Ад шчырага сэрца

Ад шчырага сэрца

◊◊◊    Шаноўны Ксёндз Біскуп Намінант!     Ад імя ўсіх прысутных складаю ад усяго сэрца пажаданні. Я глыбока перакананы, што Ваша вернасць Касцёлу, актыўнасць, працавітасць і іншыя знаёмыя нам добрыя рысы запэўняць плённасць Вашага служэння дзеля дабра Хрыстовага Касцёла і вернікаў нашай дыяцэзіі.     Няхай Божае бласлаўленне і заступніцтва Маці Міласэрнасці дапамогуць Вам крочыць па новаму шляху служэння Касцёлу.     Дарагія Браты і Сёстры!     Перажываючы радасць гэтай гістарычнай падзеі, давайце ахінем Ксяндза Біскупа Намінанта нашай палымянай малітвай. Няхай яго паслуга спрыяе развіццю нашага мясцовага Касцёла, больш эфектыўнага выканання місіі даверанай яму Хрыстом, а таксама да ўзрастання веры ў сэрцах вернікаў Гродзенскай дыяцэзіі. Кс. б-п Аляксандр Кашкевіч

◊◊◊ Вялебны ксёндз біскуп намінант Юзаф Станеўскі! Ад усяго сэрца віншуем Вас з атрыманнем біскупскай намінацыі. Няхай Ваша паслуга будзе асвечана Божай любоўю і міласэрнасцю, святлом Святога Духа і радасцю ад абвяшчэння Хрыста Божаму люду. Няхай Вам заўсёды спрыяе здароўе, побач будуць добразычлівыя людзі, духоўная моц толькі ўзрастае, а плёнам Вашай працы ганарыцца сам Пан Бог. Рэдакцыя “Слова Жыцця”

Ад шчырага сэрца

◊◊◊ Паважанаму айцу пробашчу Вітольду Пятэльчыцу з нагоды Імянін перасылаем сардэчныя пажаданні. Няхай кожны дзень Вашага жыцця будзе напоўнены Божым бласлаўленнем, радасцю і супакоем, а дабрыня і зычлівасць, якія Вы дорыце людзям, няхай заўсёды да Вас вяртаюцца. Заўсёды будзьце для нас прыкладам моцнай веры і пабожнасці. Дзякуем Вам за ўсё. Шчасці Божа. Ружа св. Максімільяна са Шчучына

◊◊◊ Паважанаму ксяндзу пробашчу Вітольду Лазавіцкаму з нагоды Імянін жадаем шмат здароўя, поспехаў, а таксама сіл і стойкасці на шляху святарскай паслугі, шмат Божых ласкаў і апекі Найсвяцейшай Маці. Мы ад усяго сэрца ўдзячны Пану Богу і ксяндзу біскупу Аляксандру за тое, што Вы выконваеце сваю паслугу ў нашай парафіі, а таксама прагнем, каб Вы як мага даўжэй заставаліся з намі. Ружанцовыя колы, Касцёльны камітэт і ўдзячныя парафіяне з Радуні

Ад шчырага сэрца

◊◊◊ Паважанаму ксяндзу Віталію Внароўскаму з нагоды Імянін і 5-й гадавіны святарскіх пасвячэнняў ад усяго сэрца жадаем шмат здароўя і шчасця. Няхай Найсвяцейшая Маці разам са сваім Сынам, якога Вы штодзённа трымаеце ў сваіх руках, заўсёды маюць Вас у сваёй апецы і спадарожнічаюць на працягу ўсяго жыцця, каб заўсёды з вялікай радасцю Вы служылі Богу і людзям. Дзякуем Вам за ўсё. З малітвай і ўдзячнасцю вернікі з адэльскай парафіі

◊◊◊ Шаноўнай спадарыні Леакадзіі Чыляда з нагоды прыгожага Юбілею перасылаем букет найлепшых пажаданняў: моцнага здароўя, удачы ў працы і ў жыцці, здзяйснення мар, душэўнага супакою, сапраўдных сяброў побач і поспехаў у добрых справах.     Няхай Святы Дух ласкава Цябе ахоўвае і адкрывае сваю далонь на ўсе Твае мары і пажаданні. Жыві ў шчасці і радасці, а ўсмешка няхай аблегчыць жыццё. З павагай і малітвай ксяндзы, Касцёльны камітэт і працаўнікі гродзенскай катэдры

Ад шчырага сэрца

◊◊◊ Яго Эксцэленцыі Ксяндзу Арцыбіскупу Тадэвушу Кандрусевічу з нагоды Імянін перасылаем сардэчныя пажаданні: няхай Ваш святы Заступнік заўсёды будзе побач з Вамі, штодзённа апекуецца і ўзносіць свае малітвы да Божага трона, каб Бог Усемагутны няспынна адорваў Вас здароўем, радасцю, моцнай надзеяй і сілай. Рэдакцыя “Слова Жыцця”

◊◊◊ Паважанаму ксяндзу Андрэю Пышынскаму з нагоды Дня нараджэння перасылаем сардэчныя пажаданні: няхай Вас заўсёды акружаюць промні Божай міласэрнасці, моц Святога Духа і апека Найсвяцейшай Панны Марыі. Жадаем таксама моцнага здароўя, шчасця і доўгіх гадоў жыцця. Удзячныя пілігрымы

Ад шчырага сэрца

◊◊◊ Яго Эксцэленцыі ксяндзу арцыбіскупу Тадэвушу Кандрусевічу з нагоды чарговай гадавіны біскупскіх пасвячэнняў ад усяго сэрца жадаем шмат Божых ласкаў, шчодрых дароў Святога Духа і няспыннай апекі Найсвяцейшай Панны Марыі, а таксама здароўя і моцы для далейшага выканання нялёгкай і адказнай паслугі. Шчасці Божа. Рэдакцыя “Слова Жыцця”

◊◊◊ Яго Эксцэленцыі ксяндзу біскупу Антонію Дзям’янку з нагоды 15-годдзя са дня прыняцця біскупскай сакры перасылаем сардэчныя пажаданні. Няхай усемагутны Бог узмацняе Вас і адорвае сваім бласлаўленнем і любоўю на кожны дзень. Няхай Божае слова, якое Вы засяваеце ў людскія сэрцы, прыносіць шчодры плён. Няхай кожная перажытая хвіліна прыносіць радасць, а побач будуць толькі зычлівыя людзі, гатовыя дапамагчы і падтрымаць у складаныя моманты. Рэдакцыя “Слова Жыцця”

Ад шчырага сэрца

◊◊◊ Яго Эксцэленцыі ксяндзу біскупу Аляксандру Кашкевічу з нагоды Дня нараджэння складаем сардэчныя пажаданні: няспыннай апекі Найсвяцейшай Панны Марыі, усіх дароў Святога Духа і Божага бласлаўлення на кожны дзень нялёгкай паслугі. Жадаем таксама здароўя, душэўнага супакою, шчасця, сіл і радасці. Рэдакцыя “Слова Жыцця”

◊◊◊ Яго Эксцэленцыі ксяндзу біскупу Аляксандру Кашкевічу з нагоды Дня нараджэння перасылаем пажаданні, спалучаныя з малітвай. Няхай Пан Езус, Найсвяцейшая Маці і Святы Дух апекуюцца Вамі, даюць шмат сіл і здароўя ў рэалізацыі Божых планаў. Няхай усмешка заўсёды будзе на Вашым твары, а кожны дзень нялёгкай душпастарскай паслугі будзе напоўнены радасцю і супакоем. З малітвай і павагай Аліцыя і Віталій Воранавы са Смаргоні