Хрысціянская думка

Хрысціянская думка

З партала obeznani.pl
    Вера ў Бога з’яўляецца найвы­шэй­шай каштоўнасцю. Гэта да Яго мы звяртаемся, калі нам цяжка стаць перад тварам якойсьці ментальнай, жыццёвай праблемы. Мы ходзім у касцёл, спавядаемся, жывём рэлігіяй кожны дзень. Вера стварае ўсмешку, гэта дзякуючы ёй мы разумеем, што на самой справе з’яўляецца добрым, а што дрэнным. Дзякуючы ёй мы можам сказаць “СТОП”, беручы пад увагу нашыя каштоўнасці. Вера – гэта штосьці найважнейшае ў жыцці, і я лічу, што яна дапамагае нам кожны дзень.
   

Хрысціянская думка

З партала teologia.pl
    Не аднойчы хтосьці хоча глыбока верыць, але ў ім нараджаюцца розныя сумненні. У гэтым выпадку чалавек павінен, калі толькі зможа, маліцца і прасіць аб узрастанні веры. Ён таксама павінен старацца дзейнічаць згодна з сумленнем, безупынна імкнучыся пазнаць праўду, напрыклад, чытаць адпаведныя рэлігійныя кнігі, часопісы, размаўляць з веруючымі асобамі і да т.п. Пошукі праўды павінны быць сапраўднымі і сумленнымі. Цяжка апраўдаць чалавека, які сцвярджае, што паверыў бы, калі б мог, але не робіць нічога, каб пазнаёміцца з поглядамі людзей веруючых, з навукай Касцёла, са Святым Пісаннем, адкрыта пазбягае сур’ёзных размоў і г.д.
   

Хрысціянская думка

З партала teologia.pl
    Дзякуючы веры мы здабываем Божую мудрасць, якая дазваляе нам належным чынам бачыць і ацэньваць рэчаіснасць, што нас акружае. Веруючая асоба ў святле Божай праўды – як праз каляровыя акуляры – бачыць навакольны свет, падзеі, жыццё і смерць. Мікраскоп дае нам магчымасць убачыць вельмі малыя прадметы, якія наша вока не заўважае. Тэлескоп, у сваю чаргу, дазваляе ўбачыць вельмі далёкія нябесныя целы, якія нельга разглядзець няўзброеным вокам. Падобным чынам вера дае нам магчымасць заўважыць у навакольным свеце, у падзеях і ў нас саміх тое, чаго мы ані пачуццямі, ані розумам не можам убачыць і зразумець.
   

Хрысціянская думка

З партала teologia.pl
    У сапраўднай веры можна адрозніць два важныя аспекты: поўная пакорнасць Богу як Асобе і прыняцце аб’яўленай Ім праўды (параўн. Дэкларацыя “Dominus Iesus”, 7). Вера, такім чынам, з’яўляецца прыняццем асабовага Бога, верай Яму, даверам, прызнаннем Яго найважнейшым аўтарытэтам у сваім жыцці. Гэтая пакорнасць асабоваму Богу-Любові праяўляецца, між іншым, у малітоўным кантактаванні з Ім. Веруючы чалавек верыць Айцу Нябеснаму, захоўвае Яго запаведзі, выконвае Яго волю, перакананы, што Бог хоча толькі яго шчасця.
   

Хрысціянская думка

З партала fronda.pl
    Вера абавязвае ў першую чаргу прытрымлівацца Дэкалогу, які з’яўляецца не толькі законам Божым, але і законам розуму. Каб атрымаць збаўленне, мы павінны любой цаной змагацца з нашымі слабасцямі... з пасткамі граху. Мы абавязаны няспынна навяртацца, выпраўляцца, працаваць над сабой. Мы былі пакліканы да святасці, але нам вядома, які цяжкі гэты шлях, бо ён вядзе праз цемру нашых він, і толькі вера можа дапамагчы нам знайсці праменьчык святла – надзеі ў цёмным тунэлі. Мы не можам саромецца сваёй веры... мы павінны паказваць усім нашае шчасце, звязанае з блізкасцю Хрыста.
   

Хрысціянская думка

Кс. Вячаслаў Барок
   Святая зямля не недзе далёка, недасяжная. Святая зямля там, дзе ёсць я, веруючы чалавек, і дзе ёсць мой Бог. І калі я хаджу па гэтай зямлі, то яна ўжо святая. Бо я хаджу не адзін – са мной мой Бог.
   
    З моладзевага форуму
    Калі я веру ў Бога, то сведчу ўчынкамі (у жыцці). Вера не з’яўляецца сцвярджэннем, што Бог ёсць, але тым, што я падпарадкоўваю Яму сваё жыццё і інакш, чым няверуючы, прымаю жыццёвыя рашэнні.
    З партала Idziemy.pl
    Існуе, як бачна, розніца паміж паняццем веры і рэлігіі. У рэлігіі, якая з’яўляецца сувяззю чалавека з Богам, не дастаткова самаго пераканання аб існаванні Бога, у ёй павінен выступаць элемент жывой веры і даверу Богу. Без веры цяжка было б гаварыць аб рэлігіі самой па сабе. Такім чынам, паняцце “вера” не можа быць сінонімам слова “рэлігія”, не можа замяняць яго, вера таксама не можа ўспрымацца, як нешта супрацьлеглае рэлігіі.

Хрысціянская думка

Кс. Тамаш Яклевіч
   Мы вызнаём веру кожную нядзелю на св. Імшы, ад “Веру ў Бога” распачынаем Ружанец, многія моляцца “Credo” ў штодзённых пацерах. Першыя формулы вызнавання веры ўзнікалі ў першых стагоддзях Касцёла ў сувязі з удзяленнем хросту. Іх тады называлі “сімваламі веры”. Грэчаскае слова “symbolon” азначала палову пераламанага прадмета, які прад’яўлялі як апазнавальны знак. Пераламаную частку клалі з сабой, каб пацвердзіць асобу таго, хто мае другую палову. Сімвал веры, такім чынам, з’яўляецца апазнавальным знакам хрысціян.
   
    Кс. Дарыуш Кавальчык
    Гаворачы пра веру з боку таго, у што мы верым, можна ўказаць тры ўзроўні: вера ў Бога, вера ў Хрыста, вера ў Касцёл як супольнасць, заснаваную Хрыстом. Сёння зацяты атэізм не вельмі папулярны, паколькі пераважная большасць людзей хоча верыць у Бога як нейкую добразычлівую вышэйшую сілу, якая – хто ведае – забяспечыць нам жыццё пасля смерці.

Хрысціянская думка

Інтэрнэт-старонка парафіі св. Мікалая, біскупа
   Вера з’яўляецца магчымасцю служыць іншым у пачуцці адказнасці перад Богам. Яна дазваляе перажываць крызісы, цяжкасці, расчараванні, хваробу і ўсякія пакуты. Малітва, поўная даверу і абсалютнай аддачы Богу, дазваляе засцерагчы сябе ад падзенняў. Вера каштуе жыцця, бо дзелячы са мной роспач і безнадзейнасць, сусяшае і дапамагае ў пераадольванні такой цяжкасці. Таму вера з’яўляецца асновай, каб пацвердзіць наша перакананне, што Езус Хрыстус – Той, хто нас ведае і разумее – апярэдзіў нас у дарозе на неба, пакідаючы выдатны след, па якім мы можам накіроўвацца праз радасць і пакуты, надзею і расчараванне, набліжаючыся да мэты.
   
    Кс. Казімір Біштыга
   Што ж такое каталіцкая вера? Сам Хрыстос Пан і Бог наш. Хрыстова Кроў, шчодра за нас пралітая, Хрыстова Слова, ці Евангелле і безпамылковая навука Езуса, шматтысячныя ласкі, складзеныя ў святых сакрамантах і ўдзяляемыя па ўсім свеце праз Хрыстова святарства – вось, што з’яўляецца асновай, зместам і сутнасцю нашай святой веры. Каталіцкая вера – гэта скарб.