Рэдакцыя

У чарговы раз, дзякуючы Божаму Провіду, мы маем магчымасць перажываць святы Уваскрасення Пана.
    У той жа час гэта нагода і заклік, каб даваць усім людзям і цэламу свету сведчанне нашай веры ў Езуса Хрыста – Божага Сына, які “дзеля нас, людзей, і дзеля нашага збаўлення сышоў з Неба, (…) стаў чалавекам, (…) быў замучаны і пахаваны, і на трэці дзень уваскрос, паводле Пісання”. †

Вось і прыйшоў час падвесці вынікі апытання, прапанаванага ў апошнім нумары газеты за 2015 год. Цешыць, што некаторыя з Вас узяліся за паперу і даслалі свае меркаванні ў рэдакцыю. Трынаццаць лістоў адзначаны прызамі. Хутка яны трапяць да сваіх уладальнікаў. А пакуль што прааналізуем Вашы адказы.

Прыемна здзівіла, што палова рэспандэнтаў з’яўляюцца пастаяннымі чытачамі “Слова Жыцця”: набываюць газету на працягу 15-18 гадоў. Астатнія чытаюць выданне апошнія 3-6 гадоў. Чаму? “Газета цікавая”, у ёй раскрываюцца шматлікія тэмы, якія “кранаюць за жывое”. Выданне “карыснае ў рэлігійнай адукацыі”, “дапамагае ў маральным выхаванні”. З газеты “пазнаю шмат новага”, “многаму вучуся”. “Часамі, калі ў мяне кепскі настрой, злосць або крыўда на кагосьці, я чытаю «Слова Жыцця» і супакойваюся, прабачаю бліжніх, стараюся рабіць менш дрэнных учынкаў”. “Намагаюся як мага больш нумароў захаваць, каб праз нейкі час вярнуцца да прачытанага”. Некаторыя называюць “Слова Жыцця” любімай газетай, якую чытаюць ад “А” да “Я”. †

Паважаныя Чытачы! Газета “Слова Жыцця” існуе спецыяльна для Вас, і мы б хацелі, каб яна адпавядала Вашым чаканням. Каб зрабіць выданне яшчэ больш цікавым і карысным, прапануем Вам адказаць на пытанні дадзенай анкеты. Дасылайце яе ў рэдакцыю і станавіцеся ўдзельнікам розыгрыша падарункаў за запаўненне анкеты.

1. Як даўно Вы чытаеце газету “Слова Жыцця”?
     2. Чаму да сённяшняга дня з’яўляецеся яе чытачом?
     3. Адкуль даведаліся пра выданне?
     4. Як часта чытаеце “Слова Жыцця”?
       • кожны нумар
       • час ад часу
       • чытаю ў інтэрнэце
       • упершыню
     5. Ці падабаецца Вам знешні выгляд газеты? †