Час па сонцы Яго ствараў і праводзіў усе разлікі пробашч парафіі а. Сабеслаў Тамала OFM разам з вернікамі. У цэнтры гадзінніка змешчаны гноман, ад якога падае цень. Гэты цень і паказвае час. Нанесены на гадзінніку лацінскі надпіс гучыць: “Гэты цень праходзіць, як наша жыццё на зямлі”. Яшчэ адзін надпіс з’яўляецца дэвізам Ордэна Братоў Меншых: “Супакой і дабро”. Таксама на палатне выяўлены каардынаты Салігорска, герб горада і герб ордэна францысканцаў.
    Як адзначыў пробашч парафіі, у планах стварыць насценны і экватарыяльны гадзіннікі. †

---

 Непажаданы сусед Мужчына памёр пасля 5-ці аперацый у выніку ран, атрыманых пасля нападу з боку агрэсіўных суседзяў, якія лічаць хрысціян непажаданымі ў займаемым імі раёне горада. Яны палічылі гэта нявартым. Спачатку пагражалі сям’і, загадваючы пакінуць дом цягам сутак. Пасля напалі, выкарыстоўваючы агнястрэльную зброю. Здзейсненая атака з’яўляецца найгоршай формай дыскрымінацыі і праследавання, накіраванай супраць рэлігійных меншасцей у гэтай краіне.

---

 Каміна-дэ-Санцьяга
 запрашае! З 1 ліпеня зноў адкрыта катэдра ў Санцьяга-дэ-Кампастэла на паўночным захадзе Іспаніі. У святыні і ў прытулках па-ранейшаму дзейнічаюць асаблівыя правілы гігіены, а пілігрымы, якія ідуць паломніцкім шляхам, павінны загадзя даведацца пра эпідэміялагічную сітуацыю. Шлях св. Якуба, альбо Каміна-дэ-Санцьяга, з’яўляецца адным з самых важных хрысціянскіх паломніцкіх маршрутаў, побач з дарогамі ў Рым і Іерусалім. Ён вядзе з краін Балтыі праз Польшчу, Германію, Швейцарыю і Францыю да магілы св. апостала Якуба.