Хвіліна творчасці

Калі мы збіраемся зрабіць каму-небудзь падарунак, мы хочам, каб ён быў арыгінальным і асаблівым. У наш час здзівіць арыгінальным падарункам становіцца ўсё цяжэй і цяжэй, але, калі з фантазіяй падысці да выбару падарунка, то могуць атрымацца сапраўды цікавыя рэчы. Напрыклад, букет кветак – гэта ўжо не так нова, як букет цукерак. Прапануем Вам навучыцца самастойна складаць прыгожыя букеты цукерак. Гэта не толькі арыгінальны падарунак, але і салодкі пачастунак.

Нам спатрэбяцца: вазачка (шклянка, збанок), цукеркі, каляровая гафрыраваная папера, цэлафан для аздаблення, кавалак пенапласту, драўляныя шпажкі, дэкаратыўная стужка, клей або скотч, нажніцы. †

Як з падручных матэрыялаў зрабіць падсвечнік, які б дарыў прыемнае святло і ўпрыгожваў пакой? Гэта вельмі проста.

Вам спатрэбяцца: шкляныя вазачкі ці маленькія слоічкі, сілікатны клей, клей ПВА, марская соль або соль для ванны, гуашавая фарба, губка.

Ход працы:
1. Прасейце соль так, каб засталіся толькі буйныя крышталікі.
2. Вазьміце маленькі слоічак і старанна намажце паверхню клеем ПВА.
3. На слоічак насыпце соль, каб яна прыклеілася да ўсёй яго паверхні.
4. Пакіньце да поўнага высыхання.
5. Звычайным сілікатным клеем прамажце ўсю паверхню падсвечніка.
6. Яшчэ раз добра прасушыце.
7. Акуратна пафарбуйце падсвечнік пры дапамозе губкі.
8. Падсвечнік гатовы. Засталося толькі паставіць у яго свечку.
Такі падсвечнік выдатна ўпрыгожыць стол

Чаму б сярод зімы не ўпрыгожыць свой пакой вытанчаным букетам з шыкоўных руж? Думаеце, што гэта немагчыма? Магчымасць ажывіць Ваш пакой яркімі колерамі Вы атрымліваеце амаль дарма. Дастаткова прысвяціць усяго некалькі хвілін Вашага часу і праявіць трохі творчасці.

Вам спатрэбяцца:
    шчыльная папера, бярозавыя ці кляновыя галінкі, клей ПВА.

    Ход працы:
    1. Намалюйце спіраль на квадратным лісце паперы, памерам прыблізна 10х10 см.
    2. Выражце спіраль уздоўж лініі.
    3. Закруціце спіраль у рулон па выразаных лініях.
    4. Трошкі распусціце скручаную ў рулон спіраль.
    5. Прыляпіце кветку да канца спіралі.
    6. Збярыце букет з кветак, прыклейваючы іх да галінак. Кветкі могуць быць розных памераў.
    7. Атрымаўся шыкоўны букет руж.