У чарговы раз, дзякуючы Божаму Провіду, мы маем магчымасць перажываць святы Уваскрасення Пана.
    У той жа час гэта нагода і заклік, каб даваць усім людзям і цэламу свету сведчанне нашай веры ў Езуса Хрыста – Божага Сына, які “дзеля нас, людзей, і дзеля нашага збаўлення сышоў з Неба, (…) стаў чалавекам, (…) быў замучаны і пахаваны, і на трэці дзень уваскрос, паводле Пісання”. †

   Няхай сустрэча з Уваскрослым у Пасхальнай таямніцы ўзбуджае ў кожным з нас сапраўдную сілу жыцця, якая грунтуецца на ўпэўненасці, што мы заўсёды любімыя і атрымліваем прабачэнне ад Таго, хто перамог зло і смерць.
   
    На гэты час, прасякнуты спевам велікоднага “Алелюя”, калектыў рэдакцыі газеты Гродзенскай дыяцэзіі “Слова Жыцця” жадае Вам сапраўднай радасці, што паходзіць ад сустрэчы з Панам.