ГАЗЕТА ГРОДЗЕНСКАЙ ДЫЯЦЭЗІІ
 
Аўторак, 07 Верасня 2010 года

Актуальная інфармацыя

300-годдзе кансэкрацыі архікатэдры НПМ у Мінску

04 Верасня 2010 |
9 кастрычніка 2010 г. а 12 гадзіне ў мінскай архікатэдры Найсвяцейшай Панны Марыі адбудзецца ўрачыстая святая Імша з нагоды 300-гадовага юбілею кансэкрацыі касцёла. Св. Імшу будзе цэлебраваць надзвычайны пасланец Святога Айца Бэнэдыкта ХVІ кардынал Юзаф Томка. Святкаванню будзе папярэднічаць правядзенне спецыяльнай 9-дзённай навэнны ва ўсіх парафіях Мінска-Магілёўскай архідыяцэзіі. У мінскай архікатэдры яна будзе ўключаць ружанцовую малітву, святыя Імшы і штодзённыя рэфераты на эклезіялагічную, іерархічную, літургічную або гістарычную тэматыкі. Для выступлення з рэфератамі плануецца запрасіць таксама прадстаўнікоў праваслаўнай Царквы.
    У святкаванні, акрамя душпастыраў і вернікаў Беларусі, прымуць удзел шматлікія госці з-за мяжы. У сувязі з гэтым 9 кастрычніка ўрачыстая літургія будзе цэлебравацца на лацінскай мове. На вуліцы каля святыні будзе ўстаноўлены святлодыёдны экран. Запрашаем вернікаў да ўдзелу ва ўрачыстасці.
 

Рэкалекцыі для катэхетаў

03 Верасня 2010 |
Аддзел каталіцкага навучання і выхавання пры біскупскай курыі ў Гродне сардэчна запрашае ўсіх катэхеткаў і катэхетаў на рэкалекцыі перад пачаткам навучання дзяцей у новым катэхетычным годзе. Рэкалекцыі пройдуць у Сапоцкіне 10-12 верасня 2010 г. Пачатак – у пятніцу а 18.00 гадзіне. Заканчэнне – у нядзелю а 14.00. Тэма рэкалекцый: “Фацімскія аб’яўленні – арыенцір для навучання дзяцей і моладзі”. Можна запісацца ў біскупскай курыі па тэлефоне: (8-0152) 75 33 08 з 10.00 да 12.00 гадзін.



   

Пілігрымка ў Капцёўку

03 Верасня 2010 |
Запрашаем дзяцей, моладзь, бацькоў і катэхетаў у пілігрымку ў Капцёўку 19 верасня 2010 г., з нагоды новага навучальнага і катэхетычнага года, адбудзецца пешае паломніцтва ў Капцёўку на пагорак Надзеі ў санктуарый Яснагурскай Божай Маці, якая цярпліва нас слухае. Праграма пілігрымкі: 7.00 – св. Імша ў касцёле аа. францысканцаў у Гродне. 8.00 – паломнікі выходзяць у Капцёўку. 12.00 – 13.00 – прывітанне паломнікаў у Капцёўцы, адпачынак і гарбата. 13.00 – Вяночак да Божай Міласэрнасці. 13.15 – св. Імша. 14.30 – выступленні парафіяльных групаў (неабходна на працягу 10 мінут прадставіць сваю парафію: праспяваць 2 песні). 17.00 – заканчэнне паломніцтва і ад’езд у Гродна. Ксёндз Міхал Ластоўскі, кусташ санктуарыя, сказаў, што дэвізам сёлетняга паломніцтва будуць словы: “Марыя – наша Настаўніца”.
   

Актуальны нумар

język polski

język polski

Апытанне


На Ваш погляд...

Ці Вы хочаце пазнаёміцца ў інтэрнэце з нашым каталіцкім парталам www.grodnensis.by?

Вынікі

Ад шчырага сэрца

  

Сардэчныя словы віншаванняў і пажаданняў з нагоды розных урачыстасцей, а таксама словы спачування і малітвы ў выпадку адыхода ў Дом Пана...

Літургічны каляндар

 
green
Дзень звычайны
Чытанне на сёння:
1Кар 6,1-11; Лк 6,12-19
Імяніны:
Мельхіёра, Рэгіны
Да канца года засталося дзён:  116

На службе Богу і людзям

  • а. Караль Барнась
  • Кс. Андрэй Бурак
  • Кс. Ігар Антоній Анісімаў
  • Кс. Генрых Яблонскі
  • Кс. Дзмітрый Урбановіч
  • Кс. Аляксандр Шэмет
  • Кс. Пётр Марцінец CMF

а. Караль Барнась

     Айцец Караль Барнась, рэдэмптарыст

- нарадзіўся 01. 02. 1935 г. у Польшчы.
- 26. 06. 1960 г. атрымаў святарскія пасвячэнні ў Тухаве з рук арцыбіскупа Уладзіміра Ясінскага.
- На працягу 30 гадоў ён працаваў у розных кляштарах рэдэмптарыстаў у Польшчы.
- 5 гадоў вучыўся ў Тэалагічнай каталіцкай акадэміі ў Варшаве завочна.
- У 1990 г. прыехаў у Беларусь у парафію Вялікія Эйсманты і ў Занявічы.
- У 2010-м годзе спаўняецца 20 гадоў яго працы ў Беларусі, 50 гадоў святарства і 75 гадоў жыцця.
- У сакавіку 2010 г. а. Караль Барнась папрасіў біскупа Аляксандра Кашкевіча, каб той вызваліў яго ад абавязкаў пробашча ў Вялікіх Эйсмантах і ў Занявічах і ад абавязкаў дзекана. Просьба была прынята.

   “Я дзякую біскупу за магчымасць працаваць дваццаць гадоў у дыяцэзіі, а ўсім святарам – за прыемнае супрацоўніцтва. Я буду ўспамінаць з прыемнасцю штогадовыя агульныя рэкалекцыі і штомесячныя дні Духоўных сустрэчаў, як і працу ў Берастовіцкім дэканаце.
Пасля 50 гадоў я адчуваю святарства як вялікі дар Божай Міласэрнасці як для святара, так і для людзей, да якіх я быў пасланы”.

Кс. Ігар Андрэй Бурак

     Ксёндз Андрэй Бурак

- Нарадзіўся 13. 01. 1978 г. у Лідзе.
- У 2001 г. скончыў ВДС у Гродне.
- 25. 05. 2002 г. у катэдральнай базыліцы прыняў святарскія пасвячэнні з рук біскупа Аляксандра Кашкевіча.
- Душпастырская праца:
- вікарый у Ашмянах, у Лідзе ў парафіі імя св. Сям’і,
- з 2004 г. – па сённяшні дзень – пробашч у парафіі імя св. Якуба ў Цудзенішках.

   “Калі я задумваюся пра тое, чым ёсць святарства, то мне ўспамінаюцца словы ксяндза Яна Твардоўскага: “Я баюся ўласнага святарства, непакоюся за яго (…) і перад ім укленчваю”.

Кс. Ігар Антоній Анісімаў

     Ксёндз Ігар Антоній Анісімаў

- Нарадзіўся 16. 10. 1974 г. у Магнітагорску (Расія).
- У 2001 г. скончыў ВДС у Гродне.
- 19. 05. 2001 г. у гродзенскай катэдры прыняў святарскія пасвячэнні з рук біскупа Аляксандра Кашкевіча.
- Душпастырская праца:
- 2001 – 2003 г.г. – вікарый у парафіі ў Лідзе (Слабодка),
- 2003-2004 г. - вікарый у парафіі Ліда-Фара,
- з 2004 г. – па сённяшні дзень – пробашч у Першамайску (Шчучынскі раён).

   “Няспынна святарства застаецца таямніцай Божага плану ў дачыненні да мяне, нягоднага яго слугі. Я адчуваю вялікую адказнасць за гэты вялікі дар і за людзей, якіх Бог ставіць на шляху майго святарскага жыцця”.

Кс. Генрых Яблонскі

     Ксёндз Генрых Яблонскі

- Нарадзіўся 07. 04. 1957 г. у Капцевічах (Смаргонскі раён).
- У 1987 г. скончыў ВДС у Рызе.
- 31. 05. 1987 г. у Рызе прыняў святарскія пасвячэнні з рук кардынала Юльяна Вайводса.
- Душпастырская праца:
- з 1988 г. – пробашч у Канвалішках,
- з 2001 г. і па сённяшні дзень – пробашч у Забалаці,
- з 2005 г. – дзекан дэканату Радунь.

   “Святарства – вялікая ласка і дар, за які я ўдзячны Богу”.

Кс. Дзмітрый Урбановіч

     Ксёндз Дзмітрый Урбановіч

- Нарадзіўся 16. 05. 1977 г. у Забалаці.
- У 2001 г. скончыў ВДС у Гродне,
- а 19. 05. 2001 г. у катэдры ў Гродне з рук біскупа Аляксандра Кашкевіча атрымаў святарскія пасвячэнні.
- Душпастырская праца:
- 2001 – 2003 г.г. – вікарый у Ваўкавыску, у пар. імя св. Вацлава,
- 2003 – 2005 г.г. – вікарый у Радуні,
- з 2005 г. – па сённяшні дзень – пробашч у Дудах.

   “Святарства – гэта служба Богу і людзям. Я ўдзячны Богу за дар майго прызвання”.

Кс. Аляксандр Шэмет

     Ксёндз Аляксандр Шэмет

- Нарадзіўся 09. 04. 1961 г. у Люсіна (Брэсцкая вобласць).
- 31. 05. 1987 г. атрымаў святарскія пасвячэнні ў Рызе з рук біскупа Яніса Цакульса.
- Душпастырская праца:
- працаваў у парафіях Гродзенскай дыяцэзіі: у Адамавічах, Селіванаўцах, у Бале Касцёльнай, у Перстуні.
- Цяпер з’яўляецца пробашчам у Адамавічах і ў м-не Аўгустовак (Гродна).

   “Святарства - гэта Божы выбар, якога да рэшты нельга зразумець, чаму Бог выбірае такога нікчэмнага чалавека для працы ў сваім вінаградніку”.

Кс. Пётр Марцінец CMF

     Ксёндз Пётр Марцінец CMF

- Нарадзіўся 13. 05. 1943 г. у Аполі (Польшча).
- У 1971 г. скончыў Папскую семінарыю ў Вроцлаве. 29. 06 1972 г. прыняў святарскія пасвячэнні ў Аполі з рук біскупа Францішка Ёпа.
- Душпастырская праца:
- да 2000 году – у Польшчы.
- З 2001 г. – па сённяшні дзень – пробашч у Азёрах, Жытомлі і Кашубінцах.
- На працягу года выконваў функцыі духоўнага айца ў ВДС У Гродне і быў шматгадовым спаведнікам клерыкаў.
- З 2010 г. быў назначаны дзеканам дэканату Гродна – Усход.

   “Святарства –гэта вельмі высакародны дар, якога нельга зразумець уласным розумам”.