Актуальная інфармацыя

Рэдакцыя “Слова Жыцця” аб’яўляе конкурс творчых работ сярод чытачоў на тэму “Маё лета з Богам 2017”. Ахвотным прапануецца даслаць у рэдакцыю фотаздымак ці гісторыю, што будзе адлюстроўваць незабыўны духоўны адпачынак. Удзельнікаў чакаюць прызы!
   
    Творчыя работы просім дасылаць да 10 верасня на адрас рэдакцыі: 230025 г. Гродна, вул. К. Маркса, 4, – або на электронную скрыню Гэты e-mail адрас абаронены ад спаму-ботаў, для яго прагляду ў Вас павінен быць уключаны Javascript .
   
    Чытач, падзяліся з намі, як правёў сваё лета! Упэўнены, Табе ёсць пра што распавесці.

Мерапрыемства пройдзе 1 чэрвеня ў парафіі Беззаганнага Зачацця Найсвяцейшай Панны Марыі (Паўднёвы).

На сустрэчу запрашаюцца малодшыя вернікі, каб разам у малітве і забаве добра правесці час. Дэвіз сёлетняга мерапрыемства – “Марыя, наша Маці, аб’явілася дзіцяці”.
   
    Умовы ўдзелу:
    • узрост удзельнікаў – да 14-ці гадоў;
    • 1 апякун на 10 дзяцей;
    • з сабой мець кубак і коўдру або дыванок.
   
    Колькасць удзельнікаў не абмежаваная (запрашаюцца дзеці з Гродзенскай дыяцэзіі і іншых дыяцэзій Беларусі). †

Дыяцэзіяльнае мерапрыемства пройдзе 19–22 чэрвеня на тэрыторыі парафіі Беззаганнага Зачацця Найсвяцейшай Панны Марыі (Паўднёвы), парафіі Найсвяцейшага Адкупіцеля (Дзевятоўка) і стадыёне ЦСК “Нёман”. Дэвіз сёлетняга спаткання – “Paзам з Марыяй да Езуса”.

Парафіяда – праект, заснаваны на старажытнагрэчаскай трыядзе “Святыня – Тэатр – Стадыён”. Арганізатары забяспечваюць удзельнікам харчаванне і пражыванне, выхаваўча-рэлігійную, культурную і спартыўную праграму. †