі завяршыцца.
   

Варта ведаць (116)

Варта ведаць

☞ Папа Францішак прыняў на прыватнай аўдыенцыі ў Ватыкане канцлера Аўстрыйскай Рэспублікі Себасцьяна Курца, першага пасля многіх гадоў практыкуючага католіка на гэтай пасадзе. У размове з журналістамі палітык сцвердзіў, што ніколі не ўтойваў сваёй веры. Ён па магчымасці рэгулярна наведвае з сям’ёй касцёл, амаль штогод удзельнічае ў працэсіях Божага Цела ў роднай Вене. Маючы 31 год, Курц з’яўляецца самым маладым (і веруючым!) палітыкам у свеце.
   

Варта ведаць (115)

Варта ведаць

☞ У Ватыкане паведамілі, што папа Францішак вызваліў ад пасады ардынарыя Ахіары біскупа Петэра Эбер Окпалеке і прызначыў там часовага Апостальскага адміністратара. Гаворка пра нігерыйскую дыяцэзію, дзе ў канцы 2012 года мясцовыя вернікі і духавенства ўзбунтаваліся супраць новапрызначанага біскупа і перашкодзілі яму заняць пасаду. На дадзены момант Пантыфік не мае намеру прызначаць іншага ардынарыя для дыяцэзіі.
    З гэтай мэтай ён зацвярджае Апостальскага адміністратара sede vacante et ad nutum Sanctae Sedis у асобе біскупа Лусіюса Угорджы.
   

Старонка 1 з 16:

Актуальны нумар

Наш каляндар

 

kalendar 2018 by1s
Каляндар «Слова Жыцця»
на 2018 год

Літургічны каляндар

 
green
Літургія Слова на сёння:
Адзначаем імяніны:
Да канца года засталося дзён:  192

Чакаем Вашай падтрымкі

skarbonkaДарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.