ГРОДНА
Субота,
20 красавіка
2024 года
 

Езу, Ты гэтым займіся!

Калі да айца Піо прыходзілі тлумы, ён казаў:
    – Ідзіце лепш да кс. Далінда! Гэты містык пакінуў малітву, якую яму прадыктаваў сам Езус.
    Табе здаецца, што сітуацыя пагаршаецца? Заплюшчы вочы і скажы: “Езу, Ты гэтым займіся”.
    Прадстаўляем Вам, дарагія Чытачы, рубрыку пад назвай “Езу, Ты гэтым займіся!”
   
    На старонках нашай газеты мы будзем змяшчаць малітвы на розныя нагоды і ў розных патрэбах. Вы нават не заўсёды знойдзеце іх у сваіх малітоўніках, але яны спатрэбяцца Вам у жыцці. Таму дасылайце на адрас рэдакцыі просьбы і пытанні наконт Вашых сітуацый і патрэб, а мы пастараемся знайсці малітву, якая дапаможа Вам у жыцці.


   

 

Малітва на кожны дзень (14)

Езу, Ты гэтым займіся!

Рэдакцыя

25 верасня 2016 |
Малітва за настаўнікаў і выхавацеляў
    Ойча Нябесны, які не пусціў чалавека аднаго на гэтую даліну плачу, але даў яму Анёла-апекуна і даручыў бацькам, выхавацелям і настаўнікам; які паслаў у свет свайго Сына, каб Ён навучыў людзей, у што верыць і што рабіць, каб быць збаўленымі. Акажы, о Божа, асаблівую міласэрнасць выхавацелям і настаўнікам. Дай ім добрае здароўе і доўгае жыццё, дазволь, каб павучанні, якія яны засейваюць у сэрцы дзяцей і моладзі, прыносілі шчодры плён. Запалі сэрцы выхаванцаў і вучняў, каб былі паслухмянымі і не засмучалі іх дрэннымі ўчынкамі, а менавіта непаслухмянасцю і лянотай. Учыні, добры Божа, каб пасля смерці яны дасягнулі Твайго Валадарства праз заслугі Езуса Хрыста, Пана нашага. Амэн.
 

Малітва на кожны дзень (13)

Езу, Ты гэтым займіся!

Рэдакцыя

11 верасня 2016 |
Малітва аб атрыманні ласкаў праз заступніцтва бл. Марыі ад Пана Езуса Добрага Пастыра (Францішкі Сядліскай)
    Божа, няхай прыклад бласлаўлёнай Марыі ад Пана Езуса Добрага Пастыра, жар яе кахання да Цябе і велікадушная любоў да бліжняга ў служэнні іншым будуць для нас натхненнем і дапамогай у нашай дзейнасці.
    Просім Цябе, удзялі нам праз яе заступніцтва ласку, якую прагнем атрымаць для большай Тваёй хвалы і дзеля нашай духоўнай карысці. Амэн.
 

Малітва на кожны дзень (12)

Езу, Ты гэтым займіся!

Рэдакцыя

28 жніўня 2016 |
Малітва да святога Максімільяна
    Святы Максімільян! Мы цешымся вялікай Тваёй хвалой і дзякуем Богу за тое, што Ён так Цябе ўзвысіў і ўславіў перад абліччам свету. Любы наш брат! Цябе ўшаноўвае ўвесь люд. Нашыя сэрцы поўняцца ўдзячнасцю да Цябе за Тваю адданасць Богу, Маці Хрыстовай і чалавеку. Ты разумееш нашыя патрэбы, жаданні, клопаты і пакуты. Таму мы з даверам прыносім іх Табе. Святы Максімільян, заступнік цяжкіх часоў і мучанік любові, маліся за нас! Амэн.
   

Малітва на кожны дзень (11)

Езу, Ты гэтым займіся!

Рэдакцыя

26 чэрвеня 2016 |
Малітва падчас канікул
    Навучы мяне, Пане, добра адпачываць і право- дзіць вольны час. Прашу Цябе, каб я ўмеў бачыць хараство прыроды, прыгажосць жывёл, каб нанова навучыўся захапляцца навакольным светам, так як калісьці, калі я быў малым дзіцём. Пане, бла- славі ўсіх, хто адпраўляецца на канікулы, каб яны добра правялі час. Дзякуй, што Ты не забываешся пра ўсіх тых, хто не можа нікуды паехаць з-за недахопу сродкаў ці ў сувязі з хваробай. Пане, змілуйся над намі і ўчыні, каб людзі былі добрымі адзін да аднаго. Дзякуй Табе, Пане. Амэн.
 

Малітва на кожны дзень (10)

Езу, Ты гэтым займіся!

Рэдакцыя

12 чэрвеня 2016 |
Малітва нарачоных
    Святая Марыя, Маці Божая. Мы прыносім Табе наша каханне. Паглядзі на яго сваім ласкавым позіркам і навучы нас прыгожа кахаць. Ты, што ўся з’яўляешся Любоўю, распалі і нашыя сэрцы. Чувай, каб нашае каханне засталося моцным і адданым. Няхай яно яшчэ больш набліжае нас да Бога і робіць адчувальнымі да патрэб каханай асобы і нашых блізкіх. Няхай яно захоўвае нас ад зла і настройвае на працу над сабой. Няхай зробіць нас здольнымі дзяліцца дарам любові з каханым чалавекам. Марыя, не дапусці, каб каханне, якое так цудоўна нас злучыла, калісьці астыла і згасла з-за нашай няўважлівасці. Дапамагай нам знаходзіцца ў Хрысце і чэрпаць нашае каханне з паўнаты Яго сэрца. Амэн.
   

Наступныя артыкулы...

Старонка 3 з 5:

Актуальны нумар

 

Каляндар 2022

Каляндар
«Слова Жыцця»
на 2022 год

Літургічны каляндар

 
Велікодная Серада
white
Адзначаем імяніны:
Агнешкі, Мар'яна
Да канца года засталося дзён:  256

Чакаем Вашай падтрымкі

skarbonkaДарагія Чытачы!
Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.

Ад шчырага сэрца